{"collection":"Northern European Mythology","html_url":"https://unchartedknowledge.5gfusion.net/browse/neu/eng/child/ch115.htm","path":"neu/eng/child/ch115.htm","source_url":"https://sacred-texts.com/neu/eng/child/ch115.htm","text":"Sacred Texts\u00a0\n Legends & Sagas\u00a0\n England\u00a0\n Index\u00a0\n Previous\u00a0\n Next\u00a0\n \n \n \n 115A: Robyn and Gandeleyn\n \n \n 115A.1 I HERDE a carpyng of a clerk,\n Al at y+oone wodes ende,\n Of gode Robyn and Gandeleyn;\n Was ther non other thynge.\n Robynn lyth in grene wode bowndyn\n 115A.2 Stronge theuys wern tho chylderin non,\n But bowmen gode and hende;\n He wentyn to wode to getyn hem fleych,\n If God wold it hem sende.\n 115A.3 Al day wentyn tho chylderin too,\n And fleych fowndyn he non,\n Til it were a-geyn euyn;\n THe chylderin wold gon hom.\n 115A.4 Half an honderid of fat falyf der\n He comyn a-y+oon,\n And alle he wern fayr and fat i-now,\n But markyd was ther non:\n \u2018Be dere God,\u2019 seyde gode Robyn,\n \u2018Here of we xul haue on.\u2019\n 115A.5 Robyn bent his joly bowe,\n RRther\tin he set a flo;\n THe fattest der of alle\n THe herte he clef a to.\n 115A.6 He hadde not the der i-flawe,\n Ne half out of the hyde,\n There cam a schrewde arwe out of the west,\n RRthat\tfelde Robertes pryde.\n 115A.7 Gandeleyn lokyd hym est and west,\n Be euery syde:\n \u2018Hoo hat myn mayster slayin?\n Ho hat don this dede?\n Xal I neuer out of grene wode go\n Til I se [his] sydis blede.\u2019\n 115A.8 Gandeleyn lokyd hym est and lokyd west,\n And sowt vnder the sunne;\n He saw a lytil boy\n He clepyn Wrennok of Donne.\n 115A.9 A good bowe in his hond,\n A brod arwe ther ine,\n And fowre and twenti goode arwys,\n Trusyd in a thrumme:\n \u2018Be war the, war the, Gandeleyn,\n Her-of thu xalt han summe.\n 115A.10 \u2018Be war the, war the, Gandeleyn,\n Her of thu gyst plente:\u2019\n \u2018Euer on for an other,\u2019 seyde Gandeleyn;\n \u2018Mysaunter haue he xal fle.\n 115A.11 \u2018Qwer-at xal our marke be?\u2019\n Seyde Gandeleyn:\n \u2018Eueryche at otheris herte,\u2019\n Seyde Wrennok ageyn.\n 115A.12 Ho xal y+oeue the ferste schote?\u2019\n Seyde Gandeleyn:\n \u2018And I xul y+oeue the on be-forn,\u2019\n Seyde Wrennok ageyn.\n 115A.13 Wrennok schette a ful good schote,\n And he schet not to hye;\n THrow the sanchothis of his bryk;\n It towchyd neyther thye.\n 115A.14 \u2018Now hast thu y+oouyn me on be-forn,\u2019\n Al thus to Wrennok seyde he,\n \u2018And throw the myy+ot of our lady\n A bettere I xal y+oeue the.\u2019\n 115A.15 Gandeleyn bent his goode bowe,\n And set ther in a flo;\n He schet throw his grene certyl,\n His herte he clef on too.\n 115A.16 \u2018Now xalt thu neuer y+oelpe, Wrennok,\n At ale ne at wyn,\n RRthat\tthu hast slawe goode Robyn,\n And his knaue Gandeleyn.\n 115A.17 \u2018Now xalt thu neuer y+oelpe, Wrennok,\n At wyn ne at ale,\n RRthat\tthu hast slawe goode Robyn,\n And Gandeleyn his knaue.\u2019\n Robyn lyy+oth in grene wode bowndyn\n \n \n \n \n \n \n Next: 116. Adam Bell, Clim of the Clough and William of Cloudesly","title":"The Child Ballads: 115. Robyn and Gandeleyn","type":"page"}