{"collection":"Northern European Mythology","html_url":"https://unchartedknowledge.5gfusion.net/browse/neu/eng/child/ch205.htm","path":"neu/eng/child/ch205.htm","source_url":"https://sacred-texts.com/neu/eng/child/ch205.htm","text":"205A.1 YOURR\u2019rrL marvel when I tell ye o\nOur noble Burly and his train,\nWhen last he marchd up through the land,\nWi sax-and-twenty westland men.\n205A.2 Than they I neer o braver heard,\nFor they had a\u2019 baith wit and skill;\nThey proved right well, as I heard tell,\nAs they cam up oer Loudoun Hill.\n205A.3 Weel prosper a\u2019 the gospel-lads\nThat are into the west countrie\nAy wicked Claverse to demean,\nAnd ay an ill dead may he die!\n205A.4 For he\u2019s drawn up i battle rank,\nAn that baith soon an hastilie;\nBut they wha live till simmer come,\nSome bludie days for this will see.\n205A.5 But up spak cruel Claverse then,\nWi hastie wit an wicked skill,\n\u2018Gae fire on yon westlan men;\nI think it is my sovreign\u2019s will.\u2019\n205A.6 But up bespake his cornet then,\n\u2018It\u2019s be wi nae consent o me;\nI ken I\u2019ll neer come back again,\nAn mony mae as weel as me.\n205A.7 \u2018There is not ane of a\u2019 yon men\nBut wha is worthy other three;\nThere is na ane amang them a\u2019\nThat in his cause will stap to die.\n205A.8 \u2018An as for Burly, him I knaw;\nHe\u2019s a man of honour, birth, an fame;\nGie him a sword into his hand,\nHe\u2019ll fight thysel an other ten.\u2019\n205A.9 But up spake wicked Claverse then-+--+-\nI wat his heart it raise fu hie-+--+-\nAnd he has cry\u2019d, that a\u2019 might hear,\n\u2018Man, ye hae sair deceived me.\n205A.10 \u2018I never kend the like afore,\nNa, never since I came frae hame,\nThat you sae cowardly here suld prove,\nAn yet come of a noble Gra+eme.\u2019\n205A.11 But up bespake his cornet then,\n\u2018Since that it is your honour\u2019s will,\nMysel shall be the foremost man\nThat shall gie fire on Loudoun Hill.\n205A.12 \u2018Your command I\u2019ll lead them on,\nBut yet wi nae consent o me;\nFor weel I ken I\u2019ll neer return,\nAnd mony mae as weel as me.\u2019\n205A.13 Then up he drew in battle rank-+--+-\nI wat he had a bonny train-+--+-\nBut the first time that bullets flew\nAy he lost twenty o his men.\n205A.14 Then back he came the way he gaed,\nI wat right soon an suddenly;\nHe gave command amang his men,\nAnd sent them back, and bade them flee.\n205A.15 Then up came Burly, bauld an stout,\nWi \u2019s little train o westland men,\nWha mair than either aince or twice\nIn Edinburgh confind had been.\n205A.16 They hae been up to London sent,\nAn yet they\u2019re a\u2019 come safely down;\nSax troop o horsemen they hae beat,\nAnd chased them into Glasgow town.","title":"The Child Ballads: 205. Loudon Hill, or Dromclog","type":"page"}