{"collection":"Northern European Mythology","html_url":"https://unchartedknowledge.5gfusion.net/browse/neu/eng/mect/mect73.htm","path":"neu/eng/mect/mect73.htm","source_url":"https://sacred-texts.com/neu/eng/mect/mect73.htm","text":"The Canterbury Tales and Other Works of Chaucer (Middle English), by Geoffery Chaucer, [14th cent.]\nThe Shorter Poems\nChaucers Wordes unto Adam, His Owne Scriveyn\nAdam scriveyn, if ever it thee bifalle Boece or Troylus for to wryten newe, Under thy long lokkes thou most have the scalle, But after my makyng thow wryte more trewe; So ofte adaye I mot thy werk renewe, It to correcte and eke to rubbe and scrape, And al is thorugh thy negligence and rape.","title":"The Canterbury Tales and Other Works of Chaucer (Middle E...","type":"page"}