Gothic Bible (partial): Nehemiah

5:13 [D] . . . . jah qaþ alla gamainþs: amen. jah hazidedun fraujan jah gatawidedun þata waurd alla so managei. 5:14 [D] jah fram þamma daga ei anabauþ mis ei weisjau fauramaþleis ize in Iudaia, fram jera ·k· und jer ·l· jah anþar Arta[r]ksairksaus þiudanis ·ib· jera, ik jah broþrjus meinai hlaif fauramaþleis meinis ni matidedum. 5:15 [D] iþ fauramaþljos þaiei weisun faura mis kauridedun þo managein jah nemun at im hlaibans jah wein jah nauhþanuh silubris sikle ·m·, jah skalkos ize fraujinodedun þizai managein; iþ ik ni tawida swa faura andwairþja agisis gudis. 5:16 [D] jah waurstw þizos baurgswaddjaus inswinþida, jah þaurp ni gastaistald, jah þiwos meinai jah allai þai galisanans du þamma waurstwa. 5:17 [D] jah Iudaieis jah þai fauramaþljos ·r· jah ·n· gumane jah þai qimandans at unsis us þiudom þaim bisunjane unsis ana biuda meinamma andnumanai weisun. 5:18 [D] jah was fraquman dagis hvizuh stiur ·a· lamba gawalida ·q· jah gaits [·a·] gamanwida was mis; jah bi ·i· dagans gaf wein allai þizai filusnai jah allai þizai managein; jah ana þo alla hlaif fauramaþleis meinis ni sokida, in þis ei ni kauridedjau þo managein in þaim waurstwam . . . . 6:14 [D] . . . . (praufe)te, þaiei þrafstidedun mik. 6:15 [D] jah ustauhana warþ so baurgswaddjus ·e· jah ·k· daga men(oþis) (Alulis), ·n· dage jah ·b· 6:16 [D] jah warþ, swe hausidedun fiands unsarai allai, jah ohtedun allos þiudos þos bisunjane unsis, jah atdraus agis in au(g)ona ize abraba; jah ufkunþedun þatei fram guda unsaramma warþ usfulliþ þata waurstw. 6:17 [D] jah in dagam jainaim managai weisun þize reikjane Iudaie, þaiei sandidedun aipistulans du Tobeiin, jah Tobeias du im. 6:18 [D] managai auk in Iudaia ufaiþjai weisun imma, unte megs was Saixaineiins, sunaus Aieirins, jah Ioanan sunus is nam dauhtar Maisaullamis, sunaus Barakeiins, du qenai. 6:19 [D] jah rodidedun du imma wai(la) in andwairþja meinamma, jah waurda meina spillodedun imma, jah aipistulans insandida Tobeias ogjan mik. 7:1 [D] Jah warþ, swe gatimrida warþ so baurgswaddjus, jah gasatida haurdins, jah gaweisodai waurþun daurawardos jah liuþarjos jah Laiwweiteis; 7:2 [D] jah anabauþ Anaiin broþr meinamma jah Ananeiin fauramaþlja baurgs Iairusalems, unte sa was wair sunjeins jah ogands fraujan ufar managans; 7:3 [D] jah qaþ im: ni uslukaindau daurons Iairusalems, und þatei urrinnai sunno . . . . 7:13 [D] . . . . (h)un(da) (·m·) (·e·) (...45). - 7:14 [D] sunjus (Zax)xa(i)a(us) ·hv· (·j·) (760). - 7:15 [D] (suniwe) (Ba)nau(is) (·x·) (·j·) (·b·) (662). - 7:16 [D] (su)naus (B)a(b)a(wis) (·x·) ·k· ·g· (623). - 7:17 [D] suna(us) gadis ·b· þusundjus (·s·) (·k·) (·b·) (2222). - 7:18 [D] (suniwe) (Adone)ik(a)m(is) (·x·) (·j·) ·q· (666). - 7:19 [D] suni(we) Ba(ig)au(s)is ·b· (þ)usund(jos) ·j· (·q·) (2066). - 7:20 [D] su(niwe) (Ad)deis ·x· ·n· ·d· (654). - 7:21 [D] sunaus Azeiris, suna(u)s Aizaike(i)ins, niun(te)hund (j)ah ·h· (98). - 7:22 [D] suniwe Assaumis ·s· ·k· ·g· (223). - 7:23 [D] suni(w)e (B)a(s)seis ·t· ·l· ·g· (333). - 7:24 [D] suniwe Ioriais (·r·) ·i· ·b· (112). - 7:25 [D] suni(we) Gabaons ·· ·e· (95). - 7:26 [D] suniwe Biþlaihaimis ·r· ·k· ·g· (123). - suniwe Nait(o)faþeis ·r· ·i· ·q· (116). - 7:27 [D] suniwe Anaþoþis ·r· ·k· ·h· (128). - 7:28 [D] (su)niwe Asm(o)þis ·r· ·k· (·h·) (128). - 7:29 [D] waire Kar(eiaþiaa)reim jah (K)aif(a)i(r)a (jah) Beroþ ·hv· ·m· ·g· (743). - 7:30 [D] wairos Ra(ma) (jah) G(a)baa (·x·) (·k·) (·g·) (623). - 7:31 [D] wa(i)ros M(a)kmas (·r·) ·k· ·b· (122). - 7:32 [D] wairos Ba(i)þilis jah Gai ·s· ·k· ·g· (223). - 7:33 [D] wairos Nabawis ·n· ·b· (52). - sun(ju)s (Ma)k(eib)is ·r· ·n· ·q· (156). - 7:34 [D] sunjus Ail(a)mis anþ(a)ris þusundi ·s· ·n· ·d· (1254). - 7:35 [D] sunjus Eeiramis ·t· ·k· (320). - 7:36 [D] sunjus Eiaireikons ·t· ·m· ·e· (345). - 7:37 [D] sunjus Lwddomaeis jah Anos ·hv· ·k· ·e· (725). - 7:38 [D] sunjus Ainnaïns ·g· þusundjos ·x· ·l· (3630). - 7:39 [D] jah gudjans: sunjus Aidduins us garda Iesuis niun hunda ·u· ·g· (973). - 7:40 [D] sunjus Aimmeirins þusundi ·n· ·b· (1052). - 7:41 [D] sunjus Fallasuris þusundi ·s· ·m· ·z· (1247). - 7:42 [D] sunjus Iareimis þusundi ·i· ·z· (1017). - 7:43 [D] jah Laiwweiteis: sunjus Iesuis jah Ka(i)dmeielis us sunum Odueiins ·u· ·d· (74). - 7:44 [D] sunjus Asabis liuþarjos ·r· ·m· ·h· (148). - 7:45 [D] sunjus daurawarde: sunaus Sailaumis jah sunjus Aze . . . .