{"collection":"Northern European Mythology","html_url":"https://unchartedknowledge.5gfusion.net/browse/neu/eng/child/ch226.htm","path":"neu/eng/child/ch226.htm","source_url":"https://sacred-texts.com/neu/eng/child/ch226.htm","text":"226A.1 * * * * *\nOUT it spake Lizee Linzee,\nThe tear blinket in her ee;\nHow can I leave father and mother,\nAlong with young Donald to gae!\n226A.2 Out spoke Lizee\u2019s young handmaid,\nA bonny young lassie was she;\nSaid, Were I heress to a kingdom,\nAlong with young Donald I\u2019d ga.\n226A.3 \u2018O say ye so to me, Nelly?\nO say ye so to me?\nMust I leave Edinburgh city,\nTo the high Highland to gae?\u2019\n226A.4 Out spoke Lizie\u2019s own mother,\nA good old lady was she;\nIf you speak such a word to my dochter,\nI\u2019ll gar hang [you] hi.\n226A.5 \u2018Keep well your dochter from me, madam,\nKeep well your dochter fa me;\nFor I care as little for your dochter\nAs ye can care for me.\u2019\n226A.6 The road grew wetty and dubby,\nAnd Lizee began to think lang;\nSaid, I wish had staid with my mother,\nAnd nae wi young Donald had gane.\n226A.7 \u2018You\u2019r welcome hame, Sir Donald,\nYou\u2019r thrice welcome to me;\nYou\u2019r welcome hame, Sir Donald,\nAnd your young lady you wi.\u2019\n226A.8 . . . .\n. . . .\n\u2018Ye call na me Sir Donald,\nBut ca me Donald your son.\u2019\n226A.9 \u2018Rise up, Lizee Linzee,\nYou [have] lain too long in the day;\nYe might have helped my mother\nTo milch her goats and her kie.\u2019\n226A.10 Out it spake Lizee Linzee,\nThe tear blinket in her eye;\n\u2018The ladys of Edinburgh city,\nThey neither milch goats nor kie.\u2019\n226B: Lizie Lindsay\n226B.1 ITRR\u2019rrS of a young lord o the Hielands,\nA bonnie braw castle had he,\nAnd he says to his lady mither,\nRR\u2019Mrry boon ye will grant to me:\nSall I gae to Edinbruch city,\nAnd fesh hame a lady wi me?\u2019\n226B.2 \u2018Ye may gae to Edinbruch city,\nAnd fesh hame a lady wi thee,\nBut see that ye bring her but flattrie,\nAnd court her in grit povertie.\u2019\n226B.3 \u2018My coat, mither, sall be o the plaiden,\nA tartan kilt oure my knee,\nWi hosens and brogues and the bonnet;\nI\u2019ll court her wi nar flattrie.\u2019\n226B.4 Whan he cam to Edinbruch city,\nHe playd at the ring and the ba,\nAnd saw monie a bonnie young ladie,\nBut Lizie Lindsay was first o them a\u2019.\n226B.5 Syne, dressd in his Hieland grey plaiden,\nHis bonnet abune his ee-bree,\nHe called on fair Lizie Lindsay;\nSays, Lizie, will ye fancy me?\n226B.6 \u2018And gae to the Hielands, my lassie,\nAnd gae, gae wi me?\nO gae to the Hielands, Lizie Lindsay,\nI\u2019ll feed you on curds and green whey.\n226B.7 \u2018And ye\u2019se get a bed o green bracken,\nMy plaidie will hap thee and me;\nYe\u2019se lie in my arms, bonnie Lizie,\nIf ye\u2019ll gae to the Hielands wi me.\u2019\n226B.8 \u2018O how can I gae to the Hielands,\nOr how can I gae wi thee,\nWhan I dinna ken whare I\u2019m gaing,\nNor wha I hae to gae wi?\u2019\n226B.9 \u2018My father, he is an auld shepherd,\nMy mither, she is an auld dey;\nMy name it is Donald Macdonald,\nMy name I\u2019ll never deny.\u2019\n226B.10 \u2018O Donald, I\u2019ll gie ye five guineas\nTo sit ae hour in my room,\nTill I tak aff your ruddy picture;\nWhan I hae \u2019t, I\u2019ll never think lang.\u2019\n226B.11 \u2018I dinna care for your five guineas;\nIt\u2019s ye that\u2019s the jewel to me;\nI\u2019ve plenty o kye in the Hielands,\nTo feed ye wi curds and green whey.\n226B.12 \u2018And ye\u2019se get a bonnie blue plaidie,\nWi red and green strips thro it a\u2019;\nAnd I\u2019ll be the lord o your dwalling,\nAnd that\u2019s the best picture ava.