{"collection":"Northern European Mythology","html_url":"https://unchartedknowledge.5gfusion.net/browse/neu/eng/child/ch242.htm","path":"neu/eng/child/ch242.htm","source_url":"https://sacred-texts.com/neu/eng/child/ch242.htm","text":"Sacred Texts\u00a0\n Legends & Sagas\u00a0\n England\u00a0\n Index\u00a0\n Previous\u00a0\n Next\u00a0\n \n \n \n 242A: The Coble o Cargin\n \n \n 242A.1 DAVID DRUMMONDRR\u2019rrS destinie,\n Gude man o appearance o Cargill;\n I wat his blude rins in the flude,\n Sae sair against his parents\u2019 will.\n 242A.2 She was the lass o Balathy toun,\n And he the butler o Stobhall,\n And mony a time she wauked late\n To bore the coble o Cargill.\n 242A.3 His bed was made in Kercock ha,\n Of gude clean sheets and of [the] hay;\n He wudna rest ae nicht therein,\n But on the prude waters he wud gae.\n 242A.4 His bed was made in Balathy toun,\n Of the clean sheets and of the strae;\n But I wat it was far better made\n Into the bottom o bonnie Tay.\n 242A.5 She bored the coble in seven pairts,\n I wat her heart might hae been fu sair;\n For there she got the bonnie lad lost\n Wi the curly locks and the yellow hair.\n 242A.6 He put his foot into the boat,\n He little thocht o ony ill;\n But before that he was mid-waters,\n The weary coble began to fill.\n 242A.7 \u2018Woe be to the lass o Balathy toun,\n I wat an ill death may she die!\n For she bored the coble in seven pairts,\n And let the waters perish me.\n 242A.8 \u2018Oh, help, oh help, I can get nane,\n Nae help o man can to me come!\u2019\n This was about his dying words,\n When he was choaked up to the chin.\n 242A.9 \u2018Gae tell my father and my mother\n It was naebody did me this ill;\n I was a-going my ain errands,\n Lost at the coble o bonnie Cargill.\u2019\n 242A.10 She bored the boat in seven pairts,\n I wat she bored it wi gude will;\n And there they got the bonnie lad\u2019s corpse,\n In the kirk-shot o bonnie Cargill.\n 242A.11 Oh a\u2019 the keys o bonnie Stobha\n I wat they at his belt did hing;\n But a\u2019 the keys of bonnie Stobha\n They now ly low into the stream.\n 242A.12 A braver page into his age\n Neer set a foot upon the plain;\n His father to his mother said,\n \u2018Oh, sae soon as we\u2019ve wanted him!\n 242A.13 \u2018I wat they had mair luve than this\n When they were young and at the scule;\n But for his sake she wauked late,\n And bored the coble o bonnie Cargill.\u2019\n 242A.14 \u2018There\u2019s neer a clean sark gae on my back,\n Nor yet a kame gae in my hair;\n There\u2019s neither coal nor candle-licht\n Shall shine in my bouir foe evir mair.\n 242A.15 \u2018At kirk nor market I\u2019se neer be at,\n Nor yet a blythe blink in my ee;\n There\u2019s neer a ane shall say to anither,\n That\u2019s the lassie gard the young man die.\n 242A.16 \u2018Between the yates o bonnie Stobha\n And the kirk-style o bonnie Cargill,\n There is mony a man and mother\u2019s son\n That was at my love\u2019s burial.\u2019\n \n \n \n \n \n \n Next: 243. James Harris, (The Daemon Lover)","title":"The Child Ballads: 242. The Coble o Cargin","type":"page"}