{"collection":"Northern European Mythology","html_url":"https://unchartedknowledge.5gfusion.net/browse/neu/ascp/a13.htm","path":"neu/ascp/a13.htm","source_url":"https://sacred-texts.com/neu/ascp/a13.htm","text":"Saturnus cw\u00e6\u00f0:\n\"Hw\u00e6t! Ic iglanda eallra h\u00e6bbe\nboca onbyrged \u00feurh gebregdstafas,\nlarcr\u00e6ftas onlocen Libia and Greca,\n5\nswylce eac istoriam Indea rices.\nMe \u00fea treahteras tala wisedon\non \u00feam micelan bec\nM... ...ces heardum.\nSwylce ic n\u00e6fre on eallum \u00feam fyrngewrytum findan ne mihte\n10\nso\u00f0e samnode. Ic sohte \u00fea git\nhwylc w\u00e6re modes o\u00f0\u00f0e m\u00e6gen\u00ferymmes,\nelnes o\u00f0\u00f0e \u00e6hte o\u00f0\u00f0e eorlscipes\nse gepalmtwigoda Pater Noster. Sille ic \u00fee ealle, sunu Dauides,\n15\n\u00feeoden Israela,XXX punda\nsm\u00e6tes goldes and mine suna twelfe,\ngif \u00feu mec gebringest \u00fe\u00e6t ic si gebryrded\n\u00f0urh \u00fe\u00e6s cantices cwyde Cristes linan,\ngesemes\u00f0 mec mid so\u00f0e, and ic mec gesund fare,\n20\nwende mec on willan on w\u00e6teres hrigc\nofer Coferflod Caldeas secan.\"\nSalomon cw\u00e6\u00f0:\n\"Unl\u00e6de bi\u00f0 on eor\u00fean, unnit lifes,\nwes\u00f0e wisdomes, wealla\u00f0 swa nieten,\n25\nfeldgongende feoh butan gewitte,\nse \u00feurh \u00f0one cantic ne can Crist geherian.\nWora\u00f0 he windes full, worpa\u00f0 hine deofol\non domd\u00e6ge, draca egeslice,\nbismorlice, of blacere li\u00f0ran\n30\nirenum aplum; ealle beo\u00f0 aweaxen\nof edwittes i\u00f0a heafdum.\n\u00feonne him bi\u00f0 leofre \u00f0onne eall \u00f0eos leohte gesceaft,\ngegoten fram \u00f0am grunde goldes and seolfres,\nfe\u00f0ersceatum full feohgestreona,\n35\ngif he \u00e6fre \u00f0\u00e6s organes owiht cu\u00f0e.\nFraco\u00f0 he bi\u00f0 \u00f0onne and fremede frean \u00e6lmihtigum,\nenglum ungelic ana hwearfa\u00f0.\"\nSaturnus cw\u00e6\u00f0:\n\"Ac hwa m\u00e6g ea\u00f0ost ealra gesceafta\n40\n\u00f0a halgan duru heofona rices\ntorhte ontynan on get\u00e6lrime?\"\nSalomon cw\u00e6\u00f0:\n\"\u00f0\u00e6t gepalmtwigede Pater Noster\nheofonas ontyne\u00f0, halige geblissa\u00f0,\negesfullicran \u00f0onne seo \u00e6rene gripu,\n\u00f0onne heo for XII fyra tydernessum\nofer gleda gripe gifrust wealle\u00f0.\nFor\u00f0on hafa\u00f0 se cantic ofer ealle Cristes bec\nwidm\u00e6rost word; he gewritu l\u00e6re\u00f0,\n55\nstefnum steore\u00f0, and him stede healde\u00f0\nheofona rices, heregeatewa wige\u00f0.\"\nSaturnus cw\u00e6\u00f0:\n\"Ac hulic is se organ ingemyndum\nto begonganne \u00f0am \u00f0e his gast wile\n60\nmeltan wi\u00f0 mor\u00f0re, mergan of sorge,\nasceadan of scyldum? Huru him scippend geaf\nwuldorlicne wlite. Mec \u00f0\u00e6s on worolde full oft\nfyrwit frine\u00f0, fus gewite\u00f0,\nmod gemenge\u00f0. N\u00e6nig manna wat,\n65\nh\u00e6le\u00f0a under hefenum, hu min hige dreose\u00f0,\nbysig \u00e6fter bocum; hwilum me bryne stige\u00f0,\nhige heortan neah h\u00e6dre wealle\u00f0.