\n226B.13 \u2018And I am laird o a\u2019 my possessions;\nThe king canna boast o na mair;\nAnd ye\u2019se hae my true heart in keeping,\nThere\u2019ll be na ither een hae a share.\n226B.14 \u2018Sae gae to the Hielands, my lassie,\nO gae awa happy wi me;\nO gae to the Hielands, Lizie Lindsay,\nAnd hird the wee lammies wi me.\u2019\n226B.15 \u2018O how can I gae wi a stranger,\nOure hills and oure glens frae my hame?\u2019\n\u2018I tell ye I am Donald Macdonald;\nI\u2019ll ever be proud o my name.\u2019\n226B.16 Doun cam Lizie Lindsay\u2019s ain father,\nA knicht o a noble degree;\nSays, If ye do steal my dear daughter,\nIt\u2019s hangit ye quickly sall be.\n226B.17 On his heel he turned round wi a bouncie,\nAnd a licht lauch he did gie:\n\u2018There\u2019s nae law in Edinbruch city\nThis day that can dare to hang me.\u2019\n226B.18 Then up bespak Lizie\u2019s best woman,\nAnd a bonnie young lass was she;\n\u2018Had I but a mark in my pouchie,\nIt\u2019s Donald that I wad gae wi.\u2019\n226B.19 \u2018O Helen, wad ye leave your coffer,\nAnd a\u2019 your silk kirtles sae braw,\nAnd gang wi a bare-houghd puir laddie,\nAnd leave father, mither, and a\u2019?\n226B.20 \u2018But I think he\u2019s a witch or a warlock,\nOr something o that fell degree,\nFor I\u2019ll gae awa wi young Donald,\nWhatever my fortune may be.\u2019\n226B.21 Then Lizie laid doun her silk mantle,\nAnd put on her waiting-maid\u2019s goun,\nAnd aff and awa to the Hielands\nShe\u2019s gane wi this young shepherd loun.\n226B.22 Thro glens and oure mountains they wanderd,\nTill Lizie had scantlie a shoe;\n\u2018Alas and ohone!\u2019 says fair Lizie,\n\u2018Sad was the first day I saw you!\nI wish I war in Edinbruch city;\nFu sair, sair this pastime I rue.\u2019\n226B.23 \u2018O haud your tongue now, bonnie Lizie,\nFor yonder\u2019s the shieling, my hame;\nAnd there\u2019s my guid auld honest mither,\nThat\u2019s coming to meet ye her lane.\u2019\n226B.24 \u2018O ye\u2019re welcome, ye\u2019re welcome, Sir Donald,\nYe\u2019re welcome hame to your ain.\u2019\n\u2018O ca me na young Sir Donald,\nBut ca me Donald my son;\u2019\nAnd this they hae spoken in Erse,\nThat Lizie micht not understand.\n226B.25 The day being weetie and daggie,\nThey lay till \u2019twas lang o the day:\n\u2018Win up, win up, bonnie Lizie,\nAnd help at the milking the kye.\u2019\n226B.26 O slowly raise up Lizie Lindsay,\nThe saut tear blindit her ee:\n\u2018O, war I in Edinbruch city,\nThe Hielands shoud never see me!\u2019\n226B.27 He led her up to a hie mountain\nAnd bade her look out far and wide:\n\u2018I\u2019m lord o thae isles and thae mountains,\nAnd ye\u2019re now my beautiful bride.\n226B.28 \u2018Sae rue na ye\u2019ve come to the Hielands,\nSae rue na ye\u2019ve come aff wi me,\nFor ye\u2019re great Macdonald\u2019s braw lady,\nAnd will be to the day that ye dee.\u2019\n226C: Lizie Lindsay\n226C.1 WHAT wad ye gie to me, mither,\nWhat wad ye gie to me,\nIf I wad go to Edinbruch city\nAnd bring hame Lizie Lindsey to thee?\u2019\n226C.2 \u2018Meikle wad I gie to thee, Donald,\nMeikle wad I gie to thee,\nIf ye wad gang to Edinbruch city\nAnd court her as in povertie.\u2019\n226C.3 Whan he cam to Edinbruch city,\nAnd there a while to resort,\nHe called on fair Lizie Lindsey,\nWha lived at the Canongate-Port.\n226C.4 \u2018Will ye gang to the Hielands, Lizie Lindsey?\nWill ye gae to the Hielands wi me?\nAnd I will gie ye a cup o the curds,\nLikewise a cup of green whey.\n226C.5 \u2018And I will gie ye a bed o green threshes,\nLikewise a happing o grey,\nIf ye will gae to the Hielands, Lizie Lindsey,\nIf ye\u2019ll gae to the Hielands wi me.\u2019\n226C.6 \u2018How can I gang?