{"collection":"Northern European Mythology","html_url":"https://unchartedknowledge.5gfusion.net/browse/neu/ascp/a03_30.htm","path":"neu/ascp/a03_30.htm","source_url":"https://sacred-texts.com/neu/ascp/a03_30.htm","text":"Sacred Texts\u00a0\n Legends and Sagas\u00a0\n WordGumbo: Old English Dictionaries [External Site]\n Index\u00a0\n Previous\u00a0\n Next\u00a0\n \n \n Homiletic Fragment II\n Verse Indeterminate Saxon\n \n - \n Gefeoh nu on fer\u00f0e \u00a0\u00a0\u00a0\u00a0 ond to frofre ge\u00feeoh \n dryhtne \u00feinum, \u00a0\u00a0\u00a0\u00a0 ond \u00feinne dom ar\u00e6r,\n heald hordlocan, \u00a0\u00a0\u00a0\u00a0 hyge f\u00e6ste bind\n mid modsefan. \u00a0\u00a0\u00a0\u00a0 Monig bi\u00fe uncu\u00fe\n- 5\n- \n treowge\u00feofta, \u00a0\u00a0\u00a0\u00a0 teora\u00f0 hwilum, \n wacia\u00fe wordbeot; \u00a0\u00a0\u00a0\u00a0 swa \u00feeos woruld fare\u00f0,\n scurum scynde\u00f0 \u00a0\u00a0\u00a0\u00a0 ond gesceap dreoge\u00f0.\n An is geleafa, \u00a0\u00a0\u00a0\u00a0 an lifgende,\n an is fulwiht, \u00a0\u00a0\u00a0\u00a0 an f\u00e6der ece,\n- 10\n- \n an is folces fruma, \u00a0\u00a0\u00a0\u00a0 se \u00feas foldan gesceop, \n dugu\u00f0e ond dreamas. \u00a0\u00a0\u00a0\u00a0 Dom si\u00fe\u00fean weox,\n \u00feeah \u00feeos l\u00e6ne gesceaft \u00a0\u00a0\u00a0\u00a0 longe stode\n heolstre gehyded, \u00a0\u00a0\u00a0\u00a0 helme ...edygled,\n bi\u00feeaht wel treowum, \u00a0\u00a0\u00a0\u00a0 \u00feystre oferf\u00e6\u00f0med,\n- 15\n- \n si\u00fe\u00fean geong aweox \u00a0\u00a0\u00a0\u00a0 \n m\u00e6ge\u00f0 modhwatu \u00a0\u00a0\u00a0\u00a0 mid moncynne;\n \u00f0\u00e6r gelicade \u00a0\u00a0\u00a0\u00a0 \u00fea... ...op\n in \u00feam hordfate, \u00a0\u00a0\u00a0\u00a0 halgan g\u00e6ste,\n beorht on br... \u00a0\u00a0\u00a0\u00a0 ...e scan,\n- 20\n- \n se w\u00e6s ordfruma \u00a0\u00a0\u00a0\u00a0 ealles leohtes.","title":"Homiletic Fragment II","type":"page"}