{"collection":"Northern European Mythology","html_url":"https://unchartedknowledge.5gfusion.net/browse/neu/eng/child/ch239.htm","path":"neu/eng/child/ch239.htm","source_url":"https://sacred-texts.com/neu/eng/child/ch239.htm","text":"239A.1 \u2018AUCHANACHIE GORDON is bonny and braw,\nHe would tempt any woman that ever he saw;\nHe would tempt any woman, so has he tempted me,\nAnd I\u2019ll die if i getna my love Auchanachie.\u2019\n239A.2 In came her father, tripping on the floor,\nSays, Jeanie, ye\u2019re trying the tricks o a whore;\nYe\u2019re caring for them that cares little for thee;\nYe must marry Salton, leave Auchanachie.\n239A.3 \u2018Auchanachie Gordon, he is but a man;\nAltho he be pretty, where lies his free land?\nSalton\u2019s lands they lie broad, his towers they stand hie,\nYe must marry Salton, leave Auchanachie.\n239A.4 . . . . .\n. . . . .\n\u2018Salton will gar you wear silk gowns fring\u2019d to thy knee,\nBut ye\u2019ll never wear that wi your love Auchanachie.\u2019\n239A.5 \u2018Wi Auchanachie Gordon I would beg my bread\nBefore that wi Salton I\u2019d wear gowd on my head,\nWear gowd on my head, or gowns fring\u2019d to the knee;\nAnd I\u2019ll die if I getna my love Auchanachie.\n239A.6 \u2018O Salton\u2019s [a] valley lies low by the sea,\nHe\u2019s bowed on the back, and thrawin on the knee;\u2019\n. . . . .\n. . . . .\n239A.7 \u2018O Salton\u2019s a valley lies low by the sea;\nThough he\u2019s bowed on the back and thrawin on the knee,\nThough he\u2019s bowed on the back and thrawin on the knee,\nThe bonny rigs of Salton they\u2019re nae thrawin tee.\u2019\n239A.8 \u2018O you that are my parents to church may me bring,\nBut unto young Salton I\u2019ll never bear a son;\nFor son or for daughter, I\u2019ll never bow my knee,\nAnd I\u2019ll die if I getna my love Auchanachie.\u2019\n239A.9 When Jeanie was married, from church was brought hame,\nWhen she wi her maidens sae merry shoud hae been,\nWhen she wi her maidens sae merry shoud hae been,\nShe\u2019s called for a chamber, to weep there her lane.\n239A.10 \u2018Come to your bed, Jeanie, my honey and my sweet,\nFor to stile you mistress I do not think it meet:\u2019\n\u2018Mistress or Jeanie, it is a\u2019 ane to me,\nIt\u2019s in your bed, Salton, I never will be.\u2019\n239A.11 Then out spake her father, he spake wi renown;\nSome of you that are maidens, ye\u2019ll loose aff her gown;\nSome of you that are maidens, ye\u2019ll loose aff her gown,\nAnd I\u2019ll mend the marriage wi ten thousand crowns.\n239A.12 Then ane of her maidens they loosed aff her gown,\nBut bonny Jeanie Gordon she fell in a swoon;\nShe fell in a swoon low down by their knee;\nSays, Look on, I die for my love Auchanachie!\n239A.13 That very same day Miss Jeanie did die,\nAnd hame came Auchanachie, hame frae the sea;\nHer father and mither welcomd him at the gate;\nHe said, Where\u2019s Miss Jeanie, that she\u2019s nae here yet?\n239A.14 Then forth came her maidens, all wringing their hands,\nSaying, Alas for your staying sae lang frae the land!\nSae lang frae the land, and sae lang on the fleed!\nThey\u2019ve wedded your Jeanie, and now she is dead.\n239A.15 \u2018Some of you, her maidens, take me by the hand,\nAnd show me the chamber Miss Jeanie died in;\u2019\nHe kissd her cold lips, which were colder than stane,\nAnd he died in the chamber that Jeanie died in.\nChile 239B: Lord Saltoun and Auchanachie\n239B.1 \u2018BUCHAN, it\u2019s bonnie, an there lies my love,\nMy heart is fixt on him, it winna remove;\nIt winna remove for a\u2019 at I can dee,\nAn I never will forsake him Young Annochie.\u2019\n239B.2 Her father cam trippin, cam trippin ben the floor,\nSays, Jeannie, ye hae but the tricks o a whore;\nYe care little for the man that cares muckle for thee,\nBut I\u2019ll cause you marry Saltoun, let Annochie be.\n239B.3 \u2018Ye may marry me to Saltoun before that I go home,\nBut it is to Lord Saltoun I\u2019ll never bear a son;\nA son nor a daughter I\u2019ll never bear to he,\nAn I never will frosake him Young Annochie.\u2019\n239B.4 \u2018All you that is her maidens, ye\u2019ll tak her by the han,\nAn I will inheft her o five thousan poun;\nShe\u2019ll wear silk to her heel and gowd to her knee,\nAn I\u2019ll cause her to forsake him Young Annochie.\u2019\n239B.5 \u2018All you that is my maidens winna tak me by the han,\nI winna be inhefted o five thousan poun;\nI\u2019ll nae wear silk to my heal nor wear gowd to my knee,\nAn I never will forsake him Young Annochie.\u2019\n239B.6 \u2018All you that is her maidens, ye\u2019ll show her to her bed;\nThe blankets they are ready, the sheets are comely spread;\nShe shall lie in my airms till twelve o the day,\nAn I\u2019ll cause her to forsake him Young Annochie.\u2019\n239B.7 \u2018All you that is my maidens winna show me to my bed,\nTho the blankets they be ready, the sheets be comely spread;\nI\u2019ll nae lie in your airms till twelve o the day,\nAn I never will forsake him Young Annochie.\u2019\n239B.8 It\u2019s that day they wedded her, an that day she died,\nAn that day Young Annochie cam in on the tide;\n. . . . .\n. . . . .\n239B.9 Her maidens did meet him, a\u2019 wringin their hans,\nSayin, It\u2019s a\u2019 for your stayin so long on the sans!\nThey\u2019ve wedded your Jeannie, an now she is dead,\nAn it\u2019s a\u2019 for your stayin sae long on the fleed.\n239B.10 \u2018All you that is her maidens ye\u2019ll tak me by the han,\nYe\u2019ll show me the bower that Jeannie lies in:\u2019\nHe kissed her cold lips, they were both white an red,\nAnd for bonnie Jeannie Gordon Young Annochie died.","title":"The Child Ballads: 239. Lord Saltoun and Auchanachie","type":"page"}