{"collection":"Northern European Mythology","html_url":"https://unchartedknowledge.5gfusion.net/browse/neu/ascp/a05_114.htm","path":"neu/ascp/a05_114.htm","source_url":"https://sacred-texts.com/neu/ascp/a05_114.htm","text":"Sacred Texts\u00a0\n Legends and Sagas\u00a0\n WordGumbo: Old English Dictionaries [External Site]\n Index\u00a0\n Previous\u00a0\n Next\u00a0\n \n \n The Paris Psalter: Psalm 114\n Verse Indeterminate Saxon\n \n - \n Ic lufie \u00fee, \u00a0\u00a0\u00a0\u00a0 leofa drihten, \n for\u00fean \u00feu mines gebedes \u00a0\u00a0\u00a0\u00a0 bene gehyrdest.\n And \u00feu \u00fein eare to me \u00a0\u00a0\u00a0\u00a0 eadmodlice\n hold ahyldest \u00a0\u00a0\u00a0\u00a0 and gehyrdest me,\n- 5\n- \n \u00fea ic \u00fee on dagum minum \u00a0\u00a0\u00a0\u00a0 dyrne cigde. \n \u00fear me ymbsealde \u00a0\u00a0\u00a0\u00a0 swylde dea\u00f0es,\n and me frecne \u00e6tfeah \u00a0\u00a0\u00a0\u00a0 fyrhtu helle.\n Me costung and sar \u00a0\u00a0\u00a0\u00a0 cnyssedan geneahhe,\n \u00feonne ic naman drihtnes \u00a0\u00a0\u00a0\u00a0 nyde cigde.\n- 10\n- \n Eala \u00feu leofa god, \u00a0\u00a0\u00a0\u00a0 alys mine nu \n sawle on gesyntum; \u00a0\u00a0\u00a0\u00a0 ic to so\u00fean wat,\n \u00fe\u00e6t \u00feu w\u00e6re mildheort, \u00a0\u00a0\u00a0\u00a0 mihtig dryhten,\n and ure god \u00a0\u00a0\u00a0\u00a0 \u00e6ghw\u00e6s so\u00f0f\u00e6st;\n mihta us \u00feine \u00a0\u00a0\u00a0\u00a0 milde weor\u00f0an.\n- 15\n- \n Drihten gehealde\u00f0 \u00a0\u00a0\u00a0\u00a0 dome \u00fea lytlan; \n ic hean gewear\u00f0, \u00a0\u00a0\u00a0\u00a0 he me hra\u00f0e lysde.\n Gecyr mine sawle \u00a0\u00a0\u00a0\u00a0 cl\u00e6ne on \u00feine\n r\u00e6d\u00e6s reste, \u00a0\u00a0\u00a0\u00a0 rice drihten;\n \u00feu me wel dydest \u00a0\u00a0\u00a0\u00a0 on woruldlife.\n- 20\n- \n For\u00feon \u00feu mine sawle \u00a0\u00a0\u00a0\u00a0 sylfa generedyst, \n and hig of deopum \u00a0\u00a0\u00a0\u00a0 dea\u00fee gel\u00e6ddest;\n eagan mine wi\u00f0 tearum \u00a0\u00a0\u00a0\u00a0 \u00e6ghw\u00e6r geheolde\n and fet mine \u00a0\u00a0\u00a0\u00a0 wi\u00f0 f\u00e6rslide;\n ic gelicie \u00a0\u00a0\u00a0\u00a0 leofum drihtne\n- 25\n- \n on lifigendra \u00a0\u00a0\u00a0\u00a0 lande nu \u00f0a.","title":"The Paris Psalter: Psalm 114","type":"page"}