{"collection":"Northern European Mythology","html_url":"https://unchartedknowledge.5gfusion.net/browse/neu/eng/child/ch256.htm","path":"neu/eng/child/ch256.htm","source_url":"https://sacred-texts.com/neu/eng/child/ch256.htm","text":"256A.1 \u2018MY luve she lives in Lincolnshire,\nI wat she\u2019s neither black nor broun,\nBut her hair is like the thread o gowd,\nAye an it waur weel kaim d doun.\u2019\n256A.2 She\u2019s pued the black mask owre her face,\nAn blinkit gaily wi her ee:\nRR\u2019rro will you to my weddin come,\nAn will you bear me gude companie?\u2019\n256A.3 \u2018I winna to your weddin come,\nNor [will] I bear you gude companie,\nUnless you be the bride yoursell,\nAn me the bridegroom to be.\u2019\n256A.4 \u2018For me to be the bride mysel,\nAn you the bonnie bridegroom to be-+--+-\nCheer up you heart, Sweet Willie,\u2019 she said,\n\u2018For that\u2019s the day you\u2019ll never see.\n256A.5 \u2018Gin you waur on your saddle set,\nAn gaily ridin on the way,\nYou\u2019ll hae nae mair mind o Alison\nThan she waur dead an laid in clay.\u2019\n256A.6 When he was on his saiddle set,\nAn slowly ridin on the way,\nHe had mair mind o Alison\nThan he had o the licht o day.\n256A.7 He saw a hart draw near a hare,\nAn aye that hare drew near a toun,\nAn that same hart did get a hare,\nBut the gentle knicht got neer a toun.\n256A.8 He leant him owre his saiddle-bow,\nAn his heart did brak in pieces three;\nWi sighen said him Sweet Willie,\n\u2018The pains o luve hae taen hald o me.\u2019\n256A.9 . . . .\n. . . .\nThere cam a white horse an a letter,\nThat stopped the weddin speidilie.\n256A.10 She leant her back on her bed-side,\nAn her heart did brak in pieces three;\nShe was buried an bemoaned,\nBut the birds waur Willie\u2019s companie.","title":"The Child Ballads: 256. Alison and Willie","type":"page"}