{"collection":"Northern European Mythology","html_url":"https://unchartedknowledge.5gfusion.net/browse/neu/ascp/a05_122.htm","path":"neu/ascp/a05_122.htm","source_url":"https://sacred-texts.com/neu/ascp/a05_122.htm","text":"Sacred Texts\u00a0\n Legends and Sagas\u00a0\n WordGumbo: Old English Dictionaries [External Site]\n Index\u00a0\n Previous\u00a0\n Next\u00a0\n \n \n The Paris Psalter: Psalm 122\n Verse Indeterminate Saxon\n \n - \n To \u00fee ic mine eagan hof, \u00a0\u00a0\u00a0\u00a0 ece drihten, \n \u00feu \u00fee heofonhamas \u00a0\u00a0\u00a0\u00a0 healdest and wealdest.\n Efne mine eagan synt \u00a0\u00a0\u00a0\u00a0 ealra gelicast\n \u00feonne esne bi\u00f0, \u00a0\u00a0\u00a0\u00a0 \u00feonne ondrysnum\n- 5\n- \n his hlaforde \u00a0\u00a0\u00a0\u00a0 here\u00f0 and cweme\u00f0. \n And swa eagan ga\u00f0 \u00a0\u00a0\u00a0\u00a0 earmre \u00feeowenan,\n \u00feonne heo on hire hl\u00e6fdigean \u00a0\u00a0\u00a0\u00a0 handa loca\u00f0,\n swa us synt eagan to \u00f0e, \u00a0\u00a0\u00a0\u00a0 ece drihten,\n urum \u00feam godan gode; \u00a0\u00a0\u00a0\u00a0 geare locia\u00f0,\n- 10\n- \n o\u00fe\u00fe\u00e6t us miltsige \u00a0\u00a0\u00a0\u00a0 mihta wealdend. \n Miltsa us nu \u00f0a, \u00a0\u00a0\u00a0\u00a0 mihtig drihten,\n miltsa us swylce, \u00a0\u00a0\u00a0\u00a0 for\u00feon we manegum synt\n forhogednessum \u00a0\u00a0\u00a0\u00a0 hearde gefylde.\n And we manegum synd \u00a0\u00a0\u00a0\u00a0 manna wordum\n- 15\n- \n ure sawl \u00a0\u00a0\u00a0\u00a0 swi\u00f0e gefylled \n mid edwite, \u00a0\u00a0\u00a0\u00a0 oft and geneahhe,\n and us oferhydige forseo\u00f0 \u00a0\u00a0\u00a0\u00a0 oft and gelome.","title":"The Paris Psalter: Psalm 122","type":"page"}