{"collection":"Northern European Mythology","html_url":"https://unchartedknowledge.5gfusion.net/browse/neu/ascp/a03_2203.htm","path":"neu/ascp/a03_2203.htm","source_url":"https://sacred-texts.com/neu/ascp/a03_2203.htm","text":"Hwilum mec min frea f\u00e6ste genearwa\u00f0,\nsende\u00f0 \u00feonne under salwonges\nbearm \u00feone bradan, ond on bid wrice\u00f0,\n\u00ferafa\u00f0 on \u00feystrum \u00ferymma sumne,\n5\nh\u00e6ste on enge, \u00fe\u00e6r me heord site\u00f0\nhruse on hrycge. Nah ic hwyrftweges\nof \u00feam aglace, ac ic e\u00feelstol\nh\u00e6le\u00fea hrere; hornsalu wagia\u00f0,\nwera wicstede, weallas beofia\u00f0,\n10\nsteape ofer stiwitum. Stille \u00feynce\u00f0\nlyft ofer londe ond lagu swige,\no\u00fe\u00fe\u00e6t ic of enge up a\u00feringe,\nefne swa mec wisa\u00fe se mec wr\u00e6de on\n\u00e6t frumsceafte fur\u00feum legde,\n15\nbende ond clomme, \u00fe\u00e6t ic onbugan ne mot\nof \u00fe\u00e6s gewealde \u00fee me wegas t\u00e6cne\u00f0.\nHwilum ic sceal ufan y\u00fea wregan, streamas styrgan ond to sta\u00fee \u00feywan\nflintgr\u00e6gne flod. Famig winne\u00f0\n20\nw\u00e6g wi\u00f0 wealle, wonn arise\u00f0\ndun ofer dype; hyre deorc on last,\neare geblonden, o\u00feer fere\u00f0,\n\u00fe\u00e6t hy gemitta\u00f0 mearclonde neah\nhea hlincas. \u00fe\u00e6r bi\u00f0 hlud wudu,\non \u00fea grimman tid, g\u00e6sta fulne,\n\u00fe\u00e6t he scyle rice birofen weor\u00fean,\nfeore bifohten f\u00e6mig ridan\ny\u00fea hrycgum. \u00fe\u00e6r bi\u00f0 egsa sum\n\u00e6ldum geywed, \u00feara \u00fee ic hyran sceal\n35\nstrong on sti\u00f0weg. Hwa gestille\u00f0 \u00fe\u00e6t?\nHwilum ic \u00feurhr\u00e6se, \u00fe\u00e6t me on b\u00e6ce ride\u00f0\nwon w\u00e6gfatu, wide to\u00feringe\nlagustreama full, hwilum l\u00e6te eft\nslupan tosomne. Se bi\u00f0 swega m\u00e6st,\nond me on hrycg hlade \u00fe\u00e6t ic habban sceal,\nmeahtum gemagnad mines frean.\nSwa ic \u00ferymful \u00feeow \u00feragum winne,\nhwilum under eor\u00fean, hwilum y\u00fea sceal hean underhnigan, hwilum holm ufan\n70\nstreamas styrge, hwilum stige up,\nwolcnfare wrege, wide fere\nswift ond swi\u00fefeorm. Saga hw\u00e6t ic hatte,\no\u00fe\u00fee hwa mec r\u00e6re, \u00feonne ic restan ne mot,\no\u00fe\u00fee hwa mec st\u00e6\u00f0\u00fee, \u00feonne ic stille beom.","title":"Riddle 3","type":"page"}