\u2019 says Lizie Lindsey,\n\u2018How can I gang wi thee?\nI dinna ken whare I am gaing,\nNor wha I am gaing wi.\u2019\n226C.7 \u2018My father is a cowper o cattle,\nMy mither is an auld dey;\nMy name is Donald Macdonald,\nMy name I\u2019ll never deny.\u2019\n226C.8 Doun cam Lizie Lindsey\u2019s father,\nA revrend auld gentleman was he:\n\u2018If ye steal awa my dochter,\nHie hanged ye sall be.\u2019\n226C.9 He turned him round on his heel\nAnd [a] licht lauch gied he;\n\u2018There is na law in a\u2019 Edinbruch city\nThis day that can hang me.\u2019\n226C.10 It\u2019s doun cam Lizie\u2019s hand-maid,\nA bonnie young lass was she:\n\u2018If I had ae crown in a\u2019 the warld,\nAwa wi that fellow I\u2019d gae.\u2019\n226C.11 \u2018Do ye say sae to me, Nelly?\nDo ye say sae to me?\nWad ye leave your father and mither,\nAnd awa wi that fellow wad gae?\u2019\n226C.12 She has kilted her coats o green silk\nA little below her knee,\nAnd she\u2019s awa to the Hielands wi Donald,\nTo bear him companie.\n226C.13 And whan they cam to the vallies\nThe hie hills war coverd wi snow,\nWhich caused monie a saut tear\nFrom Lizie\u2019s een to flow.\n226C.14 \u2018O, gin I war in Edinbruch city,\nAnd safe in my ain countrie,\nO, gin I war in Edinbruch city,\nThe Hielands shoud never see me.\u2019\n226C.15 \u2018O haud your tongue, Lizie Lindsey,\nNa mair o that let me see;\nI\u2019ll tak ye back to Edinbruch city,\nAnd safe to your ain countrie.\u2019\n226C.16 RR\u2018rrThough I war in Edinbruch city,\nAnd safe in my ain countrie,\nThough I war in Edinbruch city,\nO wha wad care for me!\u2019\n226C.17 Whan they cam to the shiels o Kilcushneuch,\nOut there cam an auld dey:\n\u2018Ye\u2019re welcome here, Sir Donald,\nYou and your lady gay.\u2019\n226C.18 \u2018Ca me na mair Sir Donald,\nBut ca me Donald your son,\nAnd I\u2019ll ca ye my auld mither,\nTill the lang winter nicht is begun.\u2019\n226C.19 \u2018A\u2019 this was spoken in Erse,\nThat Lizie micht na ken;\nA\u2019 this was spoken in Erse,\nAnd syne the broad English began.\n226C.20 \u2018Ye\u2019ll gae and mak to our supper\nA cup o the curds and whey,\nAnd ye\u2019ll mak a bed o green threshes,\nLikewise a happing o grey.\u2019\n* * * * *\n226C.21 \u2018Won up, won up, Lizie Lindsey,\nYe\u2019ve lain oure lang in the day;\nYe micht hae been helping my mither\nTo milk the ewes and the kye.\u2019\n226C.22 Then up got Lizie Lindsey,\nAnd the tear blindit her ee:\n\u2018O, gin I war in Edinbruch city,\nThe Hielands shoud never see me!\u2019\n226C.23 \u2018Won up, won up, Lizie Lindsey,\nA fairer sicht ye hae to see;\nDo ye see yon bonnie braw castle?\nLady o it ye will be.\u2019\n226D: Lizie Lindsay\n226D.1 THERE dwalt a lass in the South Countrie,\nLizzy Lindsay called by name,\nAnd many a laird and lord sought her,\nBut nane o them a\u2019 could her gain.\n226D.2 Out spoke the heir o Kinkawsie,\nAn down to his fader spoke he;\n\u2018Fat would ye think o me, fadther,\nFat would ye think o me,\nTo go to Edinburgh city,\nBring hame Lizzy Lindsay wi me?\u2019\n226D.3 Out and spoke his auld modther,\nAn auld revrend lady was she;\n\u2018Court her wi nae fause flatterie,\nBut in great policie.\u2019\n226D.4 He was nae in Edinbruch citie\nBut a twalmont an a day,\nWhen a\u2019 the young lairds an the ladies\nWent forth to sport an play:\nThere was nane like Lizzy Lindsay,\nShe was baith gallan an gay.\n226D.5 \u2018Will ye go to the Hielans, Lizzy Linsay?\nWill ye go to the Hielans wi me?\nIf ye\u2019ll go to the Hielans, Lizz[y] Linsay,\nI\u2019ll gar ye get crouds an green whey.\u2019\n226D.6 \u2018How can I go to the Hielans?\nOr hoo will I go with thee?