Unicode Tanakh (Hebrew Bible) without vowels: Psalms: tehillim 12
12:1 למנצח על השׁמינית מזמור לדוד
12:2 הושׁיעה יהוה כי גמר חסיד כי פסו אמונים מבני אדם
12:3 שׁוא ידברו אישׁ את רעהו שׂפת חלקות בלב ולב ידברו
12:4 יכרת יהוה כל שׂפתי חלקות לשׁון מדברת גדלות
12:5 אשׁר אמרו ללשׁננו נגביר שׂפתינו אתנו מי אדון לנו
12:6 משׁד עניים מאנקת אביונים עתה אקום יאמר יהוה אשׁית בישׁע יפיח לו
12:7 אמרות יהוה אמרות טהרות כסף צרוף בעליל לארץ מזקק שׁבעתים
12:8 אתה יהוה תשׁמרם תצרנו מן הדור זו לעולם
12:9 סביב רשׁעים יתהלכון כרם זלות לבני אדם