{"collection":"Northern European Mythology","html_url":"https://unchartedknowledge.5gfusion.net/browse/neu/ascp/a24_24.htm","path":"neu/ascp/a24_24.htm","source_url":"https://sacred-texts.com/neu/ascp/a24_24.htm","text":"Sacred Texts\u00a0\n Legends and Sagas\u00a0\n WordGumbo: Old English Dictionaries [External Site]\n Index\u00a0\n Previous\u00a0\n Next\u00a0\n \n \n Fragments of Psalms: Psalm 24\n Verse Indeterminate Saxon\n \n - \n Uias tuas, domine, notas fac mihi, et semitas tuas edoce me.\n Do me wegas \u00feine \u00a0 \u00a0 \u00a0 \u00a0 wise, drihten,\n and me \u00f0inra stiga \u00a0 \u00a0 \u00a0 \u00a0 stapas eac gel\u00e6r.\n Dirige me in ueritate tua, et doce me, quia tu es deus salutaris meus et te sustinui tota die.\n Gerece me on r\u00e6de \u00a0 \u00a0 \u00a0 \u00a0 and me ricene gel\u00e6r,\n \u00fe\u00e6t ic on \u00feinre so\u00f0f\u00e6stnysse \u00a0 \u00a0 \u00a0 \u00a0 simble lyfige.\n- 5\n- \n Reminiscrere miserationum tuarum, domine, et misericordi\u00e6 tu\u00e6, qu\u00e6 a seculo sunt.\n Wes \u00f0u gemyndig \u00a0 \u00a0 \u00a0 \u00a0 miltsa \u00feinra,\n \u00fee \u00f0u, drihten, dydest \u00a0 \u00a0 \u00a0 \u00a0 sy\u00f0\u00f0an dagas w\u00e6ron,\n and \u00f0u wislice \u00a0 \u00a0 \u00a0 \u00a0 \u00feas woruld gesettest.\n Delicta iuuentutis me\u00e6, et ignorantias meas ne memineris, domine; secundum magnam misericordiam tuam memor esto mei, deus.\n Ne gemynega \u00feu me \u00a0 \u00a0 \u00a0 \u00a0 minra fyrena\n gramra to georne, \u00a0 \u00a0 \u00a0 \u00a0 \u00fee ic geong dyde\n- 10\n- \n and me uncu\u00f0e \u00a0 \u00a0 \u00a0 \u00a0 \u00e6ghw\u00e6r w\u00e6ron; \n for \u00f0inre \u00fe\u00e6re myclan \u00a0 \u00a0 \u00a0 \u00a0 mildheortnysse\n weor\u00f0 gemyndig min, \u00a0 \u00a0 \u00a0 \u00a0 mihtig drihten.","title":"Fragments of Psalms: Psalm 24","type":"page"}