\"\nSalomon cw\u00e6\u00f0:\n\"Gylden is se godes cwide, gimmum ast\u00e6ned,\n70\nhafa\u00f0 sylfren leaf; sundor m\u00e6g \u00e6ghwylc\n\u00f0urh gastes gife godspel secgan.\nHe bi\u00f0 seofan snytro and saule hunig\nand modes meolc, m\u00e6r\u00fea ges\u00e6lgost.\nHe m\u00e6g \u00f0a saule of siennihte\n75\ngefeccan under foldan, n\u00e6fre hie se feond to \u00f0\u00e6s ni\u00f0er\nfeterum gef\u00e6stna\u00f0; \u00f0eah he hie mid fiftigum\nclusum beclemme, he \u00f0one cr\u00e6ft brice\u00f0\nand \u00f0a or\u00f0ancas ealle toslite\u00f0.\nHungor he ahie\u00f0e\u00f0, helle gestrude\u00f0,\n80\nwylm toweorpe\u00f0, wuldor getimbre\u00f0.\nHe is modigra middangearde,\nsta\u00f0ole strengra \u00f0onne ealra stana gripe.\nLamena he is l\u00e6ce, leoht wincendra,\nswilce he is deafra duru, dumbra tunge,\nAnd se \u00f0e wile geornlice \u00f0one godes cwide\nsingan so\u00f0lice, and hine siemle wile\nlufian butan leahtrum, he m\u00e6g \u00f0one la\u00f0an g\u00e6st,\nfeohtende feond, fleonde gebrengan,\ngif \u00f0u him \u00e6rest on ufan ierne gebrengest\n95\nprologa prima, \u00f0am is \u16c8 P nama.\nHafa\u00f0 gu\u00f0m\u00e6cga gierde lange,\ngyldene gade, and a \u00f0one grymman feond\nswi\u00f0mod sweopa\u00f0, and him on swa\u00f0e fylge\u00f0\n\u16aa A oferm\u00e6gene and hine eac ofslih\u00f0.\n100\n\u16cf T hine teswa\u00f0 and hine on \u00f0a tungan stica\u00f0,\nwr\u00e6ste\u00f0 him \u00f0\u00e6t woddor and him \u00f0a wongan briece\u00f0.\n\u16d6 E hiene yfla\u00f0, swa he a wile\nealra feonda gehwane f\u00e6ste gestondan.\n\u00f0onne hiene on un\u00f0anc \u16b1 R ieorrenga gesece\u00f0,\n105\nbocstafa brego, bregde\u00f0 sona\nfeond be \u00f0am feaxe, l\u00e6te\u00f0 flint brecan\nscines sconcan; he ne besceawa\u00f0 no\nhis leomona li\u00f0, ne bi\u00f0 him l\u00e6ce god.\nWende\u00f0 he hiene \u00f0onne under wolcnum, wigsteall sece\u00f0,\n110\nheolstre behelmed. Huru him bi\u00f0 \u00e6t heartan wa,\n\u00f0onne he hangiende helle wisce\u00f0,\n\u00f0\u00e6s \u00e6ngestan e\u00f0elrices.\n\u00f0onne hine forcinna\u00f0 \u00f0a cirican getuinnas,\n\u16be N and\u16a9 Osamod \u00e6ghw\u00e6\u00f0er brenge\u00f0\n115\nsweopan of si\u00f0e; sargia\u00f0 hwile\nfremdne fl\u00e6schoman, feorh ne bemurna\u00f0.\n\u00f0onne \u16cb S cyme\u00f0, engla ger\u00e6swa,\nwuldores st\u00e6f, wra\u00f0ne gegripe\u00f0\nfeond be \u00f0am fotum, l\u00e6te\u00f0 foreweard hleor\n120\non strangne stan, stregda\u00f0 to\u00f0as\ngeond helle heap. Hyde\u00f0 hine \u00e6ghwylc\n\u00e6fter sceades sciman; scea\u00f0a bi\u00f0 gebisigod,\nSatanes \u00f0egn swi\u00f0e gestilled.\nSwilce hiene \u16e2 Q and \u16a2 V cwealme gehn\u00e6ga\u00f0,\n125\nfrome folctogan, fara\u00f0 him togegnes,\nhabba\u00f0 leoht speru, lange sceaftas,\nswi\u00f0mode sweopan, swenga ne wyrna\u00f0,\ndeorra dynta; him bi\u00f0 \u00f0\u00e6t deofol la\u00f0.