{"collection":"Northern European Mythology","html_url":"https://unchartedknowledge.5gfusion.net/browse/neu/ascp/a05_112.htm","path":"neu/ascp/a05_112.htm","source_url":"https://sacred-texts.com/neu/ascp/a05_112.htm","text":"Sacred Texts\u00a0\n Legends and Sagas\u00a0\n WordGumbo: Old English Dictionaries [External Site]\n Index\u00a0\n Previous\u00a0\n Next\u00a0\n \n \n The Paris Psalter: Psalm 112\n Verse Indeterminate Saxon\n \n - \n Herigean nu cnihtas \u00a0\u00a0\u00a0\u00a0 h\u00e6lynd drihten, \n and naman dryhtnes \u00a0\u00a0\u00a0\u00a0 neode herigan.\n Wese nama dryhtnes \u00a0\u00a0\u00a0\u00a0 neode gebletsad\n of \u00f0yssan for\u00f0 \u00a0\u00a0\u00a0\u00a0 awa to worulde.\n- 5\n- \n Fram upgange \u00a0\u00a0\u00a0\u00a0 \u00e6ryst sunnan \n o\u00f0\u00fe\u00e6t heo wende \u00a0\u00a0\u00a0\u00a0 on westrodur\n ge sculon dryhtnes naman \u00a0\u00a0\u00a0\u00a0 d\u00e6dum herigean.\n He is ofer ealle \u00a0\u00a0\u00a0\u00a0 inge\u00feeode\n se heahsta \u00a0\u00a0\u00a0\u00a0 h\u00e6le\u00f0a cynnes,\n- 10\n- \n is ofer heofenas eac \u00a0\u00a0\u00a0\u00a0 ahafen his wuldur. \n Hwylc ys anlic \u00a0\u00a0\u00a0\u00a0 urum dryhtne,\n \u00feam halgan gode, \u00a0\u00a0\u00a0\u00a0 \u00fee on heofonrice\n eadig earda\u00f0, \u00a0\u00a0\u00a0\u00a0 ofer ealle gesyh\u00f0,\n \u00fea eadmedu \u00a0\u00a0\u00a0\u00a0 \u00e6ghw\u00e6r begang\u00e6\u00f0\n- 15\n- \n on eor\u00f0wege, \u00a0\u00a0\u00a0\u00a0 up on heofenum? \n He of eor\u00f0an m\u00e6g \u00a0\u00a0\u00a0\u00a0 \u00feone unagan\n weccan to willan, \u00a0\u00a0\u00a0\u00a0 and of woruftorde\n \u00feone \u00feearfendan \u00a0\u00a0\u00a0\u00a0 \u00feriste areccan,\n And hine on ealdordom \u00a0\u00a0\u00a0\u00a0 upp asettan\n- 20\n- \n his folces fruman \u00a0\u00a0\u00a0\u00a0 on f\u00e6ger lif. \n Se \u00fee eard sete\u00f0 \u00a0\u00a0\u00a0\u00a0 unw\u00e6stmb\u00e6rre\n on modor hus \u00a0\u00a0\u00a0\u00a0 manigra bearna;\n hio ofer hire suna \u00a0\u00a0\u00a0\u00a0 symbla\u00f0 and blissa\u00f0.","title":"The Paris Psalter: Psalm 112","type":"page"}