{"collection":"Northern European Mythology","html_url":"https://unchartedknowledge.5gfusion.net/browse/neu/ascp/a43_09.htm","path":"neu/ascp/a43_09.htm","source_url":"https://sacred-texts.com/neu/ascp/a43_09.htm","text":"Sacred Texts\u00a0\n Legends and Sagas\u00a0\n WordGumbo: Old English Dictionaries [External Site]\n Index\u00a0\n Previous\u00a0\n Next\u00a0\n \n \n Metrical Charm 9: For Loss of Cattle\n Verse Indeterminate Saxon\n \n - \n Ne forstolen ne forholen nanuht, \u00fe\u00e6s \u00f0e ic age, \u00fee ma \u00f0e \n mihte Herod urne drihten. Ic ge\u00feohte sancte Eadelenan\n and ic ge\u00feohte Crist on rode ahangen; swa ic \u00feence \u00feis feoh\n to findanne, n\u00e6s to o\u00f0feorrganne, and to witanne, n\u00e6s to\n- 5\n- \n o\u00f0wyrceanne, and to lufianne, n\u00e6s to o\u00f0l\u00e6danne. \n Garmund, \u00a0\u00a0\u00a0\u00a0 godes \u00f0egen,\n find \u00fe\u00e6t feoh \u00a0\u00a0\u00a0\u00a0 and fere \u00fe\u00e6t feoh\n and hafa \u00fe\u00e6t feoh \u00a0\u00a0\u00a0\u00a0 and heald \u00fe\u00e6t feoh\n and fere ham \u00fe\u00e6t feoh.\n- 10\n- \n \u00fe\u00e6t he n\u00e6fre n\u00e6bbe landes, \u00a0\u00a0\u00a0\u00a0 \u00fe\u00e6t he hit o\u00f0l\u00e6de, \n ne foldan, \u00a0\u00a0\u00a0\u00a0 \u00fe\u00e6t hit o\u00f0ferie,\n ne husa, \u00a0\u00a0\u00a0\u00a0 \u00fe\u00e6t he hit o\u00f0healde.\n Gif hyt hwa gedo, \u00a0\u00a0\u00a0\u00a0 ne gedige hit him n\u00e6fre!\n Binnan \u00ferym nihtum \u00a0\u00a0\u00a0\u00a0 cunne ic his mihta,\n- 15\n- \n his m\u00e6gen and his mihta \u00a0\u00a0\u00a0\u00a0 and his mundcr\u00e6ftas. \n Eall he weornige, \u00a0\u00a0\u00a0\u00a0 swa syre wudu weornie,\n swa bre\u00f0el seo swa \u00feystel,\n se \u00f0e \u00f0is feoh \u00a0\u00a0\u00a0\u00a0 o\u00f0fergean \u00feence\n o\u00f0\u00f0e \u00f0is orf \u00a0\u00a0\u00a0\u00a0 o\u00f0ehtian \u00f0ence.\n- 20\n- \n Amen.","title":"Metrical Charm 9: For Loss of Cattle","type":"page"}