\nI dinna ken whaar I\u2019m going,\nOr fa \u2019tis I would go wi.\u2019\n226D.7 \u2018RR rrmy fadther he is an auld couper,\nMy modther a brave auld dey;\nIf ye\u2019ll go to the Hieland[s], Lizzy Linsay,\nI\u2019ll gar ye get cruds and green whey.\u2019\n226D.8 Out it spoke Lizzy\u2019s best maiden,\nA wat a fine creature was she;\n\u2018Tho I were born heir till a crown,\nIt\u2019s young Donald that I would go wi.\u2019\n226D.9 \u2018Oh say ye sae to me, Nelly?\nOh say ye sae to me?\nWill I cast off my fine gowns and laces,\nAn gae to the Highlans him wi?\u2019\n226D.10 She\u2019s putten her hand in her pocket,\nShe\u2019s taen out ten guineas roun:\n\u2018And that wad I gie to thee, Donald,\nTo stay but ae hour i my room,\nTill I get your fair pictur painted,\nTo haud me unthought lang.\u2019\n226D.11 \u2018I care as little for your guineas\nAs you can care for mine;\nBut gin that ye like my fair face,\nThen gae wi me, if that ye incline.\u2019\n226D.12 Out it spak Lizzy\u2019s auld mither,\nI wite a fine lady was she;\n\u2018Gin I hear you speak sae to my daughter,\nI vow I\u2019se cause them hang thee.\u2019\n226D.13 He turned about on his heel,\nAnd a loud, loud laughter gae he:\n\u2018They are not in Edinburgh city,\nI trow, that dare hamg me.\n226D.14 \u2018But an ye come to the Canongate-Port-+--+-\nAn there ye\u2019ll be sure to see me-+--+-\nBring wi ye a bottle of sherry,\nI\u2019ll bear you good company.\u2019\n226D.15 They sought all Edinboro citie,\nThey sought it roun an roun,\nThinkin to fin Lizzy Lindsay,\nBut awa to the Highlans she\u2019s gane.\n226D.16 Whan they came to the shielin,\nOut bespoke the ould dye;\n\u2018You\u2019re welcome home, Sir Donald,\nLang hae we been thinkin for thee.\u2019\n226D.17 \u2018Ye\u2019ll call nae mair Sir Donald,\nYe\u2019ll call me nae sic thing;\nBut ye\u2019se be my auld mither,\nAnd I\u2019se be Donald your sin.\n226D.18 \u2018Ye\u2019ll mak for us a supper,\nA supper o cruds and green whey,\nAnd likewise a bed o green rashes,\nFor Lizzy and I to ly.\u2019\n226D.19 She\u2019s made for them a supper,\nA supper o cruds and why,\nAnd likewise a bed o green rashes,\nFor Lizzy and him to ly.\n226D.20 But Donald rose up i the mornin,\nThe rest o his glens to spy;\nIt was to look for his goats,\nHis goats, his yows, an his kye.\n226D.21 But Lizzy, beein wearied wi travel,\nShe lay till \u2019twas lang i the day:\n\u2018Get up, get up, Lizzy Linsay,\nWhat maks you sae lang for to ly?\nYou had better been helping my mither\nTo milk her yews and her kye.\u2019\n226D.22 But Lizzy drew till her her stockins,\nThe tears fell down on her eye:\n\u2018I wish I were at Edinboro city,\nI can neither milk yews nor kye.\u2019\n226D.23 \u2018Oh hold your tongue, Lizzy Linsay,\nYour weepin I mustna be wi;\nI\u2019ll sen you hame to your mither,\nIn the greatest o safety.\u2019\n226D.24 But he has tane her by the han,\nAnd has shewn her the straight way to go:\n\u2018An dont you see bonny Kincawsie,\nWher you and I is to ly?\u2019\n226D.25 Out then comes his old mither,\nAn twenty brave knichts her wi:\n\u2018Y\u2019re welcome home, Sir Donald,\nLang hae we been thinkin for thee.\u2019\n226D.26 Out then comes his old father,\nAn twenty brave ladies him wi:\n\u2018You\u2019r welcome home, Sir Donald,\nAn that fair creature you wi.\u2019\n226D.27 He\u2019s taken her by the han,\nAn he\u2019s shewn her the straight way in:\n\u2018An ye\u2019se be Lady Kincawsie,\nAn ye\u2019se hae Donal, my sin.\u2019\n226E: Lizie Lindsay\n226E.1 IN Edinburgh lived a lady,\nWas ca\u2019d Lizie Lindsay by name,\nWas courted by mony fine suitors,\nAnd mony rich person of fame:\nTho lords of renown had her courted,\nYet none her favour could gain.