{"collection":"Northern European Mythology","html_url":"https://unchartedknowledge.5gfusion.net/browse/neu/ascp/a05_129.htm","path":"neu/ascp/a05_129.htm","source_url":"https://sacred-texts.com/neu/ascp/a05_129.htm","text":"Ic of grundum to \u00fee geomur cleopode;\ndrihten, drihten, do \u00feu nu \u00f0a,\n\u00fe\u00e6t \u00feu mines gebedes bene gehyre.\nWesan \u00feine earan eac gehyrende\n5\nand beheldende mid hige swylce\non eall gebedd esnes \u00feines.\nGif \u00feu ure unriht wilt eall behealdan,\ndrihten, drihten, hwa gede\u00f0 \u00e6fre,\n\u00fe\u00e6t he \u00fe\u00e6t geefne eall mid rihte?\n10\nYs seo mildheortnes mid \u00fee, mihta wealdend,\nand ic for \u00f0inre \u00e6, ece drihten,\n\u00feas o\u00feer eall ea\u00f0e ar\u00e6fnige.\nHw\u00e6t, \u00fe\u00e6t sawl min symble ar\u00e6fnede,\n\u00fe\u00e6t ic on \u00feinum wordum me wel getreowde;\n15\nfor\u00f0on min sawl on \u00fee symble getreowe\u00f0.\nFram \u00fe\u00e6re m\u00e6ran mergentide\no\u00f0\u00fe\u00e6t \u00e6fen cume ylda bearnum,\nIsrahelas on drihten a getreowen.\nFor\u00f0on is mildheortnesse miht on drihtne\n20\nand he alyse\u00f0 lustum ealle,\n\u00fea \u00f0e hiht on hine habba\u00f0 f\u00e6ste.\nHe Israhelas ealle alyse\u00f0\nof unrihte \u00e6ghw\u00e6r symble.","title":"The Paris Psalter: Psalm 129","type":"page"}