{"collection":"Northern European Mythology","html_url":"https://unchartedknowledge.5gfusion.net/browse/neu/eng/child/ch024.htm","path":"neu/eng/child/ch024.htm","source_url":"https://sacred-texts.com/neu/eng/child/ch024.htm","text":"Sacred Texts\u00a0\n Legends & Sagas\u00a0\n England\u00a0\n Index\u00a0\n Previous\u00a0\n Next\u00a0\n \n \n \n 24A: Bonnie Annie\n \n \n 24A.1\tTHERE was a rich lord, and he lived in Forfar,\n He had a fair lady, and one only dochter.\n 24A.2\tO she was fair, O dear, she was bonnie!\n A ship\u2019s captain courted her to be his honey.\n 24A.3\tThere cam a ship\u2019s captain out owre the sea sailing,\n He courted this young thing till he got her wi bairn.\n 24A.4\t\u2018Ye\u2019ll steal your father\u2019s gowd, and your mother\u2019s money,\n And I\u2019ll mak ye a lady in Ireland bonnie.\u2019\n 24A.5\tShe\u2019s stown her father\u2019s gowd, and her mother\u2019s money,\n But she was never a lady in Ireland bonnie.\n * * * * *\n 24A.6\t\u2018There\u2019s fey fowk in our ship, she winna sail for me,\n There\u2019s fey fowk in our ship, she winna sail for me.\u2019\n 24A.7\tThey\u2019ve casten black bullets twice six and forty,\n And ae the black bullet fell on bonnie Annie.\n 24A.8\t\u2018Ye\u2019ll tak me in your arms twa, lo, lift me cannie,\n Throw me out owre board, your ain dear Annie.\u2019\n 24A.9\tHe has tane her in his arms twa, lo, lifted her cannie,\n He has laid her on a bed of down, his ain dear Annie.\n 24A.10\t\u2018What can a woman do, love, I\u2019ll do for ye;\u2019\n \u2018Muckle can a woman do, ye canna do for me.\u2019\n 24A.11\t\u2018Lay about, steer about, lay our ship cannie,\n Do all ye can to save my dear Annie.\u2019\n 24A.12\t\u2018I\u2019ve laid about, steerd about, laid about cannie,\n But all I can do, she winna sail for me.\n 24A.13\t\u2018Ye\u2019ll tak her in your arms twa, lo, lift her cannie,\n And throw her out owre board, your ain dear Annie.\u2019\n 24A.14\tHe has tane her in his arms twa, lo, lifted her cannie,\n He has thrown her out owre board, his ain dear Annie.\n 24A.15\tAs the ship sailed, bonnie Annie she swam,\n And she was at Ireland as soon as them.\n 24A.16\tHe made his love a coffin of the gowd sae yellow,\n And buried his bonnie love doun in a sea valley.\n \n \n \n 24B: Bonnie Annie\n \n \n 24B.1\tDOWN in Dumbarton there wonnd a rich merchant,\n Down in Dumbarton there wond a rich merchant,\n And he had nae family but ae only dochter.\n Refrain:\tSing fal lal de deedle, fal lal de deedle lair, O a day\n 24B.2\tThere cam a rich squire, intending to woo her,\n He wooed her until he had got her wi babie.\n 24B.3\t\u2018Oh what shall I do! oh what shall come o me!\n Baith father and mither will think naething o me.\u2019\n 24B.4\t\u2018Gae up to your father, bring down gowd and money,\n And I\u2019ll take ye ower to a braw Irish ladie.\u2019\n 24B.5\tShe gade to her father, brought down gowd and money,\n And she\u2019s awa ower to a braw Irish ladie.\n 24B.6\tShe hadna sailed far till the young thing cried \u2018Women!\u2019\n \u2018What women can do, my dear, I\u2019ll do for you.\u2019\n 24B.7\t\u2018O haud your tongue, foolish man, dinna talk vainly,\n For ye never kent what a woman driet for you.\n 24B.8\t\u2018Gae wash your hands in the cauld spring water,\n And dry them on a towel a\u2019 giltit wi silver.\n 24B.9\t\u2018And tak me by the middle, and lift me up saftlie,\n And throw me ower shipboard, baith me and my babie.\u2019\n 24B.10\tHe took her by the middle, and lifted her saftly,\n And threw her ower shipboard, baith her and her babie.\n 24B.11\tSometimes she did sink, sometimes she did float it,\n Until that she cam to the high banks o Yarrow.\n 24B.12\t\u2018O captain tak gowd, O sailors tak money,\n And launch out your sma boat till I sail for my honey.\u2019\n 24B.13\t\u2018How can I tak gowd, how can I tak money?\n My ship\u2019s on a sand bank, she winna sail for me.\u2019\n 24B.14\tThe captain took gowd, the sailors took money,\n And they launchd out their sma boat till he sailed for his honey.\n 24B.15\t\u2018Mak my love a coffin o the gowd sae yellow,\n Whar the wood it is dear, and the planks they are narrow,\n And bury my love on the high banks o Yarrow.\u2019\n 24B.16\tThey made her a coffin o the gowd sae yellow,\n And buried her deep on the high banks o Yarrow.\n \n \n \n \n \n \n Next: 25. Willie's Lyke-Wake","title":"The Child Ballads: 24. Bonnie Annie","type":"page"}