\n226E.2 Then spake the young laird o Kingcaussie,\nAnd a bonny young boy was he;\n\u2018Then let me a year to the city,\nI\u2019ll come, and that lady wi me.\u2019\n226E.3 Then spake the auld laird o Kingcaussie,\nA canty auld mannie was he;\n\u2018What think ye by our little Donald,\nSae proudly and crously cracks he?\n226E.4 \u2018But he\u2019s win a year to the city,\nIf that I be a living man;\nAnd what he can mak o this lady,\nWe shall lat him do as he can.\u2019\n226E.5 He\u2019s stript aff his fine costly robes,\nAnd put on the single liverie;\nWith no equipage nor attendance,\nTo Edinburgh city went he.\n226E.6 Now there was a ball in the city,\nA ball o great mirth and great fame;\nAnd fa danced wi Donald that day\nBut bonny Lizie Lindsay on the green!\n226E.7 \u2018Will ye gang to the Hielands, bonny Lizie?\nWill ye gang to the Hielands wi me?\nWill ye leave the South Country ladies,\nAnd gang to the Hielands wi me?\u2019\n226E.8 The lady she turned about,\nAnd answered him courteouslie;\n\u2018I\u2019d like to ken faer I am gaun first,\nAnd fa I am gaun to gang wi.\u2019\n226E.9 \u2018O Lizie, ae favour I\u2019ll ask you,\nThis favour I pray not deny;\nYe\u2019ll tell me your place of abode,\nAnd your nearest o kindred do stay.\u2019\n226E.10 \u2018Ye\u2019ll call at the Canogate-Port,\nAt the Canogate-Port call ye;\nI\u2019ll gie you a bottle o wine,\nAnd I\u2019ll bear you my companie.\u2019\n226E.11 Syne he called at the Canogate-Port,\nAt the Canogate-Port calld he;\nShe gae him a bottle o wine,\nAnd she gae him her companie.\n226E.12 \u2018Will ye gang to the Hielands, bonny Lizie?\nWill ye gang to the Hielands wi me?\nWill ye leave the South Country ladies,\nAnd gang to the Hielands wi me?\u2019\n226E.13 Then out spake Lizie\u2019s auld mither,\nFor a very auld lady was she;\n\u2018If ye cast ony creed on my dochter,\nHigh hanged I\u2019ll cause you to be.\u2019\n226E.14 \u2018O keep hame your dochter, auld woman,\nAnd latna her gang wi me;\nI can cast nae mair creed on your dochter,\nNae mair than she can on me.\u2019\n226E.15 \u2018Now, young man, ae question I\u2019ll ask you,\nSin ye mean to honour us sae;\nYe\u2019ll tell me how braid your lands lie,\nYour name, and faer ye hae to gae.\u2019\n226E.16 \u2018My father he is an auld soutter,\nMy mither she is an auld dey,\nAnd I\u2019m but a puir broken trooper,\nMy kindred I winna deny.\n226E.17 \u2018Yet I\u2019m nae a man o great honour,\nNor am I a man o great fame;\nMy name it is Donald M\u2019Donald,\nI\u2019ll tell it, and winna think shame.\n226E.18 \u2018Will ye gang to the Hielands, bonny Lizie?\nWill ye gang to the Hielands wi me?\nWill ye leave the South Country ladies,\nAnd gang to the Hielands wi me?\u2019\n226E.19 \u2018O Donald, I\u2019ll gie you ten guineas,\nIf ye woud but stay in my room\nUntil that I draw your fair picture,\nTo look on it fan I think lang.\u2019\n226E.20 \u2018No, I carena mair for your guineas,\nNae mair than ye care for mine;\nBut if that ye love my ain person,\nGae wi me, maid, if ye incline.\u2019\n226E.21 Then out spake Lizie\u2019s bower-woman,\nAnd a bonny young lassie was she;\nTho I was born heir to a crown,\nYoung Donald, I woud gang him wi.\n226E.22 Up raise then the bonny young lady,\nAnd drew till her stockings and sheen,\nAnd packd up her claise in fine bundles,\nAnd awa wi young Donald she\u2019s gane.\n226E.23 The roads they were rocky and knabby,\nThe mountains were baith strait and stay;\nWhen Lizie grew wearied wi travel,\nFor she\u2019d travelld a very lang way.\n226E.24 \u2018O turn again, bonny Lizie Lindsay,\nO turn again,\u2019 said he;\n\u2018We\u2019re but ae day\u2019s journey frae town,\nO turn, and I\u2019ll turn wi thee.