{"collection":"Northern European Mythology","html_url":"https://unchartedknowledge.5gfusion.net/browse/neu/ascp/a43_06.htm","path":"neu/ascp/a43_06.htm","source_url":"https://sacred-texts.com/neu/ascp/a43_06.htm","text":"Sacred Texts\u00a0\n Legends and Sagas\u00a0\n WordGumbo: Old English Dictionaries [External Site]\n Index\u00a0\n Previous\u00a0\n Next\u00a0\n \n \n Metrical Charm 6: For Delayed Birth\n Verse Indeterminate Saxon\n \n - \n Se wifman, se hire cild afedan ne m\u00e6g, gange to gewitenes \n mannes birgenne and st\u00e6ppe \u00feonne \u00feriwa ofer \u00fea byrgenne\n and cwe\u00fee \u00feonne \u00feriwa \u00feas word:\n \u00feis me to bote \u00a0\u00a0\u00a0\u00a0 \u00fe\u00e6re la\u00fean l\u00e6tbyrde,\n- 5\n- \n \u00feis me to bote \u00a0\u00a0\u00a0\u00a0 \u00fe\u00e6re sw\u00e6ran sw\u00e6rbyrde, \n \u00feis me to bote \u00a0\u00a0\u00a0\u00a0 \u00fe\u00e6re la\u00f0an lambyrde.\n And \u00feonne \u00fe\u00e6t wif seo mid bearne and heo to hyre hlaforde\n on reste ga, \u00feonne cwe\u00fee heo:\n Up ic gonge, \u00a0\u00a0\u00a0\u00a0 ofer \u00fee st\u00e6ppe\n- 10\n- \n mid cwican cilde, \u00a0\u00a0\u00a0\u00a0 nal\u00e6s mid cwellendum, \n mid fulborenum, \u00a0\u00a0\u00a0\u00a0 nal\u00e6s mid f\u00e6gan.\n And \u00feonne seo modor gefele \u00fe\u00e6t \u00fe\u00e6t bearn si cwic, ga\n \u00feonne to cyrican, and \u00feonne heo toforan \u00fean weofode cume,\n cwe\u00fee \u00feonne:\n- 15\n- \n Criste, ic s\u00e6de, \u00a0\u00a0\u00a0\u00a0 \u00feis gecy\u00feed! \n Se wifmon, se hyre bearn afedan ne m\u00e6ge, genime heo\n sylf hyre agenes cildes gebyrgenne d\u00e6l, wry \u00e6fter \u00feonne on\n blace wulle and bebicge to cepemannum and cwe\u00fee \u00feonne:\n Ic hit bebicge, \u00a0\u00a0\u00a0\u00a0 ge hit bebicgan,\n- 20\n- \n \u00feas sweartan wulle \u00a0\u00a0\u00a0\u00a0 and \u00feysse sorge corn. \n Se wifman, se ne m\u00e6ge bearn afedan, nime \u00feonne anes\n bleos cu meoluc on hyre hand\u00e6 and gesupe \u00feonne mid hyre\n mu\u00fee and gange \u00feonne to yrnendum w\u00e6tere and spiwe \u00fe\u00e6r\n in \u00fea meolc and hlade \u00feonne mid \u00fe\u00e6re ylcan hand \u00fe\u00e6s\n- 25\n- \n w\u00e6teres mu\u00f0 fulne and forswelge. Cwe\u00fee \u00feonne \u00feas word: \n Gehwer ferde ic me \u00feone m\u00e6ran \u00a0\u00a0\u00a0\u00a0 maga \u00feihtan,\n mid \u00feysse m\u00e6ran \u00a0\u00a0\u00a0\u00a0 mete \u00feihtan;\n \u00feonne ic me wille habban \u00a0\u00a0\u00a0\u00a0 and ham gan.\n \u00feonne heo to \u00fean broce ga, \u00feonne ne beseo heo, no ne eft\n- 30\n- \n \u00feonne heo \u00feanan ga, and \u00feonne ga heo in o\u00feer hus o\u00feer heo \n ut ofeode and \u00fe\u00e6r gebyrge metes.","title":"Metrical Charm 6: For Delayed Birth","type":"page"}