{"collection":"Northern European Mythology","html_url":"https://unchartedknowledge.5gfusion.net/browse/neu/ascp/a03_2208.htm","path":"neu/ascp/a03_2208.htm","source_url":"https://sacred-texts.com/neu/ascp/a03_2208.htm","text":"Sacred Texts\u00a0\n Legends and Sagas\u00a0\n WordGumbo: Old English Dictionaries [External Site]\n Index\u00a0\n Previous\u00a0\n Next\u00a0\n \n \n Riddle 8\n Verse Indeterminate Saxon\n \n - \n Ic \u00feurh mu\u00fe sprece \u00a0\u00a0\u00a0\u00a0 mongum reordum, \n wrencum singe, \u00a0\u00a0\u00a0\u00a0 wrixle geneahhe\n heafodwo\u00fee, \u00a0\u00a0\u00a0\u00a0 hlude cirme,\n healde mine wisan, \u00a0\u00a0\u00a0\u00a0 hleo\u00fere ne mi\u00fee,\n- 5\n- \n eald \u00e6fensceop, \u00a0\u00a0\u00a0\u00a0 eorlum bringe \n blisse in burgum, \u00a0\u00a0\u00a0\u00a0 \u00feonne ic bugendre\n stefne styrme; \u00a0\u00a0\u00a0\u00a0 stille on wicum\n sitta\u00f0 nigende. \u00a0\u00a0\u00a0\u00a0 Saga hw\u00e6t ic hatte,\n \u00fee swa scirenige \u00a0\u00a0\u00a0\u00a0 sceawendwisan\n- 10\n- \n hlude onhyrge, \u00a0\u00a0\u00a0\u00a0 h\u00e6le\u00feum bodige \n wilcumena fela \u00a0\u00a0\u00a0\u00a0 wo\u00fee minre.","title":"Riddle 8","type":"page"}