{"collection":"Northern European Mythology","html_url":"https://unchartedknowledge.5gfusion.net/browse/neu/ascp/a12.htm","path":"neu/ascp/a12.htm","source_url":"https://sacred-texts.com/neu/ascp/a12.htm","text":"\u16c7 by\u00fe frofur fira gehwylcum.\nSceal \u00f0eah manna gehwylc miclun hyt d\u00e6lan\ngif he wile for drihtne domes hleotan.\n\u16a2 by\u00fe anmod and oferhyrned,\n5\nfelafrecne deor, feohte\u00fe mid hornum,\nm\u00e6re morstapa; \u00fe\u00e6t is modig wuht.\n\u16a6 by\u00fe \u00f0earle scearp; \u00f0egna gehwylcum\nanfeng ys yfyl, ungemetun re\u00fee\nmanna gehwylcun \u00f0e him mid reste\u00f0.\n10\n\u16a9 by\u00fe ordfruma \u00e6lcre spr\u00e6ce,\nwisdomes wra\u00feu and witena frofur,\nand eorla gehwam eadnys and tohiht.\n\u16b1 by\u00fe on recyde rinca gehwylcum\nsefte, and swi\u00fehw\u00e6t \u00f0am \u00f0e sitte\u00fe on ufan\n15\nmeare m\u00e6genheardum ofer milpa\u00feas.\n\u16b3 by\u00fe cwicera gehwam cu\u00fe on fyre,\nblac and beorhtlic, byrne\u00fe oftust\n\u00f0\u00e6r hi \u00e6\u00feelingas inne resta\u00fe.\n\u16b7 gumena by\u00fe gleng and herenys,\n20\nwra\u00feu and wyr\u00fescype, and wr\u00e6cna gehwam\nar and \u00e6twist \u00f0e by\u00fe o\u00fera leas.\n\u16b9ne bruce\u00fe \u00f0e can weana lyt,\nsares and sorge, and him sylfa h\u00e6f\u00fe\nbl\u00e6d and blysse and eac byrga geniht.\n25\n\u16bb by\u00fe hwitust corna; hwyrft hit of heofones lyfte,\nwealca\u00fe hit windes scuras, weor\u00fee\u00fe hit to w\u00e6tere sy\u00f0\u00f0an.\n\u16be by\u00fe nearu on breostan, weor\u00fee\u00fe hi \u00f0eah oft ni\u00fea bearnum\nto helpe and to h\u00e6le gehw\u00e6\u00fere, gif hi his hlysta\u00fe \u00e6ror.\n\u16c1 by\u00fe oferceald, ungemetum slidor,\n\u16c7 by\u00fe utan unsme\u00fee treow,\nheard, hrusan f\u00e6st, hyrde fyres,\nwyrtrumun underwre\u00feyd, wyn on e\u00fele.\n\u16c8 by\u00fe symble plega and hlehter\nwlancum \u00f0ar wigan sitta\u00fe\n40\non beorsele bli\u00fee \u00e6tsomne.\n\u16c9 secgeard h\u00e6f\u00fe oftust on fenne,\nwexe\u00f0 on wature, wunda\u00fe grimme,\nblode brene\u00f0 beorna gehwylcne\n\u00f0e him \u00e6nigne onfeng gede\u00f0.\n45\n\u16cb semannum symble bi\u00fe on hihte,\n\u00f0onn hi hine feria\u00fe ofer fisces be\u00fe,\no\u00fe hi brimhengest bringe\u00fe to lande.\n\u16cf bi\u00fe tacna sum, healde\u00f0 trywa wel\nwi\u00fe \u00e6\u00feelingas, a bi\u00fe on f\u00e6rylde,\n50\nofer nihta genipu n\u00e6fre swice\u00fe.\n\u16d2 by\u00fe bleda leas, bere\u00fe efne swa \u00f0eah\ntanas butan tudder, bi\u00fe on telgum wlitig, heah on helme hrysted f\u00e6gere,\ngeloden leafum, lyfte getenge.\n55\n\u16d6 by\u00fe for eorlum \u00e6\u00feelinga wyn,\nhors hofum wlanc, \u00f0\u00e6r him h\u00e6le\u00feymbe,\nwelege on wicgum, wrixla\u00fe spr\u00e6ce,\nand bi\u00fe unstyllum \u00e6fre frofur.\n\u16d7 by\u00fe on myrg\u00fee his magan leof;\n60\nsceal \u00feeah anra gehwylc o\u00f0rum swican,\nfor \u00f0am dryhten wyle dome sine\n\u00fe\u00e6t earme fl\u00e6sc eor\u00fean bet\u00e6can.\n\u16da by\u00fe leodum langsum ge\u00feuht,\ngif hi sculun ne\u00fean on nacan tealtum,\n65\nand hi s\u00e6y\u00fea swy\u00fee brega\u00fe,\nand se brimhengest bridles ne gyme\u00f0.\n\u16dd w\u00e6s \u00e6rest mid Eastdenum\ngesewen secgun, o\u00fe he si\u00f0\u00f0an eft\nofer w\u00e6g gewat, w\u00e6n \u00e6fter ran;\n70\n\u00f0us heardingas \u00f0one h\u00e6le nemdun.\n\u16df by\u00fe oferleof \u00e6ghwylcum men,\ngif he mot \u00f0\u00e6r rihtes and gerysena on\nbrucan on bolde bleadum oftast.\n\u16de by\u00fe drihtnes sond, deore mannum,\n75\nm\u00e6re metodes leoht, myrg\u00fe and tohiht\neadgum and earmum, eallum brice.\n\u16aa by\u00fe on eor\u00fean elda bearnum\nfl\u00e6sces fodor, fere\u00fe gelome\nofer ganotes b\u00e6\u00fe; garsecg fanda\u00fe\n80\nhw\u00e6\u00feer ac h\u00e6bbe \u00e6\u00feele treowe.\n\u16ab bi\u00fe oferheah, eldum dyre,\nsti\u00fe on sta\u00feule, stede rihte hylt,\n\u00f0eah him feohtan on firas monige.\n\u16a3 by\u00fe \u00e6\u00feelinga and eorla gehw\u00e6s\n85\nwyn and wyr\u00femynd, by\u00fe on wicge f\u00e6ger,\nf\u00e6stlic on f\u00e6relde, fyrdgeatewa sum.\n\u16e1 by\u00fe eafix, and \u00f0eah a bruce\u00fe\nfodres on foldan, hafa\u00fe f\u00e6gerne eard,\nw\u00e6tre beworpen, \u00f0\u00e6r he wynnum leofa\u00fe.","title":"The Rune Poem","type":"page"}