{"collection":"Northern European Mythology","html_url":"https://unchartedknowledge.5gfusion.net/browse/neu/ascp/a05_60.htm","path":"neu/ascp/a05_60.htm","source_url":"https://sacred-texts.com/neu/ascp/a05_60.htm","text":"Sacred Texts\u00a0\n Legends and Sagas\u00a0\n WordGumbo: Old English Dictionaries [External Site]\n Index\u00a0\n Previous\u00a0\n Next\u00a0\n \n \n The Paris Psalter: Psalm 60\n Verse Indeterminate Saxon\n \n - \n Gehyr, halig god, \u00a0\u00a0\u00a0\u00a0 hra\u00fee mine bene, \n beheald mine gebed \u00a0\u00a0\u00a0\u00a0 holde mode.\n Nu ic of eor\u00f0an \u00a0\u00a0\u00a0\u00a0 utgem\u00e6rum\n cleopige to \u00fee, \u00a0\u00a0\u00a0\u00a0 nu me caru beate\u00f0\n- 5\n- \n heard \u00e6t heortan, \u00a0\u00a0\u00a0\u00a0 help min nu \u00fea; \n ahefe me holdlice \u00a0\u00a0\u00a0\u00a0 on halne stan.\n \u00feu me gel\u00e6ddest \u00a0\u00a0\u00a0\u00a0 mid lufan hyhte,\n w\u00e6re me se stranga tor \u00a0\u00a0\u00a0\u00a0 sti\u00f0 wi\u00f0 feondum.\n Ic eardige \u00a0\u00a0\u00a0\u00a0 awa to feore\n- 10\n- \n on \u00f0inum selegesceote; \u00a0\u00a0\u00a0\u00a0 \u00fe\u00e6r me softe by\u00f0, \n \u00fe\u00e6r ic beo f\u00e6gere be\u00feeaht \u00a0\u00a0\u00a0\u00a0 fi\u00f0erum \u00f0inum.\n For\u00f0on \u00f0u gehyrdest, \u00a0\u00a0\u00a0\u00a0 halig drihten,\n hu min gebed to \u00f0e \u00a0\u00a0\u00a0\u00a0 beorhte eode;\n yrfe \u00feu sealdest \u00a0\u00a0\u00a0\u00a0 anra gehwylcum,\n- 15\n- \n se \u00fee naman \u00f0inne \u00a0\u00a0\u00a0\u00a0 \u00feurh neod forhta\u00f0. \n D\u00e6g by\u00f0 ofer d\u00e6ge, \u00a0\u00a0\u00a0\u00a0 \u00fe\u00e6r by\u00f0 gedefe cynincg;\n beo\u00f0 his winter eac \u00a0\u00a0\u00a0\u00a0 wynnum iced,\n o\u00f0 \u00feone d\u00e6g \u00fee he \u00a0\u00a0\u00a0\u00a0 on drihtnes sceal\n on ansyne \u00a0\u00a0\u00a0\u00a0 andweard gangan,\n- 20\n- \n and \u00fe\u00e6r to worlde \u00a0\u00a0\u00a0\u00a0 wunian ece. \n Hwylc sece\u00f0 \u00fe\u00e6t \u00a0\u00a0\u00a0\u00a0 \u00fee so\u00f0f\u00e6st by\u00f0?\n Swa ic naman \u00f0inum \u00a0\u00a0\u00a0\u00a0 neode singe,\n \u00fe\u00e6t ic min gehat \u00a0\u00a0\u00a0\u00a0 her agylde\n of d\u00e6ge on d\u00e6g, \u00a0\u00a0\u00a0\u00a0 swa hit gedefe wese.","title":"The Paris Psalter: Psalm 60","type":"page"}