The Rig Veda in Sanskrit: Rig Veda Book 2: Hymn 3

Sacred Texts Hinduism Index English Rig Veda Book 2 Index Previous Next Rig Veda Book 2 Hymn 3 समिद्धो अग्निर्निहितः पर्थिव्यां परत्यं विश्वानि भुवनान्यस्थात | होता पावकः परदिवः सुमेधा देवो देवान यजत्वग्निरर्हन || नराशंसः परति धामान्यञ्जन तिस्रो दिवः परति मह्ना सवर्चिः | घर्तप्रुषा मनसा हव्यमुन्दन मूर्धन यज्ञस्य समनक्तु देवान || ईळितो अग्ने मनसा नो अर्हन देवान यक्षि मानुषात पूर्वो अद्य | स आ वह मरुतां शर्धो अच्युतमिन्द्रं नरो बर्हिषदं यजध्वम || देव बर्हिर्वर्धमानं सुवीरं सतीर्णं राये सुभरं वेद्यस्याम | घर्तेनाक्तं वसवः सीदतेदं विश्वे देवा आदित्या यज्ञियासः || वि शरयन्तामुर्विया हूयमाना दवारो देवीः सुप्रायणा नमोभिः | वयचस्वतीर्वि परथन्तामजुर्या वर्णं पुनानायशसं सुवीरम || साध्वपांसि सनता न उक्षिते उषासानक्ता वय्येव रण्विते | तन्तुं ततं संवयन्ती समीची यज्ञस्य पेशः सुदुघे पयस्वती || दैव्या होतारा परथमा विदुष्टर रजु यक्षतः सं रचावपुष्टरा | देवान यजन्ताव रतुथा समञ्जतो नाभा पर्थिव्या अधि सानुषु तरिषु || सरस्वती साधयन्ती धियं न इळा देवी भारती विश्वतूर्तिः | तिस्रो देवीः सवधया बर्हिरेदमछिद्रं पान्तुशरणं निषद्य || पिशङगरूपः सुभरो वयोधाः शरुष्टी वीरो जायते देवकामः | परजां तवष्टा वि षयतु नाभिमस्मे अथा देवानामप्येतु पाथः || वनस्पतिरवस्र्जन्नुप सथादग्निर्हविः सूदयाति पर धीभिः | तरिधा समक्तं नयतु परजानन देवेभ्यो दैव्यः शमितोप हव्यम || घर्तं मिमिक्षे घर्तमस्य योनिर्घ्र्ते शरितो घर्तं वस्य धाम | अनुष्वधमा वह मादयस्व सवाहाक्र्तं वर्षभ वक्षि हव्यम || hotā pāvakaḥ pradivaḥ sumedhā devo devān yajatvaghnirarhan || narāśaṃsaḥ prati dhāmānyañjan tisro divaḥ prati mahnā svarciḥ | ghṛtapruṣā manasā havyamundan mūrdhan yajñasya samanaktu devān || īḷito aghne manasā no arhan devān yakṣi mānuṣāt pūrvo adya | sa ā vaha marutāṃ śardho acyutamindraṃ naro barhiṣadaṃ yajadhvam || deva barhirvardhamānaṃ suvīraṃ stīrṇaṃ rāye subharaṃ vedyasyām | ghṛtenāktaṃ vasavaḥ sīdatedaṃ viśve devā ādityā yajñiyāsaḥ || vi śrayantāmurviyā hūyamānā dvāro devīḥ suprāyaṇā namobhiḥ | vyacasvatīrvi prathantāmajuryā varṇaṃ punānāyaśasaṃ suvīram || sādhvapāṃsi sanatā na ukṣite uṣāsānaktā vayyeva raṇvite | tantuṃ tataṃ saṃvayantī samīcī yajñasya peśaḥ sudughe payasvatī || daivyā hotārā prathamā viduṣṭara ṛju yakṣataḥ saṃ ṛcāvapuṣṭarā | devān yajantāv ṛtuthā samañjato nābhā pṛthivyā adhi sānuṣu triṣu || sarasvatī sādhayantī dhiyaṃ na iḷā devī bhāratī viśvatūrtiḥ | tisro devīḥ svadhayā barhiredamachidraṃ pāntuśaraṇaṃ niṣadya || piśaṅgharūpaḥ subharo vayodhāḥ śruṣṭī vīro jāyate devakāmaḥ | prajāṃ tvaṣṭā vi ṣyatu nābhimasme athā devānāmapyetu pāthaḥ || vanaspatiravasṛjannupa sthādaghnirhaviḥ sūdayāti pra dhībhiḥ | tridhā samaktaṃ nayatu prajānan devebhyo daivyaḥ śamitopa havyam || ghṛtaṃ mimikṣe ghṛtamasya yonirghṛte śrito ghṛtaṃ vasya dhāma | anuṣvadhamā vaha mādayasva svāhākṛtaṃ vṛṣabha vakṣi havyam || Next: Hymn 4