{"collection":"Northern European Mythology","html_url":"https://unchartedknowledge.5gfusion.net/browse/neu/ascp/a07.htm","path":"neu/ascp/a07.htm","source_url":"https://sacred-texts.com/neu/ascp/a07.htm","text":"...nas byrna\u00f0?\" Hn\u00e6f hleo\u00ferode \u00f0a, hea\u00feogeong cyning:\n\"Ne \u00f0is ne daga\u00f0 eastan, ne her draca ne fleoge\u00f0,\nne her \u00f0isse healle hornas ne byrna\u00f0.\n5\nAc her for\u00fe bera\u00f0; fugelas singa\u00f0,\ngylle\u00f0 gr\u00e6ghama, gu\u00f0wudu hlynne\u00f0,\nscyld scefte oncwy\u00f0. Nu scyne\u00f0 \u00fees mona\nwa\u00f0ol under wolcnum. Nu arisa\u00f0 wead\u00e6da\n\u00f0e \u00f0isne folces ni\u00f0 fremman willa\u00f0.\n10\nAc onwacnigea\u00f0 nu, wigend mine,\nhabba\u00f0 eowre linda,hicgea\u00fe on ellen, winna\u00f0 on orde, wesa\u00f0 onmode!\"\n\u00f0a aras m\u00e6nig goldhladen \u00f0egn, gyrde hine his swurde.\n\u00f0a to dura eodon drihtlice cempan,\n15\nSigefer\u00f0 and Eaha, hyra sword getugon,\nand \u00e6t o\u00ferum durum Ordlaf and Gu\u00felaf,\nand Hengest sylf hwearf him on laste.\n\u00f0a gyt Garulf Gu\u00f0ere styrde\n\u00f0\u00e6t he swa freolic feorh forman si\u00fee\n20\nto \u00f0\u00e6re healle durum hyrsta ne b\u00e6re,\nnu hyt ni\u00fea heard anyman wolde,\nac he fr\u00e6gn ofer eal undearninga,\ndeormod h\u00e6le\u00fe, hwa \u00f0a duru heolde.\n\"Sigefer\u00fe is min nama,\" cwe\u00fe he, \"ic eom Secgena leod,\n25\nwreccea wide cu\u00f0; f\u00e6la ic weana gebad, heardra hilda. \u00f0e is gyt her witod\nsw\u00e6\u00feer \u00f0u sylf to me secean wylle.\"\n\u00f0a w\u00e6s on healle w\u00e6lslihta gehlyn;\nsceolde cellodbordcenum on handa,\nsweart and sealobrun. Swurdleoma stod,\nswylce eal Finnsburuh fyrenu w\u00e6re.\nNe gefr\u00e6gn ic n\u00e6fre wur\u00felicor \u00e6t wera hilde\nsixtig sigebeorna sel geb\u00e6ran,\nne nefre swetne medo sel forgyldan\n40\n\u00f0onne Hn\u00e6fe guldan his h\u00e6gstealdas.\nHig fuhton fif dagas, swa hyra nan ne feol\ndrihtgesi\u00f0a, ac hig \u00f0a duru heoldon.\n\u00f0a gewat him wund h\u00e6le\u00f0 on w\u00e6g gangan,\ns\u00e6de \u00fe\u00e6t his byrne abrocen w\u00e6re,\n45\nheresceorp unhror, and eac w\u00e6s his helm \u00f0yrel.\n\u00f0a hine sona fr\u00e6gn folces hyrde,\nhu \u00f0a wigend hyra wunda gen\u00e6son,\no\u00f0\u00f0e hw\u00e6\u00feer \u00f0\u00e6ra hyssa","title":"The Battle of Finnsburh","type":"page"}