{"collection":"Northern European Mythology","html_url":"https://unchartedknowledge.5gfusion.net/browse/neu/ascp/a03_2209.htm","path":"neu/ascp/a03_2209.htm","source_url":"https://sacred-texts.com/neu/ascp/a03_2209.htm","text":"Mec on \u00feissum dagum deadne ofgeafun\nf\u00e6der ond modor; ne w\u00e6s me feorh \u00fea gen,\nealdor in innan. \u00fea mec an ongon,\nwelhold mege, wedum \u00feeccan,\n5\nheold ond freo\u00feode, hleosceorpe wrah swa arlice swa hire agen bearn,\no\u00fe\u00fe\u00e6t ic under sceate, swa min gesceapu w\u00e6ron,\nungesibbum wear\u00f0 eacen g\u00e6ste.\nMec seo fri\u00fee m\u00e6g fedde si\u00fe\u00fean,\n10\no\u00fe\u00fe\u00e6t ic aweox, widdor meahte\nsi\u00feas asettan. Heo h\u00e6fde sw\u00e6sra \u00fey l\u00e6s\nsuna ond dohtra, \u00fey heo swa dyde.","title":"Riddle 9","type":"page"}