\u2019\n226E.25 Out speaks the bonny young lady,\nTill the saut tear blinded her ee;\nAltho I\u2019d return to the city,\nThere\u2019s nae person woud care for me.\n226E.26 When they came near the end o their journey,\nTo the house o their father\u2019s milk-dey,\nHe said, Stay still there, Lizie Lindsay,\nTill I tell my mither o thee.\n226E.27 When he came into the shielen,\nShe hailed him courteouslie;\nSaid, Ye\u2019re welcome hame, Sir Donald,\nThere\u2019s been mony ane calling for thee.\n226E.28 \u2018O ca me na mair, Sir Donald,\nBut Donald M\u2019Donald your son;\nWe\u2019ll carry the joke a bit farther,\nThere\u2019s a bonny young lady to come.\u2019\n226E.29 When Lizie came into the shielen,\nShe lookd as if she\u2019d been a feel;\nShe sawna a seat to sit down on,\nBut only some sunks o green feall.\n226E.30 \u2018Now make us a supper, dear mither,\nThe best o your cruds and green whey;\nAnd make us a bed o green rashes,\nAnd covert wi huddins sae grey.\u2019\n226E.31 But Lizie being wearied wi travel,\nShe lay till \u2019twas up i the day:\n\u2018Ye might hae been up an hour seener,\nTo milk baith the ewes and the kye.\u2019\n226E.32 Out then speaks the bonny young lady,\nWhan the saut tear drapt frae her eye;\nI wish that I had bidden at hame,\nI can neither milk ewes nor kye.\n226E.33 \u2018I wish that I had bidden at hame,\nThe Hielands I never had seen,\nAltho I love Donald M\u2019Donald,\nThe laddie wi Blythe blinking een.\u2019\n226E.34 \u2018Win up, win up, O bonny Lizie,\nAnd dress in the silks sae gay;\nI\u2019ll show you the yetts o Kingcaussie,\nWhare I\u2019ve playd me mony a day.\u2019\n226E.35 Up raise the bonny young lady,\nAnd drest in thd silks sae fine,\nAnd into young Donald\u2019s arms\nAwa to Kingcaussie she\u2019s gane.\n226E.36 Forth came the auld laird o Kingcaussie,\nAnd hailed her courteouslie;\nSays, Ye\u2019re welcome, bonny Lizie Lindsay,\nYe\u2019re welcome hame to me.\n226E.37 \u2018Tho lords o renown hae you courted,\nYoung Donald your favour has won;\nYe\u2019se get a\u2019 the lands o Kingcaussie,\nAnd Donald M\u2019Donald, my son.\u2019\n226F: Lizie Lindsay\n226F.1 THERE was a braw ball in Edinburgh,\nAnd mony braw ladies were there,\nBut nae ane at a\u2019 the assembly\nCould wi Lizzie Lindsay compare.\n226F.2 In cam the young laird o Kincassie,\nAn a bonnie young laddie was he:\n\u2018Will ye lea yere ain kintra, Lizzie,\nAn gang to the Hielands wi me?\u2019\n226F.3 She turned her roun on her heel,\nAn a very loud laughter gaed she:\n\u2018I wad like to ken whar I was ganging,\nAnd wha I was gaun to gang wi.\u2019\n226F.4 \u2018My name is young Donald M\u2019Donald,\nMy name I will never deny;\nMy father he is an auld shepherd,\nSae weel as he can herd the kye!\n226F.5 \u2018My father he is an auld shepherd,\nMy mother she is an auld dame;\nIf ye\u2019ll gang to the Hielands, bonnie Lizzie,\nYe\u2019s neither want curds nor cream.\u2019\n226F.6 \u2018If ye\u2019ll call at the Canongate-Port,\nAt the Canongate-Port call on me,\nI\u2019ll give you a bottle of sherry,\nAnd bear you companie.\u2019\n226F.7 He ca\u2019d at the Canongate-Port,\nAt the Canongate-Port called he;\nShe drank wi him a bottle o sherry,\nAnd bore him guid companie.\n226F.8 \u2018Will ye go to the Hielands, bonnie Lizzie?\nWill ye go to the Hielands wi me?\nIf ye\u2019ll go to the Hielands, bonnie Lizzie,\nYe shall not want curds nor green whey.\u2019\n226F.9 In there cam her auld mither,\nA jolly auld lady was she:\n\u2018I wad like to ken whar she was ganging,\nAnd wha she was gaun to gang wi.