{"collection":"Northern European Mythology","html_url":"https://unchartedknowledge.5gfusion.net/browse/neu/ascp/a03_2214.htm","path":"neu/ascp/a03_2214.htm","source_url":"https://sacred-texts.com/neu/ascp/a03_2214.htm","text":"Sacred Texts\u00a0\n Legends and Sagas\u00a0\n WordGumbo: Old English Dictionaries [External Site]\n Index\u00a0\n Previous\u00a0\n Next\u00a0\n \n \n Riddle 14\n Verse Indeterminate Saxon\n \n - \n Ic w\u00e6s w\u00e6penwiga. \u00a0\u00a0\u00a0\u00a0 Nu mec wlonc \u00feece\u00f0 \n geong hagostealdmon \u00a0\u00a0\u00a0\u00a0 golde ond sylfore,\n woum wirbogum. \u00a0\u00a0\u00a0\u00a0 Hwilum weras cyssa\u00f0,\n hwilum ic to hilde \u00a0\u00a0\u00a0\u00a0 hleo\u00fere bonne\n- 5\n- \n wilgehle\u00fean, \u00a0\u00a0\u00a0\u00a0 hwilum wycg byre\u00fe \n mec ofer mearce, \u00a0\u00a0\u00a0\u00a0 hwilum merehengest\n fere\u00f0 ofer flodas \u00a0\u00a0\u00a0\u00a0 fr\u00e6twum beorhtne,\n hwilum m\u00e6g\u00f0a sum \u00a0\u00a0\u00a0\u00a0 minne gefylle\u00f0\n bosm beaghroden; \u00a0\u00a0\u00a0\u00a0 hwilum ic bordum sceal,\n- 10\n- \n heard, heafodleas, \u00a0\u00a0\u00a0\u00a0 behly\u00feed licgan, \n hwilum hongige \u00a0\u00a0\u00a0\u00a0 hyrstum fr\u00e6twed,\n wlitig on wage, \u00a0\u00a0\u00a0\u00a0 \u00fe\u00e6r weras drinca\u00f0,\n freolic fyrdsceorp. \u00a0\u00a0\u00a0\u00a0 Hwilum folcwigan\n on wicge wega\u00f0, \u00a0\u00a0\u00a0\u00a0 \u00feonne ic winde sceal\n- 15\n- \n sincfag swelgan \u00a0\u00a0\u00a0\u00a0 of sumes bosme; \n hwilum ic gereordum \u00a0\u00a0\u00a0\u00a0 rincas la\u00f0ige\n wlonce to wine; \u00a0\u00a0\u00a0\u00a0 hwilum wra\u00feum sceal\n stefne minre \u00a0\u00a0\u00a0\u00a0 forstolen hreddan,\n flyman feondscea\u00fean. \u00a0\u00a0\u00a0\u00a0 Frige hw\u00e6t ic hatte.","title":"Riddle 14","type":"page"}