{"collection":"Northern European Mythology","html_url":"https://unchartedknowledge.5gfusion.net/browse/neu/eng/child/ch019.htm","path":"neu/eng/child/ch019.htm","source_url":"https://sacred-texts.com/neu/eng/child/ch019.htm","text":"19A.1 DER lived a king inta da aste,\nRefrain: Scowan \u00fcrla gr\u00fcn\nDer lived a lady in da wast.\nRefrain: Whar giorten han gr\u00fcn oarlac\n19A.2 Dis king he has a huntin gaen,\nHe\u2019s left his Lady Isabel alane.\n19A.3 \u2018Oh I wis ye\u2019d never gaen away,\nFor at your hame is d\u2019ol an wae.\n19A.4 \u2018For da king o Ferrie we his daert,\nHas pierced your lady to da hert.\u2019\n* * * * *\n19A.5 And aifter dem da king has gaen,\nBut whan he cam it was a grey stane.\n19A.6 Dan he took oot his pipes ta play,\nBit sair his hert wi d\u2019ol an wae.\n19A.7 And first he played da notes o noy,\nAn dan he played da notes o joy.\n19A.8 An dan he played da g\u2019od gabber reel,\nDat meicht ha made a sick hert hale.\n* * * * *\n19A.9 \u2018Noo come ye in inta wir ha,\nAn come ye in among wis a\u2019.\u2019\n19A.10 Now he\u2019s gaen in inta der ha,\nAn he\u2019s gaen in among dem a\u2019.\n19A.11 Dan he took out his pipes to play,\nBit sair his hert wi d\u2019ol an wae.\n19A.12 An first he played da notes o noy,\nAn dan he played da notes o joy.\n19A.13 An dan he played da g\u2019od gabber reel,\nDat meicht ha made a sick hert hale.\n19A.14 \u2018Noo tell to us what ye will hae:\nWhat sall we gie you for your play?\n19A.15 \u2018What I will hae I will you tell,\nAn dat\u2019s me Lady Isabel.\u2019\n19A.16 \u2018Yees tak your lady, an yees gaeng hame,\nAn yees be king ower a\u2019 your ain.\u2019\n19A.17 He\u2019s taen his lady, an he\u2019s gaen hame,\nAn noo he\u2019s king ower a\u2019 his ain.","title":"The Child Ballads: 19. King Orfeo","type":"page"}