\u2019\n226F.10 \u2018My name is young Donald M\u2019Donald,\nMy name I will never deny;\nMy father he is an auld shepherd,\nSae weel as he can herd the kye!\n226F.11 \u2018O but I would give you ten guineas\nTo have her one hour in a room,\nTo get her fair body a picture,\nTo keep me from thinking long.\u2019\n226F.12 \u2018O I value not your ten guineas,\nAs little as you value mine;\nBut if that you covet my daughter,\nTake her with you, if you do incline.\u2019\n226F.13 \u2018Pack up my silks and my satins,\nAnd pack up my hose and my shoon,\nAnd likewise my clothes in small bundles,\nAnd away wi young Donald I\u2019ll gang.\u2019\n226F.14 They packd up her silks and her satins,\nThey packd up her hose and her shoon,\nAnd likewise her clothes in small bundles,\nAnd away wi young Donald she\u2019s gane.\n226F.15 When that they cam to the Hielands,\nThe braes they were baith lang and stey;\nBonnie Lizzie was wearied wi ganging,\nShe had travelld a lang summer day.\n226F.16 \u2018O are we near hame, Sir Donald?\nO are we near hame, I pray?\u2019\n\u2018We\u2019re no near hame, bonnie Lizzie,\nNor yet the half o the way.\u2019\n226F.17 They cam to a homely poor cottage,\nAn auld man was stnading by:\n\u2018Ye\u2019re welcome hame, Sir Donald,\nYe\u2019ve been sae lang away.\u2019\n226F.18 \u2018O call me no more Sir Donald,\nBut call me young Donald your son,\nFor I have a bonnie young lady\nBehind me for to come in.\u2019\n226F.19 \u2018Come in, come in, bonnie Lizzie,\nCome in, come in,\u2019 said he;\n\u2018Although that our cottage be little,\nPerhaps the better we\u2019ll gree.\n226F.20 \u2018O make us a supper, dear mother,\nAnd make it of curds an green whey;\nAnd make us a bed o green rushes,\nAnd cover it oer wi green hay.\u2019\n* * * * *\n226F.21 \u2018Rise up, rise up, bonnie Lizzie,\nWhy lie ye so long in the day?\nYe might hae been helping my mother\nTo make the curds and green whey.\u2019\n226F.22 \u2018O haud your tongue, Sir Donald,\nO haud your tongue, I pray;\nI wish I had neer left my mother;\nI can neither make curds nor whey.\u2019\n226F.23 \u2018Rise up, rise up, bonnie Lizzie,\nAnd put on your satins so fine,\nFor we maun to be at Kincassie\nBefore that the clock strikes nine.\u2019\n226F.24 But when they came to Kincassie\nThe porter was standing by:\n\u2018Ye\u2019re welcome home, Sir Donald,\nYe\u2019ve been so long away.\u2019\n226F.25 It\u2019s down then came his auld mither,\nWith all the keys in her hand,\nSaying, Take you these, bonnie Lizzie,\nAll under them\u2019s at your command.\n226G: Lizie Lindsay\n226G.1 \u2018WILL you go to the Highlands wi me, Leezie?\nWill you go to the Highlands wi me?\nWill you go to the Highlands wi me, Leezie?\nAnd you shall have curds and green whey.\u2019\n226G.2 Then up spoke Leezie\u2019s mother,\nA gallant old lady was she;\n\u2018If you talk so to my daughter,\nHigh hanged I\u2019ll gar you be.\u2019\n226G.3 And then she changed her coaties,\nAnd then she changed them to green,\nAnd then she changed her coaties,\nYoung Donald to gang wi.\n226G.4 But the roads grew broad and broad,\nAnd the mountains grew high and high,\nWhich caused many a tear\nTo fall from Leezie\u2019s eye.\n226G.5 But the roads grew broad and broad,\nAnd the mountains grew high and high,\nTill they came to the glens of Glen Koustie,\nAnd out there came an old die.\n226G.6 \u2018You\u2019re welcome here, Sir Donald,\nAnd your fair ladie,\n. . . .\n. . . .\u2019\n226G.7 \u2018O call me not Sir Donald,\nBut call me Donald your son,\nAnd I will call you mother,\nTill this long night be done.\u2019\n226G.8 These words were spoken in Gaelic,\nAnd Leezie did not them ken;\nThese words were spoken in Gaelic,\nAnd then plain English began.