{"collection":"Northern European Mythology","html_url":"https://unchartedknowledge.5gfusion.net/browse/neu/ascp/a43_07.htm","path":"neu/ascp/a43_07.htm","source_url":"https://sacred-texts.com/neu/ascp/a43_07.htm","text":"Gif mon bi\u00fe on w\u00e6ter\u00e6lfadle, \u00feonne beo\u00fe him \u00fea hand-\nn\u00e6glas wonne and \u00fea eagan tearige and wile locian ni\u00feer.\nDo him \u00feis to l\u00e6cedome: eofor\u00ferote, cassuc, fone nio\u00feo-\nweard, eowberge, elehtre, eolone, merscmealwan crop,\n5\nfenminte, dile, lilie, attorla\u00fee, polleie, marubie, docce, ellen,\nfelterre, wermod, streawbergean leaf, consolde; ofgeot mid\neala\u00fe, do h\u00e6ligw\u00e6ter to, sing \u00feis gealdor ofer \u00feriwa:\nIc benne awrat betest beadowr\u00e6da,\nswa benne ne burnon, ne burston,\n10\nne fundian, ne feologan,\nne hoppettan, ne wund waxsian,\nne dolh diopian; ac him self healde halew\u00e6ge,\nne ace \u00fee \u00feon ma, \u00fee eor\u00fean on eare ace.\nSing \u00feis manegum si\u00feum: Eor\u00fee \u00fee onbere eallum hire\n15\nmihtum and m\u00e6genum. \u00feas galdor mon m\u00e6g singan on\nwunde.","title":"Metrical Charm 7: For the Water-Elf Disease","type":"page"}