{"collection":"Northern European Mythology","html_url":"https://unchartedknowledge.5gfusion.net/browse/neu/ascp/a05_66.htm","path":"neu/ascp/a05_66.htm","source_url":"https://sacred-texts.com/neu/ascp/a05_66.htm","text":"Sacred Texts\u00a0\n Legends and Sagas\u00a0\n WordGumbo: Old English Dictionaries [External Site]\n Index\u00a0\n Previous\u00a0\n Next\u00a0\n \n \n The Paris Psalter: Psalm 66\n Verse Indeterminate Saxon\n \n - \n Miltsa us, mihtig drihten, \u00a0\u00a0\u00a0\u00a0 and us on mode eac \n gebletsa nu; \u00a0\u00a0\u00a0\u00a0 beorhte leohte\n \u00feinne andwlitan, \u00a0\u00a0\u00a0\u00a0 and us on mode weor\u00f0\n \u00feuruh \u00feine mycelnesse \u00a0\u00a0\u00a0\u00a0 milde and bli\u00f0e.\n- 5\n- \n And we \u00fe\u00e6s on eor\u00f0an \u00a0\u00a0\u00a0\u00a0 andgyt habba\u00f0, \n ure wegas wide \u00a0\u00a0\u00a0\u00a0 geond \u00feas wer\u00f0eode\n on \u00feinre h\u00e6lo \u00a0\u00a0\u00a0\u00a0 healdan motan.\n Folc \u00fee andette; \u00a0\u00a0\u00a0\u00a0 \u00feu eart f\u00e6le god,\n and \u00fee andetten \u00a0\u00a0\u00a0\u00a0 ealle \u00feeoda.\n- 10\n- \n H\u00e6bbe \u00fe\u00e6s gefean \u00a0\u00a0\u00a0\u00a0 folca \u00e6ghwylc \n and blissien \u00a0\u00a0\u00a0\u00a0 bealde \u00feeoda,\n \u00fe\u00e6s \u00fee \u00feu hi on rihtum \u00a0\u00a0\u00a0\u00a0 r\u00e6dum demest\n and eor\u00f0buende \u00a0\u00a0\u00a0\u00a0 ealle healdest.\n Folc \u00fee andetten \u00a0\u00a0\u00a0\u00a0 f\u00e6lne drihten\n- 15\n- \n and \u00fee andetten \u00a0\u00a0\u00a0\u00a0 ealle \u00feeoda. \n Ge him eor\u00f0e syle\u00f0 \u00a0\u00a0\u00a0\u00a0 \u00e6\u00feele w\u00e6stme;\n gebletsige us \u00a0\u00a0\u00a0\u00a0 bli\u00f0e drihten\n and user god \u00a0\u00a0\u00a0\u00a0 eac bletsige;\n h\u00e6bbe his egesan eall \u00a0\u00a0\u00a0\u00a0 eor\u00fean gem\u00e6ru.","title":"The Paris Psalter: Psalm 66","type":"page"}