{"collection":"Northern European Mythology","html_url":"https://unchartedknowledge.5gfusion.net/browse/neu/eng/child/ch016.htm","path":"neu/eng/child/ch016.htm","source_url":"https://sacred-texts.com/neu/eng/child/ch016.htm","text":"16A.1 IT is talked the warld all over,\nRefrain: The brume blooms bonnie and says it is fair\nThat the king\u2019s dochter gaes wi child to her brither.\nRefrain: And we\u2019ll never gang doun to the brume onie mair\n16A.2 He\u2019s taen his sister doun to her father\u2019s deer park,\nWi his yew-tree bow and arrows fast slung to his back.\n16A.3 \u2018Now when that ye hear me gie a loud cry,\nShoot frae thy bow an arrow and there let me lye.\n16A.4 \u2018And when that ye see I am lying dead,\nThen ye\u2019ll put me in a grave, wi a turf at my head.\u2019\n16A.5 Now when he heard her gie a loud cry,\nHis silver arrow frae his bow he suddenly let fly.\nRefrain: Now they\u2019ll never, etc.\n16A.6 He has made a grave that was lang and was deep,\nAnd he has buried his sister, wi her babe at her feet.\nRefrain: And they\u2019ll never, etc.\n16A.7 And when he came to his father\u2019s court hall,\nThere was music and minstrels and dancing and all.\nRefrain: But they\u2019ll never, etc.\n16A.8 \u2018O Willie, O Willie, what makes thee in pain?\u2019\n\u2018I have lost a sheath and knife that I\u2019ll never see again.\u2019\nRefrain: For we\u2019ll never, etc.\n16A.9 \u2018There is ships o your father\u2019s sailing on the sea\nThat will bring as good a sheath and a knife unto thee.\u2019\n16A.10 \u2018There is ships o my father\u2019s sailing on the sea,\nBut sic a sheath and a knife they can never bring to me.\u2019\n16A.10r Now we\u2019ll never, etc.\n16B: Sheath and Knife\n16B.1 AE lady has whispered the other,\nRefrain: The broom grows bonnie, the broom grows fair\nLady Margaret\u2019s wi bairn to Sir Richard, her brother.\nRefrain: And we daur na gae doun to the broom nae mair\n* * * * *\n16B.2 \u2018And when ye hear me loud, loud cry,\nO bend your bow, let your arrow fly.\nRefrain: And I daur na, etc.\n16B.3 \u2018But when ye see me lying still,\nO then you may come and greet your fill.\u2019\n* * * * *\n16B.4 \u2018It\u2019s I hae broken my little pen-knife\nThat I loed dearer than my life.\u2019\nRefrain: And I daur na, etc.\n* * * * *\n16B.5 \u2018It\u2019s no for the knife that my tears doun run,\nBut it\u2019s a\u2019 for the case that my knife was kept in.\u2019\n16C: Sheath and Knife\n16C.1 IT\u2019S whispered in parlour, it\u2019s whispered in ha,\nRefrain: The broom blooms bonie, the broom blooms fair\nLady Marget\u2019s wi child amang our ladies a\u2019.\nRefrain: And she dare na gae down to the broom nae mair\n16C.2 One day whisperd unto another\nLady Marget\u2019s wi child to Sir Richard, her brother.\n* * * * *\n16C.3 \u2018O when that you hear my loud loud cry,\nThen bend your bow and let your arrows fly.\nRefrain: For I dare na,\u2019 etc.\n16D: Sheath and Knife\n16D.1 AE king\u2019s dochter said to anither,\nRefrain: Broom blooms bonnie an grows sae fair\nWe\u2019ll gae ride like sister and brither.\nRefrain: But we\u2019ll never gae down to the broom nae mair\n16[E]: Sheath and Knife\n16[E].1 One king\u2019s daughter said to anither,\nRefrain: Brume blumes bonnie and grows sae fair\n16[E.1] \u2018We\u2019ll gae ride like sister and brither.\u2019\nRefrain: And we\u2019ll neer gae down to the brume nae mair\n16[E.2] \u2018We\u2019ll ride doun into yonder valley,\nWhare the greene green trees are budding sae gaily.\n16[E.3] \u2018Wi hawke and hounde we will hunt sae rarely,\nAnd we\u2019ll come back in the morning early.\u2019\n16[E.4] They rade on like sister and brither,\nAnd they hunted and hawket in the valley the-gether.\n16[E.5] \u2018Now, lady, hauld my horse and my hawk,\nFor I maun na ride, and I downa walk.\n16[E.6] \u2018But set me doun be the rute o this tree,\nFor there hae I dreamt that my bed sall be.\u2019\n16[E.7] The ae king\u2019s dochter did lift doun the ither,\nAnd she was licht in her armis like ony fether.\n16[E.8] Bonnie Lady Ann sat doun be the tree,\nAnd a wide grave was houkit whare nane suld be.\n16[E.9] The hawk had nae lure, and the horse had nae master,\nAnd the faithless hounds thro the woods ran faster.\n16[E.10] The one king\u2019s dochter has ridden awa,\nBut bonnie Lady Ann lay in the deed-thraw.\n16[F]: Sheath and Knife\n16[F].1 \u2018There is a feast in your father\u2019s house,\nRefrain: The broom blooms bonnie, and so is it fair\n16[F.1] It becomes you and me to be very douce.\u2019\nRefrain: And we\u2019ll never gang up to the broom nae mair\n16[F.2] \u2018Will you to to yon hill so hie,\nTake your bow and your arrow wi thee.\u2019\n16[F.3] He\u2019s tane his lady on his back,\nAnd his auld son in his coat-lap.\n16[F.4] \u2018When ye hear me give a cry,\nYe\u2019ll shoot your bow and let me ly.\n16[F.5] \u2018When ye see me lying still,\nThrow awa your bow and come running me till.\u2019\n16[F.6] When he heard her gie a cry,\nHe shot his bow and he let her lye.\n16[F.7] When he saw she was lying still,\nHe threw awa his bow and came running her till.\n16[F.8] It was nae wonder his heart was sad,\nWhen he shot his auld son at her head.\n16[F.9] He howkit a grave lang, large and wide,\nHe buried his auld son down by her side.\n16[F.10] It was nae wonder his heart was sair,\nWhen he shooled the mools on her yellow hair.\n16[F.11] \u2018Oh,\u2019 said his father, \u2019Son, but thou\u2019rt sad,\nAt our braw meeting you micht be glad.\u2019\n16[F.12] \u2018Oh,\u2019 said he, \u2019Father, I\u2019ve lost my knife,\nI loved as dear almost as my own life.\n16[F.13] \u2018But I have lost a far better thing,\nI lost the sheathe that the knife was in.\u2019\n16[F.14] \u2018Hold thy tongue and mak nae din,\nI\u2019ll buy thee a sheath and a knife therein.\u2019\n16[F.15] \u2018A\u2019 the ships ere sailed the sea\nNeer\u2019ll bring such a sheathe and knife to me.\n16[F.16] \u2018A\u2019 the smiths that lives on land\nWill neer bring such a sheath and knife to my hand.\u2019","title":"The Child Ballads: 16. Sheath and Knife","type":"page"}