\n226G.9 \u2018O make her a supper, mother,\nO make her a supper wi me;\nO make her a supper, mother,\nOf curds and green whey.\u2019\n* * * * *\n226G.10 \u2018You must get up, Leezie Lindsay,\n. . . .\nYou must get up, Leezie Lindsay,\nFor it is far in the day.\u2019\n226G.11 And then they went out together,\nAnd a braw new bigging saw she,\nAnd out cam Lord Macdonald,\nAnd his gay companie.\n226G.12 \u2018You\u2019re welcome here, Leezie Lindsay,\nThe flower of a\u2019 your kin,\nAnd you shall be Lady Macdonald,\nSince you have got Donald, my son.\u2019\n226[H]: Lizie Lindsay\n226[H].1 Ther lives a maid in Edinbrugh citty,\nElisa Lindsy they call her by name;\nMonye an came to court her,\nBut a\u2019 ther suit was in vain.\n226[H.2] Out spak the hear of Carnuss,\nAn out spak he;\n\u2018Fat wad ye think of me if I wad gae to Edinbrugh citty\nAn bring this fair creatur we me?\u2019\n226[H.3] \u2018If ye gae to Edinbrugh city\nAn bring this fair creatur we the,\nBring her home we ne flatry,\nBut by grait policy.\u2019\n226[H.4] Fan he came to the Netherbou,\nElisa Lindsy for to see,\nShe drank we him a bottel of cherry,\nAnd bare him gued company.\n226[H.5] \u2018Will ye goo to the Hillands we me, Lisee?\nWill ye go to [the] Hillands we me?\n. . . . . . . .\nYe\u2019s gett cruds an grean why.\u2019\n226[H.6] Out spak Lissy\u2019s mother,\nAn out spak she;\n\u2018If ye say so to my daughter,\n[I] swaer I ell gar ye die.\u2019\n226[H.7] \u2018Keep well yer dother, old lady,\nKeep well yer dother fra me,\nFor I care as littel for yer dother\nAs she dos for me.\u2019\n226[H.8] Out spak Lissie Lindsy,\nWe the tear in her eay;\n\u2018I will gie ye ten gunies,\nIf ye wad bat sitt in my roum bat a whill\nTill I dra you[r] picter,\nTo mind me on your swit smill.\u2019\n226[H.9] \u2018I care as littel for your ten gunies\nAs ye dou for mine,\nBut if ye love my person,\nGoo we me if ye inclayn.\u2019\n226[H.10] Fan they came to Carnusie, an even to the glen,\nOut came the old day:\n\u2018Ye\u2019r welcom home, Sir Donall, ye\u2019r welcom home,\nAn that fair creatur ye we.\u2019\n226[H.11] \u2018Caa na me mare Sir Donald,\nBat caa me Donall, yer son,\nAn I\u2019ll caa ye my mother,\nAn caa me Donall, yer son:\u2019\nThe words wer spoken in Ears,\nLissie she had nean.\n226[H.12] \u2018Gett us a supper of cruds,\n[A supper of cruds] an green whay,\nAn a bed of the best of yeer rushes,\nBesids a covering of gray.\u2019\n226[H.13] Lissy Lindsy bieng weary,\nShe lay over long in they day:\n\u2018Win up, Lissy Lindsy,\nYe haa layen our lang in the day;\nYe might haa ben out we my mider,\nMilken the eus an the kay.\u2019\n226[H.14] Out spak Lissie Lindsy,\nThe tear in her eay;\n\u2018I wiss I wer in Edenbrugh citty,\nI cann milk eus nor kay.\u2019\n226[H.15] \u2018Hold your toung, Lissie Lindsy,\nAn dou not freat on me,\nFor I will haa ye back to Edenbrugh citty,\nNou we grait safity.\u2019\n226[H.16] Out spak Lissie Lindsy,\nThe tear in her eay;\n\u2018If I wer in Edenbrugh citty,\nThey woud think littel of me.\u2019\n226[H.17] He touk her by the milk-white hand,\nSome other forest to vue;\n. . . . . . . .\n. . . . . . .\n226[H.18] Fan they came to Carnusy, out came Donal\u2019s father,\nA gay old knight was he;\nOut cam Donald\u2019s father,\nAn four-an-tuenty him we.\n226[H.19] \u2018Ye\u2019r welcom, Lissie Lends[y],\nDear welcom to me;\nYe\u2019s be Lady Carnusie,\nAn gett Donal, my son.\u2019\n226[H.20] Out came Donald\u2019s mother,\nAn four-an-tuenty her we:\n\u2018Ye\u2019r welcom, my son,\nAn that fair creatur ye we.\u2019","title":"The Child Ballads: 226. Lizie Lindsay","type":"page"}