{"collection":"Northern European Mythology","html_url":"https://unchartedknowledge.5gfusion.net/browse/neu/ascp/a05_79.htm","path":"neu/ascp/a05_79.htm","source_url":"https://sacred-texts.com/neu/ascp/a05_79.htm","text":"Sacred Texts\u00a0\n Legends and Sagas\u00a0\n WordGumbo: Old English Dictionaries [External Site]\n Index\u00a0\n Previous\u00a0\n Next\u00a0\n \n \n The Paris Psalter: Psalm 79\n Verse Indeterminate Saxon\n \n - \n \u00feu \u00fee Israela \u00a0\u00a0\u00a0\u00a0 \u00e6\u00f0elum cynne \n reccest and r\u00e6dest, \u00a0\u00a0\u00a0\u00a0 \u00f0u nu recene beheald,\n \u00feu \u00f0e Ioseph swa sceap \u00a0\u00a0\u00a0\u00a0 gramum wi\u00f0l\u00e6ddest.\n \u00f0u \u00f0e sylfa nu \u00a0\u00a0\u00a0\u00a0 sittest ofer cherubin,\n- 5\n- \n \u00e6teow fore Effraim \u00a0\u00a0\u00a0\u00a0 eac Mannasse \n and Beniamin, \u00a0\u00a0\u00a0\u00a0 nu we bidda\u00f0 \u00fee.\n Awece \u00feine mihte \u00a0\u00a0\u00a0\u00a0 and mid wuldre cum,\n and us hale do \u00a0\u00a0\u00a0\u00a0 her on eor\u00f0an.\n Gehweorf us, m\u00e6gena god, \u00a0\u00a0\u00a0\u00a0 and us mildne \u00e6teow\n- 10\n- \n \u00feinne andwlitan; \u00a0\u00a0\u00a0\u00a0 ealle we beo\u00f0 hale. \n Eala \u00f0u, m\u00e6gena god, \u00a0\u00a0\u00a0\u00a0 m\u00e6re drihten,\n hu lange yrsast \u00feu \u00a0\u00a0\u00a0\u00a0 on \u00feines esnes gebed?\n Tyhst us and fedest \u00a0\u00a0\u00a0\u00a0 teara hlafe,\n and us drincan gifest \u00a0\u00a0\u00a0\u00a0 deorcum tearum\n- 15\n- \n manna gehwylcum \u00a0\u00a0\u00a0\u00a0 on gemet rihtes. \n \u00feu us asettest \u00a0\u00a0\u00a0\u00a0 on sarcwide\n urum neahmannum; \u00a0\u00a0\u00a0\u00a0 nu we cunnion,\n hu us mid frace\u00f0um \u00a0\u00a0\u00a0\u00a0 fynd bysmria\u00f0.\n Gehweorf us, m\u00e6gena god, \u00a0\u00a0\u00a0\u00a0 and us mildne \u00e6teow\n- 20\n- \n \u00feinne andwlitan; \u00a0\u00a0\u00a0\u00a0 ealle we beo\u00f0 hale. \n \u00feu of \u00e6gyptum \u00a0\u00a0\u00a0\u00a0 ut al\u00e6ddest\n wr\u00e6stne wingeard, \u00a0\u00a0\u00a0\u00a0 wurpe \u00feeode\n and \u00feone ylcan \u00f0\u00e6r \u00a0\u00a0\u00a0\u00a0 eft asettest.\n \u00feu him weg beforan \u00a0\u00a0\u00a0\u00a0 worhtest rihtne,\n- 25\n- \n and his wyrtruman \u00a0\u00a0\u00a0\u00a0 wr\u00e6stne settest, \n \u00feanon eor\u00f0e wear\u00f0 \u00a0\u00a0\u00a0\u00a0 eall gefylled.\n His se brada scua \u00a0\u00a0\u00a0\u00a0 beorgas \u00feeahte,\n and his tanas astigun \u00a0\u00a0\u00a0\u00a0 godes cedderbeam.\n Ealle \u00fea telgan \u00a0\u00a0\u00a0\u00a0 \u00f0e him of hlida\u00f0,\n- 30\n- \n \u00feu \u00e6t s\u00e6streamas \u00a0\u00a0\u00a0\u00a0 sealte gebr\u00e6ddest, \n and hi to flodas \u00a0\u00a0\u00a0\u00a0 for\u00f0 aweaxa\u00f0.\n Forhwan \u00feu towurpe \u00a0\u00a0\u00a0\u00a0 weallf\u00e6sten his?\n Wealde\u00f0 his winbyrig \u00a0\u00a0\u00a0\u00a0 eall \u00fe\u00e6t on wege f\u00e6r\u00f0.\n Hine utan of wuda \u00a0\u00a0\u00a0\u00a0 eoferas wrota\u00f0,\n- 35\n- \n and wilde deor \u00a0\u00a0\u00a0\u00a0 westa\u00f0 and fretta\u00f0. \n Gehweorf nu, m\u00e6gena god, \u00a0\u00a0\u00a0\u00a0 milde and spedig\n \u00feine ansyne \u00a0\u00a0\u00a0\u00a0 ufan of heofenum;\n gewite and beseoh \u00a0\u00a0\u00a0\u00a0 wingeard \u00feisne,\n \u00fe\u00e6t he mid rihte \u00a0\u00a0\u00a0\u00a0 r\u00e6de gange,\n- 40\n- \n \u00fe\u00e6ne \u00f0in seo swi\u00f0re \u00a0\u00a0\u00a0\u00a0 sette \u00e6t frym\u00f0e, \n and ofer mannes sunu, \u00a0\u00a0\u00a0\u00a0 \u00fee \u00feu his mihte \u00e6r\n under \u00f0e getrymedest, \u00a0\u00a0\u00a0\u00a0 tires wealdend.\n Fyr onb\u00e6rne\u00f0, \u00a0\u00a0\u00a0\u00a0 folm \u00feurhdelfe\u00f0;\n fram ansyne \u00a0\u00a0\u00a0\u00a0 egsan \u00f0ines\n- 45\n- \n ealle \u00fea on ealdre \u00a0\u00a0\u00a0\u00a0 yfele forweor\u00f0a\u00f0. \n Si \u00fein seo swi\u00f0re hand \u00a0\u00a0\u00a0\u00a0 ofer so\u00f0ne wer\n and ofer mannes sunu; \u00a0\u00a0\u00a0\u00a0 \u00feu his mihta \u00f0e\n geagnadest, \u00a0\u00a0\u00a0\u00a0 ealle getrymedest,\n weoruda drihten; \u00a0\u00a0\u00a0\u00a0 ne gewita\u00f0 we fram \u00f0e.\n- 50\n- \n Ac \u00feu us wel cwica, \u00a0\u00a0\u00a0\u00a0 wealdend mihtig; \n we naman \u00feinne \u00a0\u00a0\u00a0\u00a0 neode cigea\u00f0.\n Gehweorf us, m\u00e6gena","title":"The Paris Psalter: Psalm 79","type":"page"}