\n\u00f0onne hine Iand \u16da L and se yrra \u16b3 C\n130\ngu\u00f0e begyrda\u00f0 (geap st\u00e6f wige\u00f0\nbiterne brogan), biga\u00f0 sona\nhelle h\u00e6ftling, \u00f0\u00e6t he on hinder g\u00e6\u00f0.\n\u00f0onne hiene \u16c7 F and \u16d7 M utan ymb\u00f0ringa\u00f0,\nscyldigne scea\u00f0an, habba\u00f0 scearp speru,\n135\natole earhfare, \u00e6led l\u00e6ta\u00f0\non \u00f0\u00e6s feondes feax flana stregdan,\nbiterne brogan; banan heardlice\ngrimme ongielda\u00f0, \u00f0\u00e6s hie oft gilp breca\u00f0.\n\u00f0onne hine \u00e6t niehstan nearwe stille\u00f0\n140\n\u16c4 G se geapa, \u00f0one god sende\u00f0\nfreondum on fultum, f\u00e6re\u00f0 \u00e6fter \u16de D\nfifm\u00e6gnum full. Fyr bi\u00f0 se \u00f0ridda\nst\u00e6f str\u00e6te neah, stille bide\u00f0.\n\u16bb H onette\u00f0, engel hine scierpe\u00f0,\n145\nCristes cempan, on cwicum w\u00e6dum\ngodes spyrigendes geonges hr\u00e6gles.\n\u00f0onne hine on lyfte lifgetwinnan\nunder tungla getrumum tuigena ordum,\nsweopum seolfrynum, swi\u00f0e wealla\u00f0,\n150\no\u00f0\u00f0\u00e6t him ban blica\u00f0, bleda\u00f0 \u00e6dran;\ngartorn geota\u00f0 gifrum deofle.\nM\u00e6g simle se godes cwide gumena gehwylcum\nealra feonda gehwane fleondne gebrengan\n\u00f0urh mannes mu\u00f0, manfulra heap\n155\nsweartne geswencan, n\u00e6fre hie \u00f0\u00e6s syllice\nbleoum bregda\u00f0. \u00e6fter bancofan\nfe\u00f0erhoman onfo\u00f0, hwilum flotan gripa\u00f0;\nhwilum hie gewenda\u00f0 in wyrmes lic stronges and sticoles, stinge\u00f0 nieten,\n160\nfeldgongende feoh gestrude\u00f0.\nHwilum he on w\u00e6tere wicg gehn\u00e6ge\u00f0,\nhornum geheawe\u00f0, o\u00f0\u00f0\u00e6t him heortan blod,\nfamig flodes b\u00e6\u00f0, foldan gesece\u00f0.\nHwilum he gefetera\u00f0 f\u00e6ges mannes,\n165\nhanda gehefega\u00f0, \u00f0onne he \u00e6t hilde sceall\nwi\u00f0 la\u00f0 werud lifes tiligan;\nawrite\u00f0 he on his w\u00e6pne w\u00e6llnota heap,\nbealwe bocstafas, bill forscrife\u00f0,\nmeces m\u00e6r\u00f0o. For\u00f0on n\u00e6nig man scile\n170\noft or\u00f0ances ut abredan\nw\u00e6pnes ecgge, \u00f0eah \u00f0e him se wlite cweme,\nac symle he sceal singan, \u00f0onne he his sweord geteo,\nPater Noster, and \u00f0\u00e6t palmtreow\nbiddan mid blisse, \u00f0\u00e6t him bu gife\n175\nfeorh and folme, \u00f0onne his feond cyme.\"\n\"...... swice, \u00e6r he so\u00f0 wite,\n\u00f0\u00e6t \u00f0a sienfullan saula sticien\nmid hettendum helle tomiddes.\nHate\u00f0 \u00f0onne heahcining helle betynan,\n180\nfyres fulle, and \u00f0a feondas mid.\"\nH\u00e6fde \u00f0a se snotra sunu Dauides\nforcumen and forcy\u00f0ed Caldea eorl.\nHw\u00e6\u00f0re was on s\u00e6lum se \u00f0e of si\u00f0e cwom\nfeorran gefered; n\u00e6fre \u00e6r his ferh\u00f0 ahlog.