{"collection":"Northern European Mythology","html_url":"https://unchartedknowledge.5gfusion.net/browse/neu/ascp/a05_149.htm","path":"neu/ascp/a05_149.htm","source_url":"https://sacred-texts.com/neu/ascp/a05_149.htm","text":"Sacred Texts\u00a0\n Legends and Sagas\u00a0\n WordGumbo: Old English Dictionaries [External Site]\n Index\u00a0\n Previous\u00a0\n Next\u00a0\n \n \n The Paris Psalter: Psalm 149\n Verse Indeterminate Saxon\n \n - \n Singa\u00f0 samheorte \u00a0\u00a0\u00a0\u00a0 sangas drihtne \n and him neowne sang \u00a0\u00a0\u00a0\u00a0 nu \u00f0a singa\u00f0;\n wese his herenes \u00a0\u00a0\u00a0\u00a0 on haligra\n cl\u00e6nre cyricean \u00a0\u00a0\u00a0\u00a0 cy\u00f0ed geneahhe.\n- 5\n- \n Israhelas on hine \u00a0\u00a0\u00a0\u00a0 eac blissien, \n and Sione bearn \u00a0\u00a0\u00a0\u00a0 symble hihtan\n swi\u00f0ust ealra.\n Herigen his naman \u00a0\u00a0\u00a0\u00a0 neode on \u00f0reatum,\n on timpano \u00a0\u00a0\u00a0\u00a0 tidum heria\u00f0\n- 10\n- \n and on psalterio \u00a0\u00a0\u00a0\u00a0 singa\u00f0 georne. \n For\u00f0on on his folce is \u00a0\u00a0\u00a0\u00a0 f\u00e6gere drihtne\n wel licendlic, \u00a0\u00a0\u00a0\u00a0 and he wynlice\n \u00feam man\u00few\u00e6rum syle\u00f0 \u00a0\u00a0\u00a0\u00a0 m\u00e6re h\u00e6lu.\n \u00feonne on wuldre gefeo\u00f0 \u00a0\u00a0\u00a0\u00a0 wel \u00fea halgan,\n- 15\n- \n beo\u00f0 on heora husum \u00a0\u00a0\u00a0\u00a0 bli\u00f0e gedreme. \n Him on gomum bi\u00f0 \u00a0\u00a0\u00a0\u00a0 godes oft gemynd;\n heo \u00fe\u00e6s wislice \u00a0\u00a0\u00a0\u00a0 wynnum bruca\u00f0,\n and sweord habba\u00fe \u00a0\u00a0\u00a0\u00a0 swylce on folmum.\n Mid \u00fey hi wrecan \u00feencea\u00f0 \u00a0\u00a0\u00a0\u00a0 wra\u00f0um cynnum\n- 20\n- \n and \u00f0rea \u00feearle \u00a0\u00a0\u00a0\u00a0 \u00feeodum eawan. \n And hio bindan \u00a0\u00a0\u00a0\u00a0 balde \u00feencea\u00f0\n cyningas on campum, \u00a0\u00a0\u00a0\u00a0 and cu\u00f0lice\n heora \u00e6\u00f0elingas don \u00a0\u00a0\u00a0\u00a0 on isene bendas,\n \u00fe\u00e6t hio dom on him \u00a0\u00a0\u00a0\u00a0 deopne gecy\u00f0an\n- 25\n- \n and \u00fe\u00e6t mid wuldre \u00a0\u00a0\u00a0\u00a0 awriten stande: \n \u00feis is haligra wuldor \u00a0\u00a0\u00a0\u00a0 her on eor\u00f0an.","title":"The Paris Psalter: Psalm 149","type":"page"}