{"collection":"Northern European Mythology","html_url":"https://unchartedknowledge.5gfusion.net/browse/neu/ascp/a38.htm","path":"neu/ascp/a38.htm","source_url":"https://sacred-texts.com/neu/ascp/a38.htm","text":"Sacred Texts\u00a0\n Legends and Sagas\u00a0\n WordGumbo: Old English Dictionaries [External Site]\n Index\u00a0\n Previous\u00a0\n Next\u00a0\n \n \n The Metrical Preface to Waerferth's Translation of Gregory's Dialogues\n Verse Late Saxon\n \n - \n \u00a0\u00a0\u00a0\u00a0 ...e \u00f0e me r\u00e6dan \u00f0ance, \n he in me findan m\u00e6g, \u00a0\u00a0\u00a0\u00a0 gif hine feola lyste\u00f0\n gastlices lifes \u00a0\u00a0\u00a0\u00a0 godre biesene,\n \u00fe\u00e6t he ful ea\u00fee m\u00e6g \u00a0\u00a0\u00a0\u00a0 upp gestigan\n- 5\n- \n to \u00f0am heofonlican hame, \u00a0\u00a0\u00a0\u00a0 \u00fear by\u00f0 a hyht and wyn, \n blis on burgum, \u00a0\u00a0\u00a0\u00a0 \u00feam \u00fee bearn godes\n sielfes hiora eagum \u00a0\u00a0\u00a0\u00a0 geseon motan.\n \u00fe\u00e6t m\u00e6g se mon begytan, \u00a0\u00a0\u00a0\u00a0 se \u00fee his modge\u00f0anc\n \u00e6ltowe by\u00fe, \u00a0\u00a0\u00a0\u00a0 and \u00feonne \u00feurh his ingehygd\n- 10\n- \n to \u00feissa haligra \u00a0\u00a0\u00a0\u00a0 helpe geliefe\u00f0, \n ond hiora bisene fulga\u00f0, \u00a0\u00a0\u00a0\u00a0 swa \u00feeos boc saga\u00f0.\n Me awritan het \u00a0\u00a0\u00a0\u00a0 Wulfstan bisceop,\n \u00feeow and \u00feearfa \u00a0\u00a0\u00a0\u00a0 \u00fe\u00e6s \u00fee alne \u00ferym aof,\n and eac walden is \u00a0\u00a0\u00a0\u00a0 wihta gehwelcre,\n- 15\n- \n an ece god \u00a0\u00a0\u00a0\u00a0 eallra gesceafta. \n Bide\u00fe \u00fee se bisceop, \u00a0\u00a0\u00a0\u00a0 se \u00fee \u00f0as boc begeat\n \u00fee \u00feu on \u00feinum handum nu \u00a0\u00a0\u00a0\u00a0 hafast and sceawast,\n \u00fe\u00e6t \u00feu him to \u00feeossum halgum \u00a0\u00a0\u00a0\u00a0 helpe bidde,\n \u00fee heora gemynd her on \u00a0\u00a0\u00a0\u00a0 gemearcude siendon,\n- 20\n- \n and \u00fe\u00e6t him god \u00e6llmihtig \u00a0\u00a0\u00a0\u00a0 \n forgyu... \u00fea gyltas \u00a0\u00a0\u00a0\u00a0 \u00fee he geo worhte,\n and eac res\u00f0e mid him, \u00a0\u00a0\u00a0\u00a0 se \u00f0e ah ealles rices geweald,\n and eac swa his beahgifan, \u00a0\u00a0\u00a0\u00a0 \u00fee him \u00f0as bysene forgeaf,\n \u00fe\u00e6t is se seles\u00f0a \u00a0\u00a0\u00a0\u00a0 sinces brytta,\n- 25\n- \n \u00e6lfryd mid Englum, \u00a0\u00a0\u00a0\u00a0 ealra cyninga \n \u00feara \u00fee he si\u00f0 o\u00f0\u00f0e \u00e6r fore \u00a0\u00a0\u00a0\u00a0 secgan hyrde,\n o\u00f0\u00f0e he ior\u00f0cyninga \u00e6r \u00a0\u00a0\u00a0\u00a0 \u00e6nigne gefrugne.","title":"The Metrical Preface to Waerferth's Translation of Gregory's Dialogues","type":"page"}