\n185\nHw\u00e6t! Ic flitan gefr\u00e6gn on fyrndagum\nmodgleawe men, middangeardes r\u00e6swan,\ngewesan ymbe hira wisdom; wyrs de\u00f0 se \u00f0e lieh\u00f0\no\u00f0\u00f0e \u00f0\u00e6s so\u00f0es ans\u00e6ce\u00f0. Saloman was bremra,\n\u00f0eah \u00f0e Saturnus sumra h\u00e6fde,\n190\nbald breosttoga, boca c\u00e6ga, leornenga locan. land eall geondhwearf,\nIndea mere, east Corsias,\nPersea rice, Palestinion,\nNiniuen ceastre and nor\u00f0 Predan,\nMacedonia, Mesopotamie,\nCappadocia, Cristes e\u00f0el,\nHieryhco, Galilea, Hierusalem\n\"o\u00f0\u00f0e ic swigie,\nnyttes hycgge, \u00f0eah ic no sprece.\n210\nWat ic \u00f0onne, gif \u00f0u gewitest on Wendels\u00e6\nofer Coforflod cy\u00f0\u00f0e secean,\n\u00f0\u00e6t \u00f0u wille gilpan \u00f0\u00e6t \u00f0u h\u00e6bbe gumena bearn\nforcumen and forcy\u00f0\u00f0ed. Wat ic \u00f0\u00e6t w\u00e6ron Caldeas\ngu\u00f0e \u00f0\u00e6s gielpne and \u00f0\u00e6s goldwlonce,\n215\nm\u00e6r\u00f0a \u00f0\u00e6s modige, \u00f0\u00e6r to \u00f0am moning gelomp\nsu\u00f0 ymbe Sanere feld. S\u00e6ge me from \u00f0am lande\n\u00f0\u00e6r n\u00e6nig fyra ne m\u00e6g fotum gest\u00e6ppan.\"\nSaturnus cu\u00e6\u00f0:\n\"Se m\u00e6ra was haten s\u00e6li\u00f0ende\n220\nweallende Wulf, wer\u00f0eodum cu\u00f0\nFilistina, freond Nebrondes.\nHe on \u00f0am felda ofslog XXV\ndracena on d\u00e6gred, and hine \u00f0a dea\u00f0 offeoll;\nfor\u00f0an \u00f0a foldan ne m\u00e6g fira \u00e6nig,\n225\n\u00f0one mercstede, mon gesecan,\nfugol gefleogan, ne \u00f0on ma foldan neat.\n\u00f0anon atercynn \u00e6rest gewurdon\nwide onw\u00e6cned, \u00f0a \u00f0e nu weallende\n\u00f0urh attres oro\u00f0 ingang ryma\u00f0.\n230\nGit his sweord scine\u00f0 swi\u00f0e gesc\u00e6ned,\nand ofer \u00f0a byrgenna blica\u00f0 \u00f0a hieltas.\"\nSalomon cw\u00e6\u00f0:\n\"Dol bi\u00f0 se \u00f0e g\u00e6\u00f0 on deop w\u00e6ter,\nse \u00f0e sund nafa\u00f0 ne gesegled scip\n235\nne fugles flyht, ne he mid fotum ne m\u00e6g\ngrund ger\u00e6can; huru se godes cunna\u00f0\nfull dyslice, dryhtnes meahta.\"\nSaturnus cu\u00e6\u00f0:\n\"Ac hw\u00e6t is se dumba, se \u00f0e on sumre dene reste\u00f0?\nGestranga\u00f0 hie and gesta\u00f0elia\u00f0 sta\u00f0olf\u00e6stne ge\u00f0oht,\namyrga\u00f0 modsefan manna gehwylces\nof \u00f0reamedlan \u00f0isses lifes.\"\nSaturnus cw\u00e6\u00f0:\n\"Bald bi\u00f0 se \u00f0e onbyrege\u00f0 boca cr\u00e6ftes;\n\"An wise is on woroldrice\nymb \u00f0a me fyrwet br\u00e6c L wintra\nd\u00e6ges and niehtes \u00f0urh deop gesceaft;\ngeomrende gast de\u00f0 nu gena swa,\n\u00e6r\u00f0on me geunne ece dryhten\n265\n\u00f0\u00e6t me geseme snoterra monn.\"\nSalomon cw\u00e6\u00f0:\n\"So\u00f0 is \u00f0\u00e6t \u00f0u sagast; seme ic \u00f0e recene\nymb \u00f0a wr\u00e6tlican wiht. Wilt \u00f0u \u00f0\u00e6t ic \u00f0e secgge?\nAn fugel site\u00f0 on Filistina\n270\nmiddelgem\u00e6rum; munt is hine ymbutan,\ngeap gylden weall. Georne hine healda\u00f0\nwitan Filistina, wena\u00f0 \u00f0\u00e6s \u00f0e naht is,\n\u00f0\u00e6t hiene him scyle eall \u00f0eod on gen\u00e6man\nw\u00e6pna ecggum; hie \u00f0\u00e6s w\u00e6re cunnon,\n275\nhealda\u00f0 hine niehta gehwylce nor\u00f0an and su\u00f0an\non twa healfa tu hund wearda.