{"collection":"Northern European Mythology","html_url":"https://unchartedknowledge.5gfusion.net/browse/neu/ascp/a15.htm","path":"neu/ascp/a15.htm","source_url":"https://sacred-texts.com/neu/ascp/a15.htm","text":"byldan to beaduwe and to beahgife.\nEllen sceal on eorle, ecg sceal wi\u00f0 hellme\nhilde gebidan. Hafuc sceal on glofe\nwilde gewunian, wulf sceal on bearowe, earm anhaga, eofor sceal on holte,\n20\nto\u00f0m\u00e6genes trum. Til sceal on e\u00f0le\ndomes wyrcean. Daro\u00f0 sceal on handa,\ngar golde fah. Gim sceal on hringe\nstandan steap and geap. Stream sceal on y\u00f0um mencgan mereflode. M\u00e6st sceal on ceole,\n25\nsegelgyrd seomian. Sweord sceal on bearme,\ndrihtlic isern. Draca sceal on hl\u00e6we,\nfrod, fr\u00e6twum wlanc. Fisc sceal on w\u00e6tere\ncynren cennan. Cyning sceal on healle\nbeagas d\u00e6lan. Bera sceal on h\u00e6\u00f0e,\n30\neald and egesfull. Ea of dune sceal\nflodgr\u00e6g feran. Fyrd sceal \u00e6tsomne,\ntirf\u00e6stra getrum. Treow sceal on eorle,\nwisdom on were. Wudu sceal on foldan\nbl\u00e6dum blowan. Beorh sceal on eor\u00fean\n35\ngrene standan. God sceal on heofenum,\nd\u00e6da demend. Duru sceal on healle,\nrum recedes mu\u00f0. Rand sceal on scylde,\nf\u00e6st fingra gebeorh. Fugel uppe sceal\nlacan on lyfte. Leax sceal on w\u00e6le\n40\nmid sceote scri\u00f0an. Scur sceal on heofenum,\nwinde geblanden, in \u00feas woruld cuman.\n\u00feeof sceal gangan \u00feystrum wederum. \u00feyrs sceal on fenne gewunian\nana innan lande. Ides sceal dyrne cr\u00e6fte,\nf\u00e6mne hire freond gesecean, gif heo nelle on folce ge\u00feeon\n45\n\u00fe\u00e6t hi man beagum gebicge. Brim sceal sealte weallan,\nlyfthelm and laguflod ymb ealra landa gehwylc,\nflowan firgenstreamas. Feoh sceal on eor\u00f0an\ntydran and tyman. Tungol sceal on heofenum\nbeorhte scinan, swa him bebead meotud.\nymb \u00feysse worulde gewinn, wearh hangian,\nf\u00e6gere ongildan \u00fe\u00e6t he \u00e6r facen dyde\nmanna cynne. Meotod ana wat\nhwyder seo sawul sceal sy\u00f0\u00f0an hweorfan,\nand ealle \u00fea gastas \u00fee for gode hweorfa\u00f0\n60\n\u00e6fter dea\u00f0d\u00e6ge, domes bida\u00f0\non f\u00e6der f\u00e6\u00f0me. Is seo for\u00f0gesceaft\ndigol and dyrne; drihten ana wat,\nnergende f\u00e6der. N\u00e6ni eft cyme\u00f0\nhider under hrofas, \u00fee \u00fe\u00e6t her for so\u00f0\n65\nmannum secge hwylc sy meotodes gesceaft,\nsigefolca gesetu, \u00fe\u00e6r he sylfa wuna\u00f0.","title":"Maxims II","type":"page"}