Unicode Tanakh (Hebrew Bible) without vowels: Hosea: hoshaya 3
3:1 ויאמר יהוה אלי עוד לך אהב אשׁה אהבת רע ומנאפת כאהבת יהוה את בני ישׂראל והם פנים אל אלהים אחרים ואהבי אשׁישׁי ענבים
3:2 ואכרה לי בחמשׁה עשׂר כסף וחמר שׂערים ולתך שׂערים
3:3 ואמר אליה ימים רבים תשׁבי לי לא תזני ולא תהיי לאישׁ וגם אני אליך
3:4 כי ימים רבים ישׁבו בני ישׂראל אין מלך ואין שׂר ואין זבח ואין מצבה ואין אפוד ותרפים
3:5 אחר ישׁבו בני ישׂראל ובקשׁו את יהוה אלהיהם ואת דוד מלכם ופחדו אל יהוה ואל טובו באחרית הימים