{"collection":"Northern European Mythology","html_url":"https://unchartedknowledge.5gfusion.net/browse/neu/ascp/a05_127.htm","path":"neu/ascp/a05_127.htm","source_url":"https://sacred-texts.com/neu/ascp/a05_127.htm","text":"Sacred Texts\u00a0\n Legends and Sagas\u00a0\n WordGumbo: Old English Dictionaries [External Site]\n Index\u00a0\n Previous\u00a0\n Next\u00a0\n \n \n The Paris Psalter: Psalm 127\n Verse Indeterminate Saxon\n \n - \n Eadige syndon ealle \u00a0\u00a0\u00a0\u00a0 \u00fee him ecne god \n drihten ondr\u00e6da\u00f0, \u00a0\u00a0\u00a0\u00a0 and his gedefne weg\n on hyra lifes tid \u00a0\u00a0\u00a0\u00a0 lustum ganga\u00f0.\n \u00feonne \u00feu \u00feines gewinnes \u00a0\u00a0\u00a0\u00a0 w\u00e6stme byrgest,\n- 5\n- \n etest oretes, \u00a0\u00a0\u00a0\u00a0 and \u00feu eadig leofast, \n and \u00fee wel weor\u00f0e\u00f0 \u00a0\u00a0\u00a0\u00a0 on wynburgum.\n Beo\u00f0 \u00feines wifes \u00a0\u00a0\u00a0\u00a0 welan gelice,\n swa on wingearde \u00a0\u00a0\u00a0\u00a0 weaxen berigean,\n and on \u00feines huses \u00a0\u00a0\u00a0\u00a0 hwommum genihtsum.\n- 10\n- \n Synd \u00feine bearn swylce \u00a0\u00a0\u00a0\u00a0 samed anlicast, \n swa elebeamas \u00a0\u00a0\u00a0\u00a0 \u00e6\u00feele weaxen,\n ymb \u00feinne beod utan \u00a0\u00a0\u00a0\u00a0 bl\u00e6da standen.\n Efne swa bi\u00f0 gebletsad \u00a0\u00a0\u00a0\u00a0 beorna \u00e6ghwylc\n mann on moldan \u00a0\u00a0\u00a0\u00a0 \u00fee him metodes ege\n- 15\n- \n on his d\u00e6dum \u00a0\u00a0\u00a0\u00a0 drihten forhta\u00f0. \n \u00fee of Sionbeorge \u00a0\u00a0\u00a0\u00a0 swylce drihten\n bealde bletsige, \u00a0\u00a0\u00a0\u00a0 and \u00feu bruce eac\n on Hierusalem \u00a0\u00a0\u00a0\u00a0 goda gehwylces\n ealle lange dagas \u00a0\u00a0\u00a0\u00a0 lifes \u00feines.\n- 20\n- \n And \u00feu \u00feinra bearna \u00a0\u00a0\u00a0\u00a0 bearn sceawige, \n geseo samed gangan \u00a0\u00a0\u00a0\u00a0 sibb ofer Israhel.","title":"The Paris Psalter: Psalm 127","type":"page"}