{"collection":"Northern European Mythology","html_url":"https://unchartedknowledge.5gfusion.net/browse/neu/ascp/a03_2229.htm","path":"neu/ascp/a03_2229.htm","source_url":"https://sacred-texts.com/neu/ascp/a03_2229.htm","text":"Ic wiht geseah wundorlice hornum bitweonum hu\u00fee l\u00e6dan,\nlyftf\u00e6t leohtlic, listum gegierwed,\nhu\u00fee to \u00feam ham of \u00feam heresi\u00fee;\n5\nwalde hyre on \u00fe\u00e6re byrig bur atimbran,\nsearwum asettan, gif hit swa meahte.\n\u00f0a cwom wundorlicu wiht ofer wealles hrof,\nseo is eallum cu\u00f0 eor\u00f0buendum,\nahredde \u00fea \u00fea hu\u00fee ond to ham bedraf\n10\nwreccan ofer willan, gewat hyre west \u00feonan\nf\u00e6h\u00feum feran, for\u00f0 onette.\nDust stonc to heofonum, deaw feol on eor\u00fean,\nniht for\u00f0 gewat. N\u00e6nig si\u00fe\u00fean\nwera gewiste \u00fe\u00e6re wihte si\u00f0.","title":"Riddle 29","type":"page"}