{"collection":"Northern European Mythology","html_url":"https://unchartedknowledge.5gfusion.net/browse/neu/ascp/a03_33.htm","path":"neu/ascp/a03_33.htm","source_url":"https://sacred-texts.com/neu/ascp/a03_33.htm","text":"Sacred Texts\u00a0\n Legends and Sagas\u00a0\n WordGumbo: Old English Dictionaries [External Site]\n Index\u00a0\n Previous\u00a0\n Next\u00a0\n \n \n The Ruin\n Verse Indeterminate Saxon\n \n - \n Wr\u00e6tlic is \u00fees wealstan, \u00a0\u00a0\u00a0\u00a0 wyrde gebr\u00e6con; \n burgstede burston, \u00a0\u00a0\u00a0\u00a0 brosna\u00f0 enta geweorc.\n Hrofas sind gehrorene, \u00a0\u00a0\u00a0\u00a0 hreorge torras,\n hrungeat berofen, \u00a0\u00a0\u00a0\u00a0 hrim on lime,\n- 5\n- \n scearde scurbeorge \u00a0\u00a0\u00a0\u00a0 scorene, gedrorene, \n \u00e6ldo undereotone. \u00a0\u00a0\u00a0\u00a0 Eor\u00f0grap hafa\u00f0\n waldend wyrhtan \u00a0\u00a0\u00a0\u00a0 forweorone, geleorene,\n heardgripe hrusan, \u00a0\u00a0\u00a0\u00a0 o\u00fe hund cnea\n wer\u00feeoda gewitan. \u00a0\u00a0\u00a0\u00a0 Oft \u00fe\u00e6s wag gebad\n- 10\n- \n r\u00e6ghar ond readfah \u00a0\u00a0\u00a0\u00a0 rice \u00e6fter o\u00ferum, \n ofstonden under stormum; \u00a0\u00a0\u00a0\u00a0 steap geap gedreas.\n Wona\u00f0 giet se \u00a0\u00a0\u00a0\u00a0 ...num geheapen,\n fel on\n grimme gegrunden\n- 15\n- \n scan \u00a0\u00a0\u00a0\u00a0 heo... \n ...g or\u00feonc \u00a0\u00a0\u00a0\u00a0 \u00e6rsceaft\n ...g \u00a0\u00a0\u00a0\u00a0 lamrindum beag\n mod mo... \u00a0\u00a0\u00a0\u00a0 ...yne swiftne gebr\u00e6gd\n hw\u00e6tred in hringas, \u00a0\u00a0\u00a0\u00a0 hygerof gebond\n- 20\n- \n weallwalan wirum \u00a0\u00a0\u00a0\u00a0 wundrum tog\u00e6dre. \n Beorht w\u00e6ron burgr\u00e6ced, \u00a0\u00a0\u00a0\u00a0 burnsele monige,\n heah horngestreon, \u00a0\u00a0\u00a0\u00a0 heresweg micel,\n meodoheall monig \u00a0\u00a0\u00a0\u00a0 \u16d7 dreama full,\n o\u00fe\u00fe\u00e6t \u00fe\u00e6t onwende \u00a0\u00a0\u00a0\u00a0 wyrd seo swi\u00fee.\n- 25\n- \n Crungon walo wide, \u00a0\u00a0\u00a0\u00a0 cwoman woldagas, \n swylt eall fornom \u00a0\u00a0\u00a0\u00a0 secgrofra wera;\n wurdon hyra wigsteal \u00a0\u00a0\u00a0\u00a0 westen sta\u00feolas,\n brosnade burgsteall. \u00a0\u00a0\u00a0\u00a0 Betend crungon\n hergas to hrusan. \u00a0\u00a0\u00a0\u00a0 For\u00feon \u00feas hofu dreorgia\u00f0,\n- 30\n- \n ond \u00fe\u00e6s teaforgeapa \u00a0\u00a0\u00a0\u00a0 tigelum sceade\u00f0 \n hrostbeages hrof. \u00a0\u00a0\u00a0\u00a0 Hryre wong gecrong\n gebrocen to beorgum, \u00a0\u00a0\u00a0\u00a0 \u00fe\u00e6r iu beorn monig\n gl\u00e6dmod ond goldbeorht \u00a0\u00a0\u00a0\u00a0 gleoma gefr\u00e6twed,\n wlonc ond wingal \u00a0\u00a0\u00a0\u00a0 wighyrstum scan;\n- 35\n- \n seah on sinc, on sylfor, \u00a0\u00a0\u00a0\u00a0 on searogimmas, \n on ead, on \u00e6ht, \u00a0\u00a0\u00a0\u00a0 on eorcanstan,\n on \u00feas beorhtan burg \u00a0\u00a0\u00a0\u00a0 bradan rices.\n Stanhofu stodan, \u00a0\u00a0\u00a0\u00a0 stream hate wearp\n widan wylme; \u00a0\u00a0\u00a0\u00a0 weal eall befeng\n- 40\n- \n beorhtan bosme, \u00a0\u00a0\u00a0\u00a0 \u00fe\u00e6r \u00fea ba\u00feu w\u00e6ron, \n hat on hre\u00fere. \u00a0\u00a0\u00a0\u00a0 \u00fe\u00e6t w\u00e6s hy\u00f0elic.\n Leton \u00feonne geotan\n ofer harne stan \u00a0\u00a0\u00a0\u00a0 hate streamas\n un...\n- 45\n- \n ...\u00fe\u00fe\u00e6t hringmere \u00a0\u00a0\u00a0\u00a0 hate \n \u00fe\u00e6r \u00fea ba\u00feu w\u00e6ron.\n \u00feonne is\n ...re; \u00a0\u00a0\u00a0\u00a0 \u00fe\u00e6t is cynelic \u00feing,\n huse ...... \u00a0\u00a0\u00a0\u00a0 burg....","title":"The Ruin","type":"page"}