\nSe fugel hafa\u00f0 IIII heafdu\nmedumra manna, and he is on middan hw\u00e6len;\ngeowes he hafa\u00f0 fi\u00f0eru and griffus fet,\n280\nlige\u00f0 lonnum f\u00e6st, loca\u00f0 unhiere,\nswi\u00f0e swinge\u00f0 and his searo hringe\u00f0,\ngille\u00f0 geomorlice and his gyrn sefa\u00f0,\nwylle\u00f0 hine on \u00f0am wite, wuna\u00f0 unlustum,\nsingge\u00f0 syllice; seldum \u00e6fre\n285\nhis leoma licgga\u00f0. Longa\u00f0 hine hearde,\n\u00f0ynce\u00f0 him \u00f0\u00e6t sie \u00f0ria XXX \u00f0usend wintra\n\u00e6r he domd\u00e6ges dynn gehyre.\nNyste hine on \u00f0\u00e6re foldan fira \u00e6nig\neor\u00f0an cynnes, \u00e6r\u00f0on ic hine ana onfand\n290\nand hine \u00f0a gebendan het ofer brad w\u00e6ter,\n\u00f0\u00e6t hine se modega heht Melotes bearn,\nFilistina fruma, f\u00e6ste gebindan,\nlonnum belucan wi\u00f0 leodgryre.\n\u00f0one fugel hata\u00f0 feorbuende,\nNe m\u00e6g hit steorra ne stan ne se steapa gimm,\nw\u00e6ter ne wildeor wihte beswican,\nac him on hand g\u00e6\u00f0 heardes and hnesces,\nmicles and m\u00e6tes; him to mose sceall\ngegangan geara gehwelce grundbuendra,\nbewrih\u00f0 wyrta ci\u00f0, w\u00e6stmas getige\u00f0,\nge\u00f0y\u00f0 hie and ge\u00f0reata\u00f0, \u00f0\u00e6t hie \u00f0rage beo\u00f0\ncealde geclungne? Full oft he gecosta\u00f0 eac\nwildeora worn, w\u00e6tum he oferbricge\u00f0,\ngebryce\u00f0 burga geat, baldlice fere\u00f0,\n325\nreafa\u00f0\"\n\"swi\u00f0or micle \u00f0onne se swipra ni\u00f0\nse hine gel\u00e6de\u00f0 on \u00f0a la\u00f0an wic\nmid \u00f0a fr\u00e6cnan feonde to willan.\"\nSaturnus cw\u00e6\u00f0:\n330\n\"Nieht bi\u00f0 wedera \u00f0iestrost, ned bi\u00f0 wyrda heardost,\nsorg bi\u00f0 swarost byr\u00f0en, sl\u00e6p bi\u00f0 dea\u00f0e gelicost.\"\nSalomon cw\u00e6\u00f0:\n\"Lytle hwile leaf beo\u00f0 grene;\n\u00f0onne hie eft fealewia\u00f0, fealla\u00f0 on eor\u00f0an\n335\nand forweornia\u00f0, weor\u00f0a\u00f0 to duste.\nSwa \u00f0onne gefealla\u00f0 \u00f0a \u00f0e fyrena \u00e6r\nlange l\u00e6sta\u00f0, lifia\u00f0 him in mane,\nhyda\u00f0 heahgestreon, healda\u00f0 georne\non f\u00e6stenne feondum to willan,\n340\nand wena\u00f0 wanhogan \u00f0\u00e6t hie wille wuldorcining,\n\u00e6lmihtig god, ece gehiran.\"\nSaturnus cw\u00e6\u00f0:\n\"Sona bi\u00f0 gesiene, si\u00f0\u00f0an flowan mot\ny\u00f0 ofer eall lond, ne wile heo awa \u00f0\u00e6s\n345\nsi\u00f0es geswican, sio\u00f0\u00f0an hire se s\u00e6l cyme\u00f0,\n\u00f0\u00e6t heo domes d\u00e6ges dyn gehiere.\"\nSalomon cw\u00e6\u00f0: \"Wa bi\u00f0 \u00f0onne \u00f0issum modgum monnum, \u00f0am \u00f0e her nu mid mane lengest\nlifia\u00f0 on \u00f0isse l\u00e6nan gesceafte. Ieo \u00f0\u00e6t \u00f0ine leode gecy\u00f0don;\n350\nwunnon hie wi\u00f0 dryhtnes miehtum, for\u00f0on hie \u00f0\u00e6t worc ne gedegdon.\nNe sceall ic \u00f0e hw\u00e6\u00f0re, bro\u00f0or, abelgan; \u00f0u eart swi\u00f0e bittres cynnes,\neorre eormenstrynde. Ne beyrn \u00f0u in \u00f0a inwitgecyndo!