{"collection":"Northern European Mythology","html_url":"https://unchartedknowledge.5gfusion.net/browse/neu/ascp/a03_3406.htm","path":"neu/ascp/a03_3406.htm","source_url":"https://sacred-texts.com/neu/ascp/a03_3406.htm","text":"Sacred Texts\u00a0\n Legends and Sagas\u00a0\n WordGumbo: Old English Dictionaries [External Site]\n Index\u00a0\n Previous\u00a0\n Next\u00a0\n \n \n Riddle 66\n Verse Indeterminate Saxon\n \n - \n Ic eom mare \u00a0\u00a0\u00a0\u00a0 \u00feonne \u00fees middangeard, \n l\u00e6sse \u00feonne hondwyrm, \u00a0\u00a0\u00a0\u00a0 leohtre \u00feonne mona,\n swiftre \u00feonne sunne. \u00a0\u00a0\u00a0\u00a0 S\u00e6s me sind ealle\n flodas on f\u00e6\u00f0mum \u00a0\u00a0\u00a0\u00a0 ond \u00fees foldan bearm,\n- 5\n- \n grene wongas. \u00a0\u00a0\u00a0\u00a0 Grundum ic hrine, \n helle underhnige, \u00a0\u00a0\u00a0\u00a0 heofonas oferstige,\n wuldres e\u00feel, \u00a0\u00a0\u00a0\u00a0 wide r\u00e6ce\n ofer engla eard, \u00a0\u00a0\u00a0\u00a0 eor\u00fean gefylle,\n ealne middangeard \u00a0\u00a0\u00a0\u00a0 ond merestreamas\n- 10\n- \n side mid me sylfum. \u00a0\u00a0\u00a0\u00a0 Saga hw\u00e6t ic hatte.","title":"Riddle 66","type":"page"}