Unicode Tanakh (Hebrew Bible) without vowels: Psalms: tehillim 122

122:1 שׁיר המעלות לדוד שׂמחתי באמרים לי בית יהוה נלך 122:2 עמדות היו רגלינו בשׁעריך ירושׁלם 122:3 ירושׁלם הבנויה כעיר שׁחברה לה יחדו 122:4 שׁשׁם עלו שׁבטים שׁבטי יה עדות לישׂראל להדות לשׁם יהוה 122:5 כי שׁמה ישׁבו כסאות למשׁפט כסאות לבית דויד 122:6 שׁאלו שׁלום ירושׁלם ישׁליו אהביך 122:7 יהי שׁלום בחילך שׁלוה בארמנותיך 122:8 למען אחי ורעי אדברה נא שׁלום בך 122:9 למען בית יהוה אלהינו אבקשׁה טוב לך