{"collection":"scripture-revelation","full_text_available":true,"graph_url":"https://unchartedknowledge.5gfusion.net/v2/api/page/wikisource_Herrin_in_sa_t_The_answer/graph","html_url":"https://unchartedknowledge.5gfusion.net/v2/page/wikisource_Herrin_in_sa_t_The_answer","id":"wikisource_Herrin_in_sa_t_The_answer","license":"Public Domain / CC-BY-SA (see source)","rights_basis":"wikisource_site_inclusion_policy","source":"wikisource","source_url":"https://en.wikisource.org/wiki/Herrin_in_sa't/The_answer","summary":null,"tags":["Headers_applying_DefaultSort_key","Marriage","Pamphlets","Scottish_poetry","Subpages","Works_using_categories_parameter"],"text":"THE ANSWER.\n\nWhat care I for your herring in sa't!\n\nladdie I like to tell thee true;\n\nI care nae a fig for your forpet o' malt;\n\nsae ye needna come here that way to woo.\n\nAs little care I for your house is the muir,\n\neen that my lad winna bribe me now,\n\nThough fifty fouk could dance i' the floor,\n\nfoul fa' me gin that would bring me to.\n\nSae brag nae mair o' your buts and your bens,\n\nladdie that's no the gate to woo,\n\nThough ye had a hunder cocks an hens,\n\nthey ne'er wad gar me tak ye now.\n\nAs for your hen wi' the happity leg,\n\nladdie ye're either daft or fou\n\nO ye think that I can dine on ae egg?\n\n'deed friend yo're making game o' me now.\n\nYe say ye've a pig will soon be a sow,\n\nladdie I like the truth to tell:\n\nWhen we brag o' a calf that will soon be a cow,\n\nI'm flee'd ye\u2019re but a calf yoursel.\n\nAn for your kebbuck upo' the shelf,\n\nbark an' I\u2019ll tell ye how to do;\n\nYou maun talk o' naething but love for love,\n\nfor that's the gate a young lass to woo.\n\nFor gin I could think ye liket me weel,\n\nladdie l tell you truely now;\n\nI wad leave my daddy and minny atweel,\n\nand blythly the night gang aff wi\u2019 you.","title":"Herrin in sa't/The answer","tradition":"scripture-revelation","translated_text":null,"word_count":236}