Unicode Tanakh (Hebrew Bible) without vowels: Joshua: yehoshua 15
15:1 ויהי הגורל למטה בני יהודה למשׁפחתם אל גבול אדום מדבר צן נגבה מקצה תימן
15:2 ויהי להם גבול נגב מקצה ים המלח מן הלשׁן הפנה נגבה
15:3 ויצא אל מנגב למעלה עקרבים ועבר צנה ועלה מנגב לקדשׁ ברנע ועבר חצרון ועלה אדרה ונסב הקרקעה
15:4 ועבר עצמונה ויצא נחל מצרים והיה תצאות הגבול ימה זה יהיה לכם גבול נגב
15:5 וגבול קדמה ים המלח עד קצה הירדן וגבול לפאת צפונה מלשׁון הים מקצה הירדן
15:6 ועלה הגבול בית חגלה ועבר מצפון לבית הערבה ועלה הגבול אבן בהן בן ראובן
15:7 ועלה הגבול דברה מעמק עכור וצפונה פנה אל הגלגל אשׁר נכח למעלה אדמים אשׁר מנגב לנחל ועבר הגבול אל מי עין שׁמשׁ והיו תצאתיו אל עין רגל
15:8 ועלה הגבול גי בן הנם אל כתף היבוסי מנגב היא ירושׁלם ועלה הגבול אל ראשׁ ההר אשׁר על פני גי הנם ימה אשׁר בקצה עמק רפאים צפנה
15:9 ותאר הגבול מראשׁ ההר אל מעין מי נפתוח ויצא אל ערי הר עפרון ותאר הגבול בעלה היא קרית יערים
15:10 ונסב הגבול מבעלה ימה אל הר שׂעיר ועבר אל כתף הר יערים מצפונה היא כסלון וירד בית שׁמשׁ ועבר תמנה
15:11 ויצא הגבול אל כתף עקרון צפונה ותאר הגבול שׁכרונה ועבר הר הבעלה ויצא יבנאל והיו תצאות הגבול ימה
15:12 וגבול ים הימה הגדול וגבול זה גבול בני יהודה סביב למשׁפחתם
15:13 ולכלב בן יפנה נתן חלק בתוך בני יהודה אל פי יהוה ליהושׁע את קרית ארבע אבי הענק היא חברון
15:14 וירשׁ משׁם כלב את שׁלושׁה בני הענק את שׁשׁי ואת אחימן ואת תלמי ילידי הענק
15:15 ויעל משׁם אל ישׁבי דבר ושׁם דבר לפנים קרית ספר
15:16 ויאמר כלב אשׁר יכה את קרית ספר ולכדה ונתתי לו את עכסה בתי לאשׁה
15:17 וילכדה עתניאל בן קנז אחי כלב ויתן לו את עכסה בתו לאשׁה
15:18 ויהי בבואה ותסיתהו לשׁאול מאת אביה שׂדה ותצנח מעל החמור ויאמר לה כלב מה לך
15:19 ותאמר תנה לי ברכה כי ארץ הנגב נתתני ונתתה לי גלת מים ויתן לה את גלת עליות ואת גלת תחתיות
15:20 זאת נחלת מטה בני יהודה למשׁפחתם
15:21 ויהיו הערים מקצה למטה בני יהודה אל גבול אדום בנגבה קבצאל ועדר ויגור
15:25 וחצור חדתה וקריות חצרון היא חצור
15:27 וחצר גדה וחשׁמון ובית פלט
15:28 וחצר שׁועל ובאר שׁבע ובזיותיה
15:32 ולבאות ושׁלחים ועין ורמון כל ערים עשׂרים ותשׁע וחצריהן
15:33 בשׁפלה אשׁתאול וצרעה ואשׁנה
15:34 וזנוח ועין גנים תפוח והעינם
15:35 ירמות ועדלם שׂוכה ועזקה
15:36 ושׁערים ועדיתים והגדרה וגדרתים ערים ארבע עשׂרה וחצריהן
15:41 וגדרות בית דגון ונעמה ומקדה ערים שׁשׁ עשׂרה וחצריהן
15:44 וקעילה ואכזיב ומראשׁה ערים תשׁע וחצריהן
15:46 מעקרון וימה כל אשׁר על יד אשׁדוד וחצריהן
15:47 אשׁדוד בנותיה וחצריה עזה בנותיה וחצריה עד נחל מצרים והים הגבול וגבול
15:48 ובהר שׁמיר ויתיר ושׂוכה
15:51 וגשׁן וחלן וגלה ערים אחת עשׂרה וחצריהן
15:54 וחמטה וקרית ארבע היא חברון וציער ערים תשׁע וחצריהן
15:57 הקין גבעה ותמנה ערים עשׂר וחצריהן
15:59 ומערת ובית ענות ואלתקן ערים שׁשׁ וחצריהן
15:60 קרית בעל היא קרית יערים והרבה ערים שׁתים וחצריהן
15:61 במדבר בית הערבה מדין וסככה
15:62 והנבשׁן ועיר המלח ועין גדי ערים שׁשׁ וחצריהן
15:63 ואת היבוסי יושׁבי ירושׁלם לא יוכלו בני יהודה להורישׁם וישׁב היבוסי את בני יהודה בירושׁלם עד היום הזה