\"\nSaturnus cw\u00e6\u00f0:\n\"Saga \u00f0u me, Salomon cyning, sunu Dauides,\n\"Ac hwa deme\u00f0 \u00f0onne dryhtne Criste\non domes d\u00e6ge, \u00f0onne he deme\u00f0 eallum gesceaftum?\"\nSalomon cw\u00e6\u00f0:\n\"Hwa dear \u00f0onne dryhtne deman, \u00f0e us of duste geworhte,\nnergend of niehtes wunde? Ac s\u00e6ge me hw\u00e6t n\u00e6rende w\u00e6ron.\"\n365\nSaturnus cw\u00e6\u00f0:\n\"Ac forhwon ne mot seo sunne side gesceafte\nscire geondscinan? Forhwam besceade\u00f0 heo\nmuntas and moras and monige ec\nweste stowa? Hu geweor\u00f0e\u00f0 \u00f0\u00e6t?\"\n370\nSalomon cu\u00e6\u00f0:\n\"Ac forhwam n\u00e6ron eor\u00f0welan ealle ged\u00e6led\nleodum gelice? Sum to lyt hafa\u00f0,\ngodes gr\u00e6dig; hine god sete\u00f0\n\u00f0urh geearnunga eadgum to r\u00e6ste.\"\n375\nSaturnus cw\u00e6\u00f0:\n\"Ac forhwan beo\u00f0 \u00f0a gesi\u00f0as somod \u00e6tg\u00e6dre,\nwop and hleahtor? Full oft hie weor\u00f0geornra\ns\u00e6l\u00f0a toslita\u00f0; hu ges\u00e6le\u00f0 \u00f0\u00e6t?\"\nSalomon cu\u00e6\u00f0:\n380\n\"Unl\u00e6de bi\u00f0 and ormod se \u00f0e a wile\ngeomrian on gih\u00f0e; se bi\u00f0 gode fraco\u00f0ast.\"\nSaturnus cw\u00e6\u00f0:\n\"Forhwon ne moton we \u00f0onne ealle mid onmedlan\ngegnum gangan in godes rice?\"\n385\nSalomon cw\u00e6\u00f0:\n\"Ne m\u00e6g fyres feng ne forstes cile,\nsnaw ne sunne somod eardian,\naldor ge\u00e6fnan, ac hira sceal anra gehwylc\nonlutan and onli\u00f0igan \u00f0e hafa\u00f0 l\u00e6sse m\u00e6gn.\"\n390\nSaturnus cw\u00e6\u00f0:\n\"Ac forhwon \u00f0onne leofa\u00f0 se wyrsa leng?\nSe wyrsa ne wat in woroldrice\non his m\u00e6gwinum maran are.\"\nSalomon cw\u00e6\u00f0:\n395\n\"Ne m\u00e6g mon forildan \u00e6nige hwile\n\u00f0one deoran si\u00f0, ac he hine adreogan sceall.\"\nSaturnus cw\u00e6\u00f0:\n\"Ac hu gegange\u00f0 \u00f0\u00e6t? Gode o\u00f0\u00f0e yfle,\n\u00f0onne hie beo\u00f0 \u00f0urh ane idese acende,\n400\ntwegen getwinnas, ne bi\u00f0 hira tir gelic.\nO\u00f0er bi\u00f0 unl\u00e6de on eor\u00f0an, o\u00f0er bi\u00f0 eadig,\nswi\u00f0e leoft\u00e6le mid leoda dugu\u00f0um;\no\u00f0er leofa\u00f0 lytle hwile,\nswice\u00f0 on \u00f0isse sidan gesceafte, and \u00f0onne eft mid sorgum gewite\u00f0.\n405\nFricge ic \u00f0ec, hlaford Salomon, hw\u00e6\u00f0res bi\u00f0 hira folgo\u00f0 betra?\"\nSalomon cu\u00e6\u00f0:\n\"Modor ne r\u00e6de\u00f0, \u00f0onne heo magan cenne\u00f0,\nhu him weor\u00f0e geond worold widsi\u00f0 sceapen.\nOft heo to bealwe bearn afede\u00f0,\n410\nseolfre to sorge, si\u00f0\u00f0an dreoge\u00f0\nhis earfo\u00f0u orlegstunde.\nHeo \u00f0\u00e6s afran sceall oft and gelome\ngrimme greotan, \u00f0onne he geong f\u00e6re\u00f0,\nhafa\u00f0 wilde mod, werige heortan,\nFor\u00f0an nah seo modor geweald, \u00f0onne heo magan cenne\u00f0,\nbearnes bl\u00e6des, ac sceall on gebyrd faran\nan \u00e6fter anum; \u00f0\u00e6t is eald gesceaft.\"\nSaturnus cw\u00e6\u00f0:\n\"Ac forhwan nele monn him on giogo\u00f0e georne gewyrcan\n425\ndeores dryhtscipes and d\u00e6dfruman,\nwadan on wisdom, winnan \u00e6fter snytro?\"\nSalomon cw\u00e6\u00f0:\n\"Hw\u00e6t! Him m\u00e6g eadig eorl ea\u00f0e geceosan\non his modsefan mildne hlaford,\n430\nanne \u00e6\u00f0eling. Ne m\u00e6g don unl\u00e6de swa.\"\nSaturnus cw\u00e6\u00f0:\n\"Ac forhwam winne\u00f0 \u00f0is w\u00e6ter geond woroldrice,\ndreoge\u00f0 deop gesceaft? Ne mot on d\u00e6g restan,\nneahtes ne\u00f0y\u00f0, cr\u00e6fte ty\u00f0,\n435\ncristna\u00f0 and cl\u00e6nsa\u00f0 cwicra manigo,\nwuldre gewlitiga\u00f0. Ic wihte ne cann\nforhwan se stream ne mot stillan neahtes.\"\n\"his lifes f\u00e6\u00f0me. Simle hit bi\u00f0 his lareowum hyrsum;\nfull oft hit eac \u00f0\u00e6s deofles dugo\u00f0 gehn\u00e6ge\u00f0,\n440\n\u00f0\u00e6r weotena bi\u00f0 worn gesamnod.\n\u00f0onne snottrum men sn\u00e6d o\u00f0\u00f0glide\u00f0,\n\u00f0a he be leohte gesih\u00f0, lute\u00f0 \u00e6fter,\ngesegna\u00f0 and gesyfle\u00f0 and him sylf frite\u00f0.\nSwilc bi\u00f0 seo an sn\u00e6d \u00e6ghwylcum men\n445\nselre micle, gif heo gesegnod bi\u00f0,\nto \u00f0ycgganne, gif he hit ge\u00f0encan cann,\n\u00f0onne him sie seofon daga symbelgereordu.\nLeoht hafa\u00f0 heow and had haliges gastes,\nCristes gecyndo; hit \u00f0\u00e6t gecy\u00f0e\u00f0 full oft.\n450\nGif hit unwitan \u00e6nige hwile\nhealda\u00f0 butan h\u00e6ftum, hit \u00f0urh hrof w\u00e6de\u00f0,\nbryce\u00f0 and b\u00e6rne\u00f0 boldgetimbru,\nseoma\u00f0 steap and geap, stige\u00f0 on lenge,\nclymme\u00f0 on gecyndo, cunna\u00f0 hw\u00e6nne mote\n455\nfyr on his frumsceaft on f\u00e6der geardas,\neft to his e\u00f0le, \u00f0anon hit \u00e6ror cuom.\nHit bi\u00f0 eallenga eorl to gesih\u00f0e,\n\u00f0am \u00f0e ged\u00e6lan can dryhtnes \u00f0ecelan,\nfor\u00f0on nis n\u00e6negu gecynd cuiclifigende,\n460\nne fugel ne fisc ne foldan stan,\nne w\u00e6teres wylm ne wudutelga,\nne munt ne mor ne \u00f0es middangeard,\n\u00f0\u00e6t he for\u00f0 ne sie fyrenes cynnes.\"\nSaturnus cw\u00e6\u00f0:\n465\n\"Full oft ic frode menn fyrn gehyrde\nsecggan and swerian ymb sume wisan,\nhw\u00e6\u00f0er w\u00e6re twegra butan tweon strengra,\nwyrd \u00f0e warnung, \u00f0onne hie winna\u00f0 oft\nmid hira \u00f0reamedlan, hw\u00e6\u00f0erne a\u00f0reote\u00f0 \u00e6r.\n470\nIc to so\u00f0on wat; s\u00e6gdon me geara\nFilistina witan, \u00f0onne we on geflitum s\u00e6ton,\nbocum tobr\u00e6ddon and on bearm legdon,\nme\u00f0elcwidas mengdon, moniges fengon,\n\u00f0\u00e6t n\u00e6re n\u00e6nig manna middangeardes\nand hw\u00e6\u00f0re him m\u00e6g wissefa wyrda gehwylce\ngemetigian, gif he bi\u00f0 modes gleaw\nand to his freondum wile fultum secan,\n\u00f0eh hw\u00e6\u00f0re godcundes g\u00e6stes brucan.\"\nSaturnus cw\u00e6\u00f0:\n485\n\"Ac hw\u00e6t wite\u00f0 us wyrd seo swi\u00f0e,\neallra fyrena fruma, f\u00e6h\u00f0o modor,\nweana wyrtwela, wopes heafod,\nfrumscylda gehw\u00e6s f\u00e6der and modor,\ndea\u00f0es dohtor? Ac tohwan drohta\u00f0 heo mid us?\n490\nHw\u00e6t! Hie wile lifigende late a\u00f0reotan,\n\u00f0\u00e6t heo \u00f0urh fyrena geflitu f\u00e6h\u00f0o ne tydre.\"\nSalomon cw\u00e6\u00f0:\n\"Nolde g\u00e6d geador in godes rice\neadiges engles and \u00f0\u00e6s ofermodan;\n495\no\u00f0er his dryhtne hierde, o\u00f0er him ongan wyrcan \u00f0urh dierne cr\u00e6ftas\nsegn and side byrnan, cw\u00e6\u00f0 \u00f0\u00e6t he mid his gesi\u00f0um wolde\nhi\u00f0an eall heofona rice and him \u00f0onne on healfum sittan, tydran him mid \u00f0y teo\u00f0an d\u00e6le, o\u00f0\u00f0\u00e6t he his tornesnecu\u00f0e\nende \u00f0urh insceafte. \u00f0a wear\u00f0 se \u00e6\u00f0elra\u00f0eoden\n500\ngedrefed \u00f0urh \u00f0\u00e6s deofles gehygdo; forlet hine \u00f0a of dune gehreosan,\nafielde hine \u00f0a under foldan sceatas,\nheht hine \u00f0\u00e6r f\u00e6ste gebindan. \u00f0\u00e6t sindon \u00f0a usic feohta\u00f0 on.\nFor\u00f0on is witena gehwam wopes eaca.\n\u00f0a \u00f0\u00e6t eadig onfand engla dryhten,\n505\n\u00f0\u00e6t heo leng mid hine lare ne namon,\naweorp hine \u00f0a of \u00f0am wuldre and wide todraf,\nand him bebead bearn heofonwara\n\u00f0\u00e6t hie ec scoldon a \u00f0enden hie lifdon\nwunian in wylme, wop \u00f0rowian,\n510\nheaf under hefonum, and him helle gescop,\nw\u00e6lcealde wic wintre be\u00f0eahte,\nw\u00e6ter in sende and wyrmgeardas,\natol deor monig irenum hornum,\nblodige earnas and blace n\u00e6dran,\n515\n\u00f0urst and hungor and \u00f0earle gewin,\negna egesan, unrotnesse;\nand \u00e6ghwylc him \u00f0issa earfe\u00f0a ece stonde\u00f0\nbutan edwende a \u00f0enden hie lifiga\u00f0.\"\nSaturnus cw\u00e6\u00f0:\n520\n\"Is \u00f0onne on \u00f0isse foldan fira \u00e6nig\neor\u00f0an cynnes, \u00f0ara \u00f0e man age,\n\u00f0e dea\u00f0 ab\u00e6de, \u00e6r se d\u00e6g cyme\n\u00f0\u00e6t sie his calendcwide arunnen\nand hine mon annunga ut abanne?\"\n525\nSalomon cw\u00e6\u00f0: \"\u00e6ghwylcummen engel onsende\u00f0\ndryhten heofona\u00f0onned\u00e6gstyre\u00f0;\nse sceall behealdan hu his hyge wille; gr\u00e6dig growan in godes willan,\no\u00f0er hine l\u00e6re\u00f0 \u00f0\u00e6t he lufan healde,\nmetodes miltse, and his m\u00e6ga r\u00e6d,\no\u00f0er hine tyhte\u00f0 and on t\u00e6so l\u00e6re\u00f0,\nywe\u00f0 him and yppe\u00f0 earmra manna\nmisgemynda, and \u00f0urh \u00f0\u00e6t his mod hwete\u00f0,\n540\nl\u00e6de\u00f0 hine and l\u00e6ce\u00f0 and hine geond land spane\u00f0,\no\u00f0\u00f0\u00e6t his ege bi\u00f0, \u00e6f\u00f0ancum full,\n\u00f0urh earmra scyld yrre geworden.\nSwa \u00f0onne feohte\u00f0 se feond on feower gecynd,\no\u00f0\u00f0\u00e6t he gewende\u00f0 on \u00f0a wyrsan hand\n545\ndeofles d\u00e6dum d\u00e6glongne fyrst,\nand \u00f0\u00e6s willan wyrc\u00f0 \u00f0e hine on woh spane\u00f0.\nGewite\u00f0 \u00f0onne wepende on weg faran\nengel to his earde and \u00f0\u00e6t eall saga\u00f0:\n'Ne meahte ic of \u00f0\u00e6re heortan heardne a\u00f0ringan","title":"Solomon